1 flakon tarkibida: Amoksitsillin (125 mg), klavulan kislotasi (31,5 mg).

Duo Klav quyidagi amoksitsillinga sezgir mikroorganizmlar chaqirgan infeksion kasalliklarda qo‘llanadi: otorinolaringologik infeksiyalarda (sinusit, faringit, o‘rta otit, angina); siydik-jinsiy tizim infeksiyalarida (endometrit, tsistit, uretrit, pielonefrit, prostatit, asoratsiz gonoreya); pastki nafas yo‘llari infeksiyalarida (plevra empiemasi, bronxit, o‘pka abssessi, pnevmoniya); yumshoq to‘qimalar, teri infeksiyalarida (abssess, piodermiya, furunkulyoz, flegmona); qorin bo‘shlig‘i organlari infeksiyalarida (xoletsistit, qorin tifi, enterokolit, peritonit, xolangit); suyak va bo‘g‘imlar infeksiyalarida (osteomiyelit, artrit); - sepsisda; listerioz, leptospiroz, meningit, borrelioz (Laym kasalligi)da; jarrohlik infeksiyasining oldini olishda; endokarditning oldini olishda; Helicobacter pylori bilan bog‘liq yara kasalligi, gastritning kombinasiyalangan terapiyasida.

Duo Klav preparati quyidagi hollarda qo‘llanilmaydi: penisillinlar, tsefalosporinlar, karbapenemlarga allergiya bo‘lsa; komponentlarga toqat qilmaslikda; infeksion mononukleozda. Ehtiyotkorlik bilan qo‘llaniladi: buyrak yetishmovchiligida; allergik holatlarda (pollinoz, allergik diatez, bronxial astma); limfoleykozda; ksenoobiotiklarga polivalent yuqori sezuvchanlikda; antibiotiklar qo‘llanilishi bilan bog‘liq ovqat hazm qilish tizimi kasalliklari anamnezida.

Duo Klav kukuni og'iz orqali qo'llaniladi.

Flakon belgisigacha sovutilgan qaynatilgan suv bilan to'ldiriladi, bir necha marta chayqatiladi, bir hil suyuqlik hosil bo'lguncha.

10 yoshdan katta bolalar (40 kg dan ortiq vaznli), kattalar uchun standart doza har 8 soatda 500 1000 mg amoksitsillin, og'ir infeksiyalarda har 8 soatda 1000 2000 mg amoksitsillin. Maksimal doza 6000 mg/sutka.

40 kg dan kam vaznli bemorlar uchun 45 mg/kg/sutka ko'rsatilgan.

Terapiyaning davomiyligi infeksion jarayonning og'irligi va xususiyatlariga, namoyon bo'layotgan klinik effektga qarab belgilanadi.

Standart kurs 5 14 kun.

Allergik reaksiyalar: giperemiya, ekssudativ ko‘p shaklli eritema, makulopapulyoz toshma, kon'yunktivit, rinit, Stivens-Djonson sindromi, anafilaktik shok, qichishish, Kvinke shishi, ekssfoliativ dermatit, toshma, zardob kasalligiga o‘xshash reaksiya.

Nevrologik buzilishlar: bezovtalik, qo‘zg‘aluvchanlik, uyqusizlik, bosh aylanishi, ongning chalkashishi, xulq-atvor o‘zgarishi, bosh og‘rig‘i, tutqanoq reaksiyalari.

Ovqat hazm qilish buzilishlari: qusish, glossit, diareya, ko‘ngil aynishi, ta'm o‘zgarishi, stomatit, anus sohasida og‘riq, gemorragik kolit, soxta membranoz kolit.

Kardiovaskulyar buzilishlar: trombotsitopenik purpura, taxikardiya.

Nafas olish buzilishlari: dispnoe.

Gematologik buzilishlar: tranzitor neyitropeniya, anemiya, eozinofiliya, leyikopeniya, agranulotsitoz.

Boshqalar: disbakterioz, bo‘g‘imlarda og‘riq, interstitsial nefrite, qonda transaminazalar darajasining oshishi, qin kandidozi, og‘iz bo‘shlig‘i kandidozi, superinfeksiya.

Boshqalar: disbakterioz, bo‘g‘imlarda og‘riq, interstitsial nefrite, qonda transaminazalar darajasining oshishi, qin kandidozi, og‘iz bo‘shlig‘i kandidozi, superinfeksiya.

Bu antibakterial dori vositasidir. Transpeptidaza fermentini ingibitsiya qiladi, o‘sish va bo‘linish davrida peptidoglikan (hujayra devorining tayanch oqsili) sintezini buzadi, bu mikroorganizmlarning lizisiga olib keladi. Osonlik bilan gistogematik to‘siqlardan o‘tadi, ko‘pchilik to‘qimalar va organlarda aniqlanadi, plevra ekssudatida, peritoneal suyuqlikda, siydikda, o‘t suyuqligida, homila to‘qimalarida va boshqalarda to‘planadi. Keng antimikrob ta’sir doirasiga ega (Staphylococcus spp., Neisseria meningitidis, Streptococcus spp., Escherichia coli, ayrim Salmonella shtammlari, Neisseria gonorrhoeae, Proteus mirabilis, Haemophilus influenzae, Shigella, Klebsiella). Shuningdek, klavulan kislotasini o‘z ichiga oladi, u Serratia spp., Pseudomonas aeruginosa, Acinetobacter spp. tomonidan ishlab chiqariladigan beta-laktamazalarni (II, III, IV va V tiplari) bostiradi. Penitsillinazalarga yuqori tropizmlik xususiyatiga ega, bu ferment bilan barqaror kompleks hosil qiladi, antibiotikning beta-laktamazalar ta’sirida fermentativ degradatsiyasini oldini oladi.

Homiladorlik davrida tayinlash zaruriyat bo‘lsa (shifokor qaroriga ko‘ra) ruxsat etiladi. Homilaga ta'sir qilish toifasi (FDA) B. Preparat ona sutiga ajraladi, shuning uchun davolash davrida emizish to‘xtatiladi.