Bitta ampulada (1 ml) 75 mg diklofenak natriy mavjud
Yordamchi moddalari: benzil spirti, dinatriy edetat, natriy sulfit bezvodi, kaliy digidrofosfat, natriy gidroksid, glikofurrol va in'ektsiya uchun suv.

Muskel ichiga yuborish
- revmatizmning yallig‘lanish va degenerativ shakllarining zo‘rayishi, revmatoid artrit, ankilozlovchi spondilit, osteoartrit, spondiloartrit, umurtqa kasalliklarida og‘riq sindromi, bo‘g‘imdan tashqari revmatizm
- podagraning o‘tkir xuruji
- buyrak yoki jigar kolikasi
- travmadan keyingi va operatsiyadan keyingi og‘riq sindromi, yallig‘lanish va shish
- migrenning og‘ir xurujlari
Tomir ichiga infuziya
- statsionar sharoitda operatsiyadan keyingi og‘riqni davolash yoki oldini olish

- preparatning faol moddasiga, natriy metabisulfitga yoki preparatning boshqa har qanday komponentlariga ma'lum bo'lgan gipersensitivlik
- anamnezda bronxospazm, eshakemi, o'tkir rinit, burun poliplari yoki atsetilsalitsil kislotasi yoki boshqa nosteroid yallig'lanishga qarshi preparatlar (NYaQP) qabul qilgandan keyin allergik simptomlar mavjudligi

- homiladorlikning III trimestri va laktatsiya davri
- faol me'da va/yoki o'n ikki barmoqli ichak yarasi, qon ketish yoki perforatsiya
- jigar yetishmovchiligi
- buyrak yetishmovchiligi (SKF <15 ml/min/1.73m2)
- og'ir yurak yetishmovchiligi
- ichakning yallig'lanish kasalliklari (masalan, Kron kasalligi yoki yarali kolit)
- operatsiyadan keyingi qon ketish xavfi yuqori bo'lgan bemorlar, gemostaz va qon ivishining buzilishi, gemopoez buzilishlari yoki serebrovaskulyar qon ketish xavfi
- koronar shuntlash operatsiyasidan keyingi og'riqni davolash (yoki sun'iy qon aylanish apparati qo'llanilganda)
- 18 yoshgacha bo'lgan bolalar va o'smirlar yoshi

DINAPAR AQ preparatini in'ektsiyalarini 2 kundan ortiq ketma-ket qo'llash tavsiya etilmaydi. Zaruriyat tug'ilganda davolash DINAPAR AQ tabletkalari yoki rektal shamchalar yordamida davom ettirilishi mumkin.

Ichki mushak ichiga yuborish
Preparat kattalar bemorlarda qo'llaniladi. Preparat chuqur in'ektsiya yo'li bilan dumba sohasiga mushak ichiga yuboriladi.

Mushak ichiga in'ektsiya o'tkazishda in'ektsiya joyida nervlar yoki boshqa to'qimalarning shikastlanishini oldini olish uchun (bu mushak zaifligi, mushak falaji va gipesteziyaga olib kelishi mumkin), quyidagi qoidalarga rioya qilish tavsiya etiladi.

Preparat aseptik texnika yordamida dumba sohasining yuqori tashqi kvadrantiga chuqur mushak ichiga yuborilishi kerak. Doza odatda 75 mg (1 ampula tarkibi) kuniga 1 marta. Og'ir holatlarda, istisno tariqasida, 75 mg dan 2 in'ektsiya bir necha soatlik oraliq bilan o'tkazilishi mumkin (ikkinchi in'ektsiya qarama-qarshi dumba sohasiga yuborilishi kerak).

Muqobil ravishda, kuniga bir marta (75 mg) preparat in'ektsiyasini DINAPAR AQ preparatining boshqa dori shakllari (tabletkalar, rektal shamchalar) qabul qilish bilan birlashtirish mumkin, bunda maksimal sutkalik doza 150 mg ni tashkil etadi.

Migren xurujlarida klinik tajriba 75 mg li bitta ampulani qo'llash bilan cheklangan; doza zaruriyat tug'ilganda shu kuni 75 mg li shamchalar qo'llanilgandan so'ng yuboriladi. Umumiy sutkalik doza birinchi kuni 150 mg dan oshmasligi kerak.

Tomir ichiga infuziya
DINAPAR AQ, in'ektsiya uchun eritma, tomir ichiga bolyus in'ektsiyasi ko'rinishida yuborilmasligi va 2 kundan ortiq ketma-ket qo'llanilmasligi kerak.

