Har bir flakon, eritma tayyorlash uchun kukun, quyidagilarni o'z ichiga oladi:
Faol moddalari:
Seftriakson natriy steril,
seftriaksonga ekvivalent | 1000 mg.
Sulbaktam natriy steril,
sulbaktamga ekvivalent | 500 mg.
Erituvchi tarkibi:
Inyeksiya uchun steril suv | 10 ml.

Dori quyidagi infeksion-yallig‘lanish kasalliklarini davolash va oldini olish uchun qo‘llaniladi, ular tseftriakson va sulbaktam kombinatsiyasiga sezgir bo‘lgan qo‘zg‘atuvchilar tomonidan chaqirilgan:

- Buyrak va siydik chiqarish yo‘llari infeksiyalari;

- Qorin bo‘shlig‘i organlari infeksiyalari (peritonit, o‘t yo‘llari va OVKT infeksiyalari);

- Pastki nafas yo‘llari infeksiyalari (shu jumladan pnevmoniya);

- LOR-organlar infeksiyalari (shu jumladan o‘tkir o‘rta otit);

- Bakterial meningit; septitsemiya; suyak va bo‘g‘imlar infeksiyalari;

- Terining va yumshoq to‘qimalarning infeksiyalari (shu jumladan yara infeksiyalari);

- Laym kasalligi;

- Jinsiy a’zolar infeksiyalari, shu jumladan asoratsiz gonoreya;

- Immuniteti pasaygan bemorlardagi infeksion kasalliklar;

- Operatsiyadan keyingi infeksiyalar profilaktikasi.

- Sulbaktam va tseftriakson, shuningdek boshqa tsefalosporinlar, penisillinlar, beta-laktam antibiotiklarga yuqori sezuvchanlik;

- To‘liq muddatli yangi tug‘ilgan chaqaloqlarda giperbilirubinemiya yoki sariqlik;

- To‘liq muddatiga yetmagan yangi tug‘ilgan chaqaloqlar, "taxminiy" 41 haftalik yoshga yetmaganlar (homiladorlik muddati va yoshini hisobga olgan holda);

- To‘liq muddatli yangi tug‘ilgan chaqaloqlar, ularga veno ichiga kalsiy saqlovchi eritmalar yuborilishi ko‘rsatilgan; to‘liq muddatli yangi tug‘ilgan chaqaloqlarda atsidoz, gipоalbuminemiya.

Ehtiyotkorlik bilan

- Yassi ichak koliti, jigar va buyrak funksiyasi buzilishi, antibakterial preparatlar bilan bog‘liq enterit va kolitda.

Qo‘llash usuli. Parenteral. Vena ichiga yoki mushak ichiga.

Doza, usul, qo‘llash sxemasi va davolash davomiyligi

alohida, ko‘rsatmalar, klinik vaziyat va yoshga qarab belgilanadi.

Kattalar va 12 yoshdan katta bolalar uchun: standart doza 1-2 g tseftriakson (0,5-1 g sulbaktam) 1 marta/kun yoki 2 marta (har 12 soatda) yuboriladi.

Og‘ir holatlarda yoki tseftriaksonga faqat o‘rtacha sezgirlikka ega bo‘lgan infeksiyalarda sutkalik doza 4 g gacha oshirilishi mumkin. Sulbaktamning maksimal sutkalik doza miqdori 4 g.

12 yoshgacha bo‘lgan bolalar uchun: doza va qo‘llash sxemasi ko‘rsatmalar va tana vazniga qarab belgilanadi.

Allergik reaksiyalar: isitma yoki sovuq urishi, anafilaktik yoki anafilaktoid reaksiyalar (masalan, bronxospazm), toshma, qichishish, allergik dermatit, eshakemi, shishlar, ekssudativ ko'p shaklli eritema, Stivens-Djonson sindromi, Layell sindromi, allergik pnevmonit, zardob kasalligi.

Nerv tizimi tomonidan: bosh og'rig'i, bosh aylanishi, tutqanoq, vertigo.

Ovqat hazm qilish tizimi tomonidan: qorin og'rig'i, diareya, ko'ngil aynishi, qusish, ta'm buzilishi, dispepsiya, qorin dam bo'lishi, stomatit, glossit, pankreatit, soxta membranoz kolit.

Jigar va o't yo'llari tomonidan: xoletsistolitiaz, o't pufagida "slaj-fenomen", sariqlik.

Qon yaratuvchi tizim tomonidan: anemiya (shu jumladan gemolitik), leyopeniya, limfopeniya, leyotsitoz, limfotsitoz, monotsitoz, neytropeniya, trombotsitopeniya, trombotsitoz, eozinofiliya, granulositopeniya, bazofiliya, protrombin vaqti oshishi (kamayishi), tromboplastin vaqti oshishi, agranulositoz.

Siymik chiqarish tizimi tomonidan: jinsiy a'zolar mikozlari, oliguriya, vaginit, nefrolitiaz.

Mahalliy reaksiyalar: v/v yuborishda - flebit, og'riqlilik, vena bo'ylab zichlashish; v/m yuborishda - og'riqlilik, issiqlik hissi, tortilish yoki yuborish joyida zichlashish.

Laborator ko'rsatkichlar tomonidan: jigar transaminazalari va SHF faolligining oshishi, giperbilirubinemiya, giperkreatininemiya, siydikda mochevina konsentratsiyasining oshishi, siydikda cho'kma mavjudligi, glyukozuriya, gematuriya.

Boshqa: terlashning kuchayishi, "qon toshishi", burundan qon ketishi, yurak urishini sezish, o'pkada precipitatlar hosil bo'lishi.

