1 tabletka tarkibida faol modda Paratsetamol – 500 mg, Diklofenak natriy – 50 mg; Yordamchi moddalari kraxmal, mikrokristallik tsellyuloza, jelatin, metilparaben, propilparaben, talk, magniy stearat, natriy kraxmal glikolyat.

Revmatoyid artrit, osteoartrit, bel og‘rig‘i va boshqa o‘tkir skelet-mushak kasalliklari, masalan, tendinit, tenosinovit, bursit, cho‘zilishlar va chiqishlar. Ankilozlovchi spondilit; ortopedik, stomatologik va boshqa kichik jarrohlik amaliyotlarida og‘riq va yallig‘lanishni kamaytirish; yuvenil surunkali artrit; operatsiyadan keyingi og‘riq; bosh og‘rig‘i; tana og‘rig‘i, tana haroratini pasaytirish.

Ichga tabletkani butun holda, chaynalmay, yetarli miqdorda suyuqlik bilan qabul qilish kerak. Preparatni ovqatdan keyin qabul qilish lozim. Kattalarga 1 tabletka 2-3 marta kuniga buyuriladi. 12 yoshdan katta, tana vazni 30 kg dan ortiq bo‘lgan bolalarga 1/2 tabletkadan 3 marta kuniga buyuriladi. Har bir navbatdagi qabul orasidagi interval – kamida 4 soat.

Dolaren – bu og‘riq qoldiruvchi va yallig‘lanishga qarshi birikma preparat. Paratsetamol og‘riq qoldiruvchi va isitmani tushiruvchi ta’sir ko‘rsatadi. Og‘riq qoldiruvchi ta’sir mexanizmi asosan gipotalamusdagi termoregulyatsiya markazida prostaglandinlar sintezining ingibitsiyasi bilan bog‘liq. Paratsetamolning isitmani tushiruvchi ta’siri gipotalamusning termoregulyatsiya markazlariga to‘g‘ridan-to‘g‘ri ta’sir qilish bilan bog‘liq bo‘lib, natijada tomirlarning kengayishi va kuchaygan terlash hisobiga issiqlik ajralishi ortadi. Diklofenak natriy – bu nosteroid yallig‘lanishga qarshi vosita. Ta’sir mexanizmi prostaglandinlar sintezining siklooksigenazani noxos maxsus tormozlash yo‘li bilan va shuningdek, leykotsitlarda erkin araxidon kislotasi konsentratsiyasini kamaytirish bilan bog‘liq. Yallig‘lanishga qarshi, analgezik va isitmani tushiruvchi ta’sir ko‘rsatadi, trombotsitlar agregatsiyasiga to‘sqinlik qiladi. Uzoq muddat qo‘llanganda desensibilizatsiyalovchi ta’sir ko‘rsatadi.