Faol modda:
difengidramin (dime-drol) - 0,05 g
Yordamchi modda:
laktoza monogidrat (sut shakari) - 0,075 g, kartoshka kraxmali - 0,0205 g, talk - 0,003 g, kalsiy stearat - 0,0015 g.

Allergik reaksiyalar (kurashka, pichan isitmasi, angionevrotik shish), allergik kon'yunktivit, vazomotor rinit, gemorragik vaskulit, zardob kasalligi, qichishuvchi dermatozlar, uyqu buzilishlari (monoterapiya yoki uyqu dori vositalari bilan birga), xoreya, dengiz va havo kasalligi, homiladorlarda qusish, Menyer sindromi, premedikatsiya.

Yopiq burchakli glaukoma, prostata bezining gipertrofiyasi, me'da va o'n ikki barmoqli ichakning stenozirovchi yarasi, siydik pufagi bo'ynining stenozi, bronxial astma, epilepsiya, difengidraminga yuqori sezuvchanlik

H1-gistamin retseptorlarining birinchi avlod blokatori. Markaziy asab tizimiga ta'siri H1-gistamin retseptorlari va m-xolinoretseptorlarning bosh miya darajasida bloklanishi bilan bog'liq. Gistamin tomonidan chaqiriladigan silliq mushak spazmlari, kapillyarlarning o'tkazuvchanligini oshishi, to'qimalarning shishi, qichishish va giperemiyani kamaytiradi yoki oldini oladi, mahalliy anestezik, qusishga qarshi, sedativ ta'sirga ega, uyqu chaqiruvchi ta'sir ko'rsatadi. Gistamin bilan antagonizm ko'proq yallig'lanish va allergiya paytida mahalliy tomir reaksiyalariga nisbatan, tizimli reaksiyalarga, ya'ni arterial bosimning pasayishiga nisbatan kamroq namoyon bo'ladi. Miya lokal shikastlanishlari va epilepsiyasi bo'lgan odamlarda (hatto past dozalarda ham) elektroensefalogrammada epileptik razryadlarni faollashtiradi va epileptik tutqanoqni qo'zg'atishi mumkin.

Gipertireoz, ko‘tarilgan ko‘z ichki bosimi, yurak-qon tomir tizimi kasalliklari bo‘lgan bemorlarda, keksalarda ehtiyotkorlik bilan qo‘llaniladi. Davolash davrida alkogolli ichimliklar va UF-nurlanishdan saqlanish lozim. Ushbu preparatni qo‘llash haqida shifokorga xabar berish zarur: qusishga qarshi ta’siri appenditsitni tashxislash va boshqa dori vositalari dozasi oshib ketishining simptomlarini aniqlashni qiyinlashtirishi mumkin. Dori vositasini qabul qilayotgan shaxslarga yuqori diqqat va tez psixik reaksiyalar talab qiladigan potensial xavfli faoliyat turlari bilan shug‘ullanish tavsiya etilmaydi. Dozani oshirib yuborish Simptomlari: markaziy asab tizimi susayishi, qo‘zg‘alish rivojlanishi (ayniqsa bolalarda) yoki depressiya, qorachiqning kengayishi, og‘iz qurishi, me’da-ichak organlarining parezi. 

Homiladorlik va laktatsiya davrida preparatni qo‘llash

Homiladorlik va laktatsiya (emizish) davrida faqat qat’iy ko‘rsatmalar bo‘yicha, onaga kutilayotgan terapevtik ta’sir homila yoki emizikli bolaga bo‘lgan potensial xavfdan ustun bo‘lsa, ehtiyotkorlik bilan qo‘llaniladi.

Preparatning transport vositalarini boshqarish yoki potensial xavfli mexanizmlarni boshqarish qobiliyatiga ta’sir qilish xususiyatlari

Yuqori diqqat va tez psixomotor reaksiyalar talab qiladigan potensial xavfli faoliyat turlari bilan shug‘ullanuvchi bemorlarda ehtiyotkorlik bilan qo‘llaniladi.