Tseftriakson - keng ta'sir doirasiga ega III avlod yarim sintetik tsefalosporin antibiotik. Tseftriaksonning bakteritsid faolligi hujayra membranalarining sintezini bostirish bilan bog‘liq.

Sulbaktam - penitsillin asosiy yadrosining hosilasi. Beta-laktam antibiotiklarga chidamli mikroorganizmlar tomonidan ajratiladigan beta-laktamazalarning qaytmas ingibitori hisoblanadi; beta-laktamazaga chidamli mikroorganizmlar ta'sirida penitsillinlar va tsefalosporinlarning destruksiyasini oldini oladi, penitsillin bilan bog‘lovchi oqsillar bilan bog‘lanib, penitsillinlar va tsefalosporinlar bilan bir vaqtda qo‘llanganda sinergizm namoyon qiladi.

Sulbaktam klinik ahamiyatli antibakterial faollikka ega emas (istisno Neisseriaceae va Acinetobacter spp.). Ba'zi penitsillin bilan bog‘lovchi oqsillar bilan o‘zaro ta'sir qiladi, shuning uchun ushbu kombinatsiya ko‘pincha faqat tseftriaksonga nisbatan sezgir shtammlarga nisbatan kuchliroq ta'sir ko‘rsatadi.

Tseftriakson+sulbaktam kombinatsiyasi tseftriaksonga sezgir barcha mikroorganizmlarga nisbatan faol va sinergik ta'sir ko‘rsatadi (kombinatsiyaning MIK ni tseftriakson bilan solishtirganda 4 barobargacha kamaytiradi).

Tseftriakson+sulbaktam kombinatsiyasi quyidagi mikroorganizmlarga nisbatan faol: grammanfiy aerob mikroorganizmlar: Acinetobacter lwoffii, Acinetobacter anitratus*, Aeromonas hydrophila, Alcaligenes faecalis, Alcaligenes odorans, Borrelia burgdorferi, Capnocytophaga spp., Citrobacter diversus, Citrobacter freundii**, Escherichia coli, Enterobacter aerogenes*, Enterobacter cloacae*, Enterobacter spp., Haemophilus duereyi, Haemophilus influenzae, Haemophilus parainfluenzae, Hafnia alvei, Klebssiella oxyloca, Klebssiella pneumoniae**, Moraxella catarrhalis, Moraxella osloensis, Moraxella spp., Morganella morganii, Neisseria gonorrhoeae, Neisseria meningitidis, Pasteurella multocida, Plesiomonas shigelloides, Proteus mirabilis, Proteus vulgaris*, Proteus penneri*, Pseudomonas fluorences*, Pseudomonas spp. (Pseudomonas aerugenosa klinik shtammlari tseftriaksonga chidamli), Providencia spp., jumladan Providencia rettgeri*, Salmonella spp. (notifoid), Salmonella typhi, Serratia spp.*, jumladan Serratia marcescens*, Shigella spp., Vibrio spp., Yersinia spp., jumladan Yersinia enterocolitica; gram musbat aerob mikroorganizmlar: Staphylococcus aureus (jumladan penitsillinaza hosil qiluvchi shtammlar), Staphylococcus spp. (koaguloza-manfiy), Streptococcus pyogenes (A guruhi beta-gemolitik streptokokklar), Streptococcus agalactia (B guruhi beta-gemolitik streptokokklar), Streptococcus pneumoniae, Streptococcus spp. Viridians guruhi; anaerob mikroorganizmlar: Bacteroides spp., Clostridium spp. (Clostridium difficile dan tashqari), Fusobacterium spp. (jumladan Fusobacterium nucleatum), Peptococcus spp., Peptostreptococcus spp.

Metitsillin-ga chidamli Staphylococcus spp. tsefalosporinlarga, jumladan tseftriaksonga ham chidamli. Odatda, Enterococcus faecalis, Enterococcus faecium va Listeria monocytogenes ham chidamli.

* ushbu turlarning ayrim izolyatlari tseftriaksonga, asosan, xromosoma bilan kodlangan beta-laktamazalar hosil bo‘lishi natijasida chidamli.

** ushbu turlarning ayrim izolyatlari plazmida orqali uzatiladigan beta-laktamazalarning ko‘plab turlari hosil bo‘lishi natijasida tseftriaksonga chidamli.

Beta-laktam antibiotiklarni, masalan, tsefalosporinlarni qabul qilgan bemorlarda og'ir yuqori sezuvchanlik reaksiyalari rivojlanish holatlari qayd etilgan. Ular yuzaga kelganda vositani bekor qilish va adekvat davolash tayinlash zarur.

Aminoglikozidlarni bir vaqtda qo'llashda buyrak funksiyasini nazorat qilish zarur.

Uzoq muddatli davolashda periferik qon manzarasini, jigar va buyrak funksional holatini muntazam nazorat qilish zarur.

Tseftriakson bilan davolashda Kumbs testi, galaktozemiya testi, siydikda glyukoza aniqlashda (glyukozuriyani faqat fermentativ usulda aniqlash tavsiya etiladi) soxta musbat natijalar kuzatilishi mumkin.

Tseftriakson (boshqa antibiotiklar kabi) qo'llanganda superinfeksiya rivojlanishi mumkin, bu esa uni bekor qilish va mos davolash tayinlashni talab qiladi. Tseftriakson bilirubinni zardob albuminidan siqib chiqarishi mumkin. Boshqa tsefalosporinlar kabi, avtoimmun gemolitik anemiya rivojlanishi mumkin. Kattalar va bolalarda, shu jumladan o'lim bilan yakunlangan og'ir gemolitik anemiya holatlari qayd etilgan. Anemiya yuzaga kelganda tseftriakson bilan davolashni to'xtatish zarur.