Har bir tabletkada quyidagilar mavjud: faol moddalari: diklofenak natriy - 50 mg, paratsetamol - 325 mg;
yordamchi moddalari: natriy kraxmal glikolyat, mikrokristallik tsellyuloza, makkajo‘xori kraxmali, metilparaben, propilparaben, kolloid kremniy dioksidi, talk, magniy stearat, bo‘yoq Indigo Carmine Supra.

-diklofenak, paratsetamol yoki preparatning har qanday yordamchi ingredientlariga yuqori individual sezuvchanlik;
-bronxial astma xurujlari (bronxospazm), eshakemi, o‘tkir rinit yoki boshqa allergiya simptomlari anamnezda, diklofenak, paratsetamol, atsetilsalitsil kislotasi yoki boshqa nosteroid yallig‘lanishga qarshi preparatlar qo‘llanilishi bilan bog‘liq;
-oshqozon yoki ichak peptik yaralari;
-jigar va/yoki buyrak funksiyasining dekompensatsiyalangan buzilishlari;
-glyukoza-6-fosfatdegidrogenaza yetishmovchiligi;
-12 yoshgacha bo‘lgan bolalar, homiladorlik va emizish davri.

Me’da-ichak yo‘llari tomonidan: ba’zan - ko‘ngil aynishi, qusish, diareya, ayrim hollarda - qabziyat,
gemorragik kolit, noaniq yarali kolitning kuchayishi.
Markaziy asab tizimi tomonidan: ba’zan - bosh og‘rig‘i, bosh aylanishi; kamdan-kam - uyquchanlik; ayrim hollarda - sezuvchanlikning buzilishi, uyqusizlik, asabiylashish.
Sezgi organlari tomonidan, ayrim hollarda - ko‘rish va ta’m sezishning buzilishi.
Teri tomonidan: ba’zan - teri toshmasi; kamdan-kam - eshakemi.
Jigar tomonidan, ba’zan - qonda aminotransferazalar darajasining oshishi.
Gipersensitivlik reaksiyalari: kamdan-kam - bronxospazm, tizimli anafilaktik reaksiyalar, shu jumladan gipotenziya.
Yurak-qon tomir tizimi tomonidan: ayrim hollarda - taxikardiya, ko‘krak qafasida og‘riq, arterial gipertenziya, dimlangan yurak yetishmovchiligi.

Dinapar kombinasiyalangan preparat bo‘lib, nosteroid yallig‘lanishga qarshi vositalar guruhiga kiradi. Diklofenak - NYQV, feniluksus kislotasi hosilasi, TsOG-1 va 2 ni bostirib, araxidon kislotasi almashinuvini buzadi, yallig‘lanish o‘chog‘ida va sog‘lom to‘qimalarda prostaglandinlar miqdorini kamaytiradi, ekssudativ va proliferativ yallig‘lanish fazalarini bostiradi. Yallig‘lanishga qarshi, og‘riq qoldiruvchi, isitmani tushiruvchi, antiagregant ta’sir ko‘rsatadi.

Paratsetamol - narkotik bo‘lmagan analgetik; TsOG-1 va 2 ni (asosan, markaziy asab tizimida) tanlab olmasdan bloklaydi, suv-tuz almashinuvi va me’da-ichak shilliq qavatiga kuchsiz ta’sir ko‘rsatadi. Yallig‘langan to‘qimalarda hujayra peroksidazalari paratsetamolning TsOG-1 va 2 ga ta’sirini neytrallaydi, bu uning yallig‘lanishga qarshi ta’siri yo‘qligini tushuntiradi.

Preparat ehtiyotkorlik bilan tug‘ma qon ivishining buzilishi bo‘lgan shaxslarga, buyrak va jigar kasalliklari mavjud bo‘lsa; surunkali yurak yetishmovchiligi; arterial gipertenziya, bronxial astma; preparat buyurilgan vaqtda dispeptik simptomlar mavjud bo‘lsa, me’da-ichak yo‘llaridan qon ketish va eroziya-yarali kasalliklar (shu jumladan, noaniq yarali kolit) anamnezida bo‘lsa; keksalar uchun buyuriladi. Davolash jarayonida jigar va buyrak funksiyasi, periferik qon manzarasi ustidan tizimli nazorat zarur.