Faol modda: dimedrol (difenhidramin gidroxloridi) - 10,0 mg.

Yordamchi modda: inʼeksiya uchun suv - 1 ml gacha.

Preparat asosan quyidagi kasalliklarni davolashda qo'llaniladi:

Anesteziologik amaliyotda litik aralashmalar tarkibiy qismi sifatida qo'llaniladi.

Doriga yuqori sezuvchanlik, bronxial astma, yopiq burchakli glaukoma, bradikardiya, yurak ritmining buzilishi, tug'ma uzaygan QT sindromi yoki QT intervalini uzaytirishi mumkin bo'lgan preparatlarni uzoq muddat qabul qilish, feoxromotsitoma, prostata bezining giperplaziyasi, oshqozon va 12 barmoqli ichakning stenoze qiluvchi yara kasalligi, siydik pufagi bo'ynining stenozi, epilepsiya, porfiriya, bolalar yoshi (7 oygacha), homiladorlik va laktatsiya davri.

Preparat mushak ichiga (m/i) va vena ichiga (v/i) buyuriladi.

Mahalliy ta'siri tufayli teri ostiga yuborish mumkin emas!

Mushak ichiga yuborilganda bir martalik doza: 1-5 ml 1% eritma (0,01-0,05 g), maksimal bir martalik doza - 5 ml (0,05 g), maksimal sutkalik doza - 15 ml 1% eritma (0,15 g).

Vena ichiga preparat tomchilab 2-5 ml (20 - 50 mg) 75-100 ml 0,9% natriy xlorid eritmasida yuboriladi.

Davolash davomiyligi erishilgan samaraga va preparatning o'zlashtirilishiga bog'liq.

Bolalarga m/i va v/i: 7-12 oy - 0,3 - 0,5 ml 1% eritma (0,003-0,005g); 1-3 yosh - 0,5-1 ml (0,005-0,01 g); 4-6 yosh - 1-1,5 ml (0,01-0,015 g); 7-14 yosh - 1,5-3 ml (0,015-0,03 g) zarurat tug'ilganda har 6-8 soatda.

Yurak-qon tomir tizimi tomonidan: arterial bosimning pasayishi, yurak urishini sezish, taxikardiya, ekstrasistoliya. Nafas olish tizimi tomonidan: burun va tomoq shilliq qavatining qurishi, balg'amning quyuqlashuvi, ko'krak yoki tomoqda bosim hissi, aksirish, burun bitishi. Nerv tizimi tomonidan: bosh og'rig'i, sedativ ta'sir, uyquchanlik, bosh aylanishi, muvofiqlashtirishning buzilishi, holsizlik, ongning chalkashligi, bezovtalik, qo'zg'aluvchanlik, asabiylik, tremor, jizzakilik, uyqusizlik, eyforiya, paresteziya, nevrit, tutqanoq. Sezgi organlari tomonidan: ko'rish qobiliyatining buzilishi, diplopiya, vertigo, quloqda shovqin, o'tkir labirintit. Ovqat hazm qilish tizimi tomonidan: og'iz bo'shlig'i shilliq qavatining qurishi, epigastriyadagi og'riq, anoreksiya, ko'ngil aynishi, qusish, diareya, qabziyat. Siydik chiqarish tizimi tomonidan: tez-tez yoki qiyin siyish, siydik tutilishi, erta hayz ko'rish. Qon hosil qiluvchi organlar tomonidan: gemolitik anemiya, trombotsitopeniya, agranulositoz. Allergik reaksiyalar: toshma, dori toshmasi, anafilaktik shok, fotosensibilizatsiya. Boshqalar: terlashning kuchayishi, titroq.

Difenigidramin H1-retseptorlarni bloklovchi antigistamin preparatlar guruhining asosiy vakillaridan biridir. U juda kuchli antigistamin faollikka ega. Bundan tashqari, u mahalliy anestezik ta'sir ko'rsatadi, to'g'ridan-to'g'ri spazmolitik ta'siri natijasida silliq mushaklarni bo'shashtiradi, vegetativ nerv tugunlarining xolinoretseptorlarini o'rtacha darajada bloklaydi. Preparatning muhim xususiyati uning sedativ ta'siri bo'lib, bu neyroleptik moddalarning ta'siriga ma'lum darajada o'xshash, mos dozada u uyqu keltiruvchi ta'sir ko'rsatadi. Shuningdek, u o'rtacha darajadagi qusishga qarshi vosita hisoblanadi. Preparatning asab tizimiga ta'sirida, gistamin retseptorlariga (ehtimol, miya H3-retseptorlariga) ta'siri bilan bir qatorda, uning markaziy xolinolitik faolligi muhim ahamiyatga ega.

Dori bilan davolanish vaqtida UF-nurlanishi va etanol iste'mol qilishdan saqlanish kerak.

Ushbu preparatni qo'llash haqida shifokorga xabar berish zarur. Qusishga qarshi ta'siri appenditsitni tashxislash va boshqa dori vositalari bilan dozani oshirib yuborish simptomlarini aniqlashni qiyinlashtirishi mumkin.

Preparatni v/v va v/m yuborish yurak kasalliklari va gipertonik kasallikda ma'qul emas. Preparatni yuqori e'tibor va tez psixik reaksiya talab qiladigan potentsial xavfli faoliyat turlari bilan shug'ullanuvchi shaxslarga qo'llash tavsiya etilmaydi.

Homiladorlik va laktatsiya davri

Homiladorlik davrida ehtiyotkorlik bilan, shifokor qat'iy nazorati ostida (homilador ayollarda yetarli va qat'iy nazorat qilinadigan tadqiqotlar o'tkazilmagan). Homiladorlik davrida onaga dimedrol buyurilganda, yangi tug'ilgan chaqaloqlarda hayotining dastlabki 5 kunida diareya va tremor rivojlanishi haqida xabarlar mavjud. Davolanish vaqtida emizishni to'xtatish kerak.

Avtotransport boshqarish va potentsial xavfli mexanizmlarni boshqarish qobiliyatiga ta'siri

Bemorlar yuqori e'tibor, tez psixik va harakat reaksiyasini talab qiladigan barcha faoliyat turlaridan voz kechishlari kerak.