DINAPAR AQ infuziyasini boshlashdan bevosita oldin, uning davomiyligiga qarab, 100-500 ml 0,9% natriy xlorid eritmasi yoki 5% glyukoza eritmasida, natriy bikarbonat eritmasi bilan buferlangan holda (0,5 ml 8,4% eritma yoki 1 ml 4,2% yoki boshqa konsentratsiyadagi mos hajm), faqat yangi ochilgan konteynerdan olingan eritmada suyultirilishi kerak; ushbu eritmaga DINAPAR AQ preparatining bir ampulasi tarkibi qo'shiladi. Faqat tiniq eritmalarni ishlatish mumkin. Agar eritmada kristallar yoki cho'kma aniqlansa, infuziya uchun ishlatib bo'lmaydi.

DINAPAR AQ, in'ektsiya uchun eritmaning ikki muqobil dozalash rejimi tavsiya etiladi. O'rtacha va og'ir operatsiyadan keyingi og'riqni davolash uchun 75 mg doimiy ravishda 30 daqiqadan 2 soatgacha yuborilishi kerak. Zaruriyat tug'ilganda, davolash bir necha soatdan so'ng takrorlanishi mumkin, lekin doza 24 soat ichida 150 mg dan oshmasligi kerak.

Operatsiyadan keyingi og'riqning oldini olish uchun jarrohlik aralashuvdan 15 daqiqa - 1 soat o'tgach, 25-50 mg yuklama doza yuborilishi kerak, shundan so'ng taxminan 5 mg/soat doimiy infuziya maksimal sutkalik doza 150 mg gacha qo'llaniladi.

Geriatriya (yoshi >65 bo'lgan bemorlar)
Keksalar uchun boshlang'ich doza tuzatish talab qilinmaydi. Biroq, zaiflashgan keksalar yoki tana massasi past bo'lgan keksalarda ehtiyotkorlik bilan qo'llash zarur.

Yurak-qon tomir kasalligi aniqlangan yoki yurak-qon tomir tizimi tomonidan muhim xavf omillari mavjud bo'lgan bemorlar

Odatda, DINAPAR AQ bilan davolash yurak-qon tomir kasalligi aniqlangan yoki nazorat qilinmaydigan gipertenziyasi bo'lgan bemorlarga tavsiya etilmaydi. Zaruriyat tug'ilganda, DINAPAR AQ yurak-qon tomir kasalligi aniqlangan, nazorat qilinmaydigan gipertenziyasi yoki yurak-qon tomir kasalligi uchun muhim xavf omillari bo'lgan bemorlarga faqat sinchkovlik bilan ko'rib chiqilgandan so'ng va faqat 4 haftadan ortiq davom etadigan davolashda kunlik doza ≤ 100 mg doirasida buyuriladi.

Buyrak funksiyasi buzilgan bemorlar
DINAPAR AQ buyrak yetishmovchiligi (GFR <15 ml/min/1.73m2) bo'lgan bemorlarga kontrendikatsiyalangan. Buyrak funksiyasi buzilgan bemorlar orasida maxsus tadqiqotlar o'tkazilmaganligi sababli, maxsus doza tuzatish bo'yicha tavsiyalar berib bo'lmaydi. DINAPAR AQ preparatini buyrak funksiyasi buzilgan bemorlarda ehtiyotkorlik bilan qo'llash tavsiya etiladi.

Jigar funksiyasi buzilgan bemorlar
DINAPAR AQ jigar yetishmovchiligi bo'lgan bemorlarga kontrendikatsiyalangan. Jigar funksiyasi buzilgan bemorlar orasida maxsus tadqiqotlar o'tkazilmaganligi sababli, maxsus doza tuzatish bo'yicha tavsiyalar berib bo'lmaydi. DINAPAR AQ preparatini yengil va o'rtacha jigar funksiyasi buzilgan bemorlarda ehtiyotkorlik bilan qo'llash tavsiya etiladi.

Quyidagi nojo‘ya ta’sirlar DINAPAR AQ, in'ektsiya uchun eritma va/yoki diklofenakning boshqa dori shakllarini qisqa va uzoq muddatli qo‘llash bilan bog‘liq hodisalarni o‘z ichiga oladi.
Tez-tez (≥ 1/100 dan <1/10 gacha)

- bosh og‘rig‘i, bosh aylanishi
- vertigo
- ko‘ngil aynishi, qusish, diareya, dispepsiya, qorin og‘rig‘i, meteorizm, ishtahaning pasayishi
- transaminazalar darajasining oshishi
- suyuqlik ushlanishi, shishlar, arterial gipertenziya
- toshma
- in'ektsiya joyida reaksiya, in'ektsiya joyida og‘riq, in'ektsiya joyida qattiqlashish

Kamdan-kam (≥1/100 dan <1/1000 gacha)
- miokard infarkti, yurak yetishmovchiligi, yurak urishining tezlashishi, ko‘krakda og‘riq

