faol modda: dimedrol (difenhidramin gidroxloridi) - 10 mg;

yordamchi modda: in'ektsiya uchun suv - 1 ml gacha.

Preparat asosan quyidagi kasalliklarni davolashda qo'llaniladi: eshakemi, pichan isitmasi, zardob kasalligi, gemorragik vaskulit (kapillyarotoksikoz), vazomotor rinit, angionevrotik shish, qichishuvchi dermatozlar, o'tkir iridotsiklit, allergik kon'yunktivitlar va boshqa allergik kasalliklar, turli preparatlarni, jumladan, antibiotiklarni qabul qilishdan kelib chiqqan allergik asoratlar, qon va qon o'rnini bosuvchi suyuqliklarni quyishda yuzaga keladigan nojo'ya reaksiyalarni kamaytirish uchun, xoreya, dengiz va havo kasalligi, Menyer sindromi, nurlanish kasalligi, operatsiyadan keyingi qusish, qusishga qarshi vosita sifatida, uyqusizlikda, tinchlantiruvchi va uyqu keltiruvchi vosita sifatida (mustaqil va boshqa preparatlar bilan birga). Anesteziologik amaliyotda litik aralashmalarning tarkibiy qismi sifatida qo'llaniladi.

Doriga yuqori sezuvchanlik, bronxial astma, yopiq burchakli glaukoma, bradikardiya, yurak ritmining buzilishi, tug'ma uzaygan QT-sindromi yoki QT-intervalni uzaytirishi mumkin bo'lgan preparatlarni uzoq muddat qabul qilish, feoxromotsitoma, prostata bezining giperplaziyasi, oshqozon va 12 barmoqli ichakning stenoze qiluvchi yara kasalligi, siydik pufagi bo'ynining stenozi, epilepsiya, porfiriya, bolalar yoshi (7 oygacha), homiladorlik va laktatsiya davri.

Preparat mushak ichiga (m/i) va vena ichiga (v/i) buyuriladi.

Mahalliy ta'siri tufayli teri ostiga yuborish mumkin emas!

Mushak ichiga yuborilganda bir martalik doza: 1% eritmadan 1-5 ml (0,01-0,05 g), maksimal bir martalik doza 5 ml (0,05 g), maksimal sutkalik doza - 1% eritmadan 15 ml (0,15 g).

Vena ichiga preparat tomchilab 25 ml (20-50 mg) 0,9% natriy xlorid eritmasining 75-100 ml hajmida yuboriladi.

Davolash davomiyligi erishilgan samaradorlik va preparatning o'zlashtirilishiga bog'liq.

Bolalarga m/i va v/i: 7-12 oy - 1% eritmadan 0,3-0,5 ml (0,003-0,005g); 1-3 yosh - 0,5-1 ml (0,005-0,01 g); 4-6 yosh - 1-1,5 ml (0,01-0,015 g); 7-14 yosh - 1,5-3 ml (0,015-0,03 g) zarurat tug'ilganda har 6-8 soatda.

Yurak-qon tomir tizimi tomonidan: arterial bosimning pasayishi, yurak urishini sezish, taxikardiya, ekstrasistoliya.

Nafas olish tizimi tomonidan: burun va tomoq shilliq qavatining qurishi, balg'amning quyuqlashishi, ko'krak yoki tomoqda bosim hissi, aksirish, burun bitishi.

Nerv tizimi tomonidan: bosh og'rig'i, sedativ ta'sir, uyquchanlik, bosh aylanishi, muvozanatning buzilishi, holsizlik, ongning chalkashishi, bezovtalik, qo'zg'aluvchanlik, asabiylik, tremor, jizzakilik, uyqusizlik, eyforiya, paresteziya, nevrit, tutqanoq.

Sezgi organlari tomonidan: ko'rish qobiliyatining buzilishi, diplopiya, vertigo, quloqda shovqin, o'tkir labirintit.

