Faol modda (XMN) Drotaverin (drotaverin gidroxlorid ko‘rinishida)

Surunkali gastroduodenit, surunkali xoletsistit, xoletiaz, postxoletsistektomik sindrom, me’da va 12 barmoqli ichak yara kasalligi, kardio- va pilorospazm, spastik kolitda silliq mushak spazmi; periferik arterial tomirlar, miya tomirlari spazmi, buyrak kolikasi, algodisminoreya, tug‘ruq paytida bachadon qisqarishlarini susaytirish va bachadon bo‘yni spazmini bartaraf etish, instrumental tekshiruvlar o‘tkazishda.

Bosh aylanishi, yurak urishining tezlashishi, arterial bosimning pasayishi, issiqlik hissi, terlash, allergik teri reaksiyalari. Vena ichiga yuborilganda - kollaps, AV blokada, aritmiyalar, nafas olish markazining susayishi.

Miotrop spazmolitik. Kimyoviy tuzilishi va farmakologik xususiyatlari bo‘yicha papaveringa yaqin, biroq kuchliroq va uzoqroq ta’sirga ega. Silliq mushak hujayralariga kalsiy ionlarining kirishini kamaytiradi (fosfodiesterazani ingibitsiya qiladi, hujayra ichida tsAMF to‘planishiga olib keladi). Ichki organlar silliq mushaklarining tonusini va ichak peristaltikasini pasaytiradi, qon tomirlarni kengaytiradi. Vegetativ asab tizimiga ta’sir qilmaydi, markaziy asab tizimiga o‘tmaydi. Silliq mushaklarga bevosita ta’sir ko‘rsatishi tufayli, M-xolinoblokatorlar guruhi preparatlari (yopiq burchakli glaukoma, prostata bezining gipertrofiyasi) kontrendikatsiya qilingan hollarda spazmolitik sifatida qo‘llash mumkin. Parenteral yuborilganda preparatning ta’siri 2-4 daqiqada namoyon bo‘ladi. Maksimal effekt 30 daqiqada yuzaga keladi.

Bir vaqtda qo‘llanganda levodopaning antiparkinsonik ta’sirini susaytirishi mumkin. Papaverin, bendazol va boshqa spazmolitiklarning (shu jumladan, M-xolinoblokatorlar) ta’sirini kuchaytiradi, tritsiklik antidepressantlar, xinin va prokainamid tomonidan chaqiriladigan arterial bosimning pasayishini kuchaytiradi. Morfinning spazmogen faolligini kamaytiradi. Fenobarbital drotaverin gidroxloridning spazmolitik ta’sirini kuchaytiradi.