faol moddalar: diklofenak dietilamin – 1,16% v/v (natriy diklofenakka ekvivalent – 1,00% v/v); metilsalitsilat – 10,00% v/v; mentol – 5,00% v/v; zig'ir yog'i (asosan alfa linolen kislotasi tarkibli) – 3,00% v/v.
yordamchi moddalar: benzil spirti, aerosil 940, dietilamin, dinatriy edetat, gidroksipropilmetilsellyuloza, izopropil miristat, propilenglikol, butillangan gidroksitoluen, tozalangan suv.

Diklofenak, mentol, metilsalisilat yoki zig'ir yog'iga yuqori sezuvchanlik; astma, og'ir rinit, eshakemi, aspirin va boshqa YOKVQga allergik reaksiyalar; homiladorlikning oxirgi trimestri, laktatsiya; teri butunligining buzilishi; 14 yoshgacha bo'lgan bolalar yoshi.

Tashqi. Og'riqli sohalarga to'liq singib ketguncha massaj harakatlari bilan surtiladi.
Kattalar: zararlangan sohaning o'lchamiga qarab 2-4 g (taxminan 2,0-2,5 sm diametrli yumaloq shakldagi gel miqdori) 3-4 marta kuniga ishlatiladi. Qo'llashdan so'ng qo'llarni sovun bilan yuvish kerak.
Keksalar: kattalar uchun odatdagi doza ishlatilishi mumkin.
Bola va o'smirlar: 14 yoshgacha bo'lgan bolalar va o'smirlarda preparatni qo'llash mumkin emas. 14 yosh va undan katta bolalarda, agar preparatni 7 kundan ortiq qo'llash yoki simptomlar kuchayib borayotgan bo'lsa, bemor yoki uning ota-onasi shifokor bilan maslahatlashishi kerak.

Kombinatsiyalangan preparat, uning ta'siri tarkibiga kiruvchi komponentlarning xususiyatlari bilan bog'liq. Preparat mahalliy analgezik, yallig'lanishga qarshi va shishishga qarshi ta'sir ko'rsatadi.
Diklofenak dietilamin va metilsalisilat – YOKVQ, ularning ta'sir mexanizmi prostaglandinlar sintezini bostirish bilan bog'liq. Bo'g'imlardagi og'riq va yallig'lanishni, shuningdek, ertalabki qotishish va bo'g'imlarning shishishini kamaytiradi, harakat hajmining oshishiga yordam beradi.
Zig'ir yog'ining asosiy faol moddasini alfa-linolen kislotasi (to'yinmagan yog' kislotalarining etil efiri) tashkil etadi, u yallig'lanishga qarshi ta'sirga ega. Mentol nerv uchlarini qo'zg'atadi, tashqi qo'llanganda mahalliy qo'zg'atuvchi va kuchsiz analgezik ta'sir ko'rsatadi.

Preparatni faqat butun teriga surish kerak. Preparatning ko'zga va shilliq qavatlarga tushishiga yo'l qo'ymaslik kerak. Preparatni homiladorlikning I va II trimestrlarida faqat onaga kutilayotgan foyda homilaga mumkin bo'lgan xavfdan yuqori bo'lsa qo'llash mumkin. Preparatni qo'llagandan so'ng qo'llarni yaxshilab yuvish kerak. Davolanish vaqtida teriga to'g'ridan-to'g'ri quyosh nurlarining tushishidan saqlanish kerak.