Ovqat hazm qilish tizimi tomonidan: og'iz bo'shlig'i shilliq qavatining qurishi, epigastriy sohasida og'riq, anoreksiya, ko'ngil aynishi, qusish, diareya, qabziyat.

Siysiq chiqarish tizimi tomonidan: siydik chiqarishning tezlashishi yoki qiyinlashishi, siydik tutilishi, erta hayz ko'rish.

Qon hosil qiluvchi organlar tomonidan: gemolitik anemiya, trombotsitopeniya, agranulositoz.

Allergik reaksiyalar: toshma, dori toshmasi, anafilaktik shok, fotosensibilizatsiya.

Boshqalar: terlashning kuchayishi, sovuq urishi.

Difenhidramin N1-retseptorlarni bloklovchi antigistamin preparatlar guruhining asosiy vakillaridan biridir. U juda kuchli antigistamin faollikka ega. Bundan tashqari, u mahalliy anestezik ta'sir ko'rsatadi, to'g'ridan-to'g'ri spazmolitik ta'siri natijasida silliq mushaklarni bo'shashtiradi, vegetativ nerv tugunlarining xolinoretseptorlarini o'rtacha darajada bloklaydi.

Preparatning muhim xususiyati uning sedativ ta'siri bo'lib, bu neyroleptik moddalarning ta'siriga ma'lum darajada o'xshashdir, mos dozada u uyqu keltiruvchi ta'sir ko'rsatadi. Shuningdek, u o'rtacha darajadagi qusishga qarshi vosita hisoblanadi. Preparatning asab tizimiga ta'sirida gistamin retseptorlariga (ehtimol, miya N3-retseptorlariga) ta'siri bilan bir qatorda, uning markaziy xolinolitik faolligi ham muhim ahamiyatga ega.

Dori bilan davolanish vaqtida UF-nurlanishi va etanol iste'mol qilishdan saqlanish kerak.

Ushbu preparatni qo'llash haqida shifokorga xabar berish zarur. Qusishga qarshi ta'siri appenditsitni tashxislash va boshqa dori vositalari dozasi oshib ketishining simptomlarini aniqlashni qiyinlashtirishi mumkin.

Preparatni v/i va v/m yuborish yurak kasalliklari va gipertonik kasallikda maqsadga muvofiq emas. Preparatni yuqori e'tibor va tez psixik reaksiya talab qiladigan potentsial xavfli faoliyat bilan shug'ullanuvchi shaxslarga qo'llash tavsiya etilmaydi.

Homiladorlik va laktatsiya davrida qo'llanilishi

Homiladorlik davrida ehtiyotkorlik bilan, shifokor nazorati ostida (homilador ayollarda yetarli va qat'iy nazorat qilinadigan tadqiqotlar o'tkazilmagan). Homiladorlik davrida onaga dimedrol buyurilganda, yangi tug'ilgan chaqaloqlarda hayotining dastlabki 5 kunida diareya va tremor rivojlanishi haqida xabarlar mavjud. Davolanish vaqtida emizishni to'xtatish kerak.

Avtomobil va murakkab mexanizmlarni boshqarish qobiliyatiga ta'siri

Bemorlar yuqori e'tibor, tez psixik va harakat reaksiyasini talab qiladigan barcha faoliyat turlaridan voz kechishlari kerak.

 

Etanol va markaziy asab tizimini susaytiruvchi dori vositalarining ta'sirini kuchaytiradi. MAO ingibitorlari difengidraminning antixolinergik faolligini kuchaytiradi. Psixostimulyatorlar bilan birga buyurilganda antagonistik o'zaro ta'sir kuzatiladi.

Zaharli moddalar bilan zaharlanishni davolashda apomorfinnning qusdiruvchi dori sifatidagi samaradorligini kamaytiradi.

M-xolinobloklovchi faollikka ega dori vositalarining antixolinergik ta'sirlarini kuchaytiradi.