Noyob (≥ 1/1000 dan <1/10000 gacha)
- gipersensitivlik, anafilaktik va psevdanafilaktik reaksiyalar (shu jumladan arterial gipotenziya va shok)
- uyquchanlik
- astma (shu jumladan dispnoe)
- gastrit, me’da-ichak qon ketishi, qon aralash qusish, gemorragik diareya, melena, me’da yoki ichak yarasi (qon ketishi yoki ketmasdan, perforatsiya)
- gepatit, sariq kasallik, jigar funksiyasining buzilishi
- eshakemi
- shish, in'ektsiya joyida nekroz

Juda noyob (< 1/10000)
- in'ektsiya joyida abssess
- trombotsitopeniya, leyopeniya, anemiya (shu jumladan gemolitik va aplastik anemiya), agranulotsitoz
- angionevrotik shish (shu jumladan yuz shishi)
- dezorientatsiya, depressiya, uyqusizlik, tungi tushlar, asabiylashish, psixik buzilishlar
- paresteziya, xotira buzilishi, tutqanoq, xavotir, tremor, aseptik meningit, ta’m sezish buzilishi, o‘tkir miya qon aylanishi buzilishi
- ko‘rish buzilishi, ko‘rishning xiralashishi, diplopiya
- quloqda shovqin, eshitish buzilishi
- arterial gipertenziya, vaskulit
- pnevmonit
- kolit (shu jumladan gemorragik kolit va yarali kolit yoki Kron kasalligining zo‘rayishi), qabziyat, stomatit, glossit, qizilo‘ngach tomonidan buzilishlar, diafragmasimon ichak strikturalari, pankreatit
- fulminant gepatit, gepatonekroz, jigar yetishmovchiligi
- bullez dermatit, ekzema, eritema, ko‘p shaklli eritema, Stivens-Jonson sindromi, toksik epidermal nekroliz (Layell sindromi), eksfoliativ dermatit, alopesiya, fotosensitivlik reaksiyasi, purpura, Genox-Shenleyn purpurasi, qichishish
- o‘tkir buyrak yetishmovchiligi, gematuriya, proteinuriya, nefrotik sindrom, tubulointerstitsial nefrite, buyrak papillyar nekrozi

Diklofenak, ayniqsa yuqori dozalarda (150 mg/kun) va uzoq muddatli qo‘llanganda, arterial tromboemboliya (masalan, miokard infarkti yoki insult) xavfini oshirishi mumkin.

Ko‘rish effektlari
Ko‘rish buzilishlari, masalan, ko‘rishning buzilishi, xiralashuvi yoki diplopiya, ehtimol, YOKISh (NPVS) sinfiga xos effektlar bo‘lib, odatda davolash to‘xtatilganda qaytadi. Ko‘rish buzilishlarining ehtimoliy mexanizmi prostaglandinlar va boshqa tegishli birikmalar sintezining inhibatsiyasi bo‘lib, ular to‘r pardadagi qon oqimini tartibga solishni o‘zgartiradi va natijada ko‘rishda potentsial o‘zgarishlarga olib keladi. Agar bunday simptomlar diklofenak bilan davolash vaqtida yuzaga kelsa, boshqa sabablarni istisno qilish uchun oftalmologik tekshiruv o‘tkazish mumkin.

DINAPAR AQ tarkibida diklofenak natriy mavjud, bu modda nosteroid tuzilishga ega bo‘lib, aniq ifodalangan yallig‘lanishga qarshi, analgetik va isitmani tushiruvchi ta’sir ko‘rsatadi. Diklofenakning asosiy ta’sir mexanizmi prostaglandinlar biosintezini tormozlash deb hisoblanadi. Prostaglandinlar yallig‘lanish, og‘riq va isitma rivojlanishida muhim rol o‘ynaydi.

Revmatik kasalliklarda DINAPAR AQ preparatining yallig‘lanishga qarshi va analgetik xususiyatlari quyidagi simptomlar va shikoyatlarning ifodaliligi sezilarli darajada kamayishi bilan namoyon bo‘ladigan klinik effektni ta’minlaydi: tinch holatda va harakatda og‘riq, ertalabki qotishish va bo‘g‘imlarning shishishi, shuningdek, funksiyaning yaxshilanishi.

Diklofenak natriy xaftaga to‘qimalarining proteoglikanlar biosintezini bostirmaydi.
Travmadan keyingi va operatsiyadan keyingi yallig‘lanish holatlarida DINAPAR AQ og‘riqni (spontan va harakatda paydo bo‘ladigan) tezda bartaraf etadi, yallig‘lanishli shish va operatsiyadan keyingi yara shishini kamaytiradi.

Preparatning revmatik bo‘lmagan kelib chiqishli o‘rtacha va kuchli og‘riq sindromida sezilarli analgetik effekti aniqlangan. DINAPAR AQ birlamchi dismenoreyada og‘riq hissini bartaraf eta oladi.

Bundan tashqari, DINAPAR AQ migren xurujlari namoyon bo‘lishiga ijobiy ta’sir ko‘rsatadi.