Faol modda — diklofenak natriy — 10 mg; Yordamchi moddalari — sut kislotasi — 0,44 mg (100% modda hisobida), izopropanol — 150 mg, etanol — 150 mg, natriy disulfit — 0,5 mg, karbomer — 15 mg gacha, trolamin 30 mg gacha (pH 7,0 dan 8,5 gacha bo‘lgan gel olish uchun), suv — 1 g gacha.

Tayanch-harakat tizimi yallig‘lanish kasalliklari (revmatoyid artrit, psoriazik, yuvenil surunkali artrit, ankilozlovchi spondilit, revmatik yumshoq to‘qimalar shikastlanishi; podagrik artrit). Pay, boylam, mushak va bo‘g‘imlarning zo‘riqish, yuklama va lat yeyish natijasida yuzaga kelgan og‘riq sindromi va yallig‘lanishi. Mushak va bo‘g‘im kasalliklari bilan bog‘liq og‘riq sindromi va shish (lyumbago, ishiatik, nevralgiya, mialgiya, tendovaginit, bursit; tayanch-harakat tizimining degenerativ kasalliklari: deformatsiyalovchi osteoartroz, osteoxondroz).

Gipersensitivlik, shu jumladan, aspiringa yoki boshqa YOKVQga; me'da yoki o'n ikki barmoq ichak yara kasalligi zo‘rayish bosqichida; etiologiyasi noma'lum gemopoez buzilishlari; eroziya-yara jarayonlari OVKT (zo‘rayish bosqichida); "aspirin" astmasi, "aspirin" triadasi; homiladorlik; 6 yoshgacha bo‘lgan bolalar yoshi. Ehtiyotkorlik bilan: induktsiyalangan o'tkir jigar porfiriyasi; buyrak va jigar funksiyalari buzilishi.

Tashqi qo‘llash uchun. Kattalar va 12 yoshdan katta bolalarga preparat yallig‘lanish o‘chog‘i ustiga yupqa qatlamda kuniga 3-4 marta surtiladi va biroz ishqalab yuboriladi. Zarur preparat miqdori og‘riqli sohaning hajmiga bog‘liq. Bir martalik gel doza — 2-4 g (hajmi jihatidan yirik gilos yoki yong‘oq kattaligiga mos keladi). 6 yoshdan 12 yoshgacha bo‘lgan bolalarga preparatni kuniga 2 martadan ko‘p bo‘lmagan holda, bir martalik doza 2 g gacha qo‘llaniladi. Gel surtilgandan so‘ng qo‘llarni yuvish kerak. Davolash davomiyligi ko‘rsatmalar va kuzatilayotgan ta’sirga bog‘liq. Preparatni 2 hafta davomida qo‘llagandan so‘ng shifokor bilan maslahatlashish lozim. Ta’sirini kuchaytirish uchun, shifokor tavsiyasiga ko‘ra, Diklovit® gelini tizimli nosteroid yallig‘lanishga qarshi preparatlar (masalan, Diklovit®ning boshqa dori shakllari) bilan birga qo‘llash mumkin.

Yuzaga keladigan nojo‘ya ta’sirlar individual sezuvchanlik, qo‘llanilgan doza miqdori va davolash davomiyligiga bog‘liq. Preparatni qo‘llashda yo‘g‘on ichak shilliq qavatiga mahalliy ta’sir, shilliq ajralmalar va qon aralashmasi, defekatsiya paytida og‘riq; me’da-ichak buzilishlari: ko‘ngil aynishi, qusish, anoreksiya, meteorizm, qabziyat, diareya; interstitsial nefrite (kamdan-kam hollarda – nefrotik sindrom, papillyar nekroz, o‘tkir buyrak yetishmovchiligi); bosh og‘rig‘i, bosh aylanishi, qo‘zg‘aluvchanlik, uyqusizlik, asabiylik, charchoq; teri allergik reaksiyalari: ekzantema, eritema, ekzema, ko‘p shaklli eritema, Stivens-Djonson sindromi, Layell sindromi, eritrodermiya, Kvinke shishi, bronxospazm; fotosensibilizatsiya, purpura; gemopoez buzilishlari: anemiya – gemolitik va aplastik, leyopeniya, agranulotsitoz, trombotsitopeniya; arterial bosimning oshishi; sezuvchanlik va ko‘rish buzilishlari; tutqanoq.

Faol komponent diklofenak — steroid bo‘lmagan yallig‘lanishga qarshi preparat bo‘lib, aniq analgezik va yallig‘lanishga qarshi xossalarga ega. Siklooksigenaza 1 va 2 turlarini tanlab olmasdan tormozlab, araxidon kislotasi metabolizmi va prostaglandinlar sintezini buzadi, ular yallig‘lanish rivojlanishining asosiy bo‘g‘ini hisoblanadi. Diklovit® og‘riq sindromini bartaraf etish va yallig‘lanish jarayoni bilan bog‘liq shishlarni kamaytirish uchun qo‘llaniladi. Tashqi qo‘llanganda bo‘g‘imlardagi og‘riqlarni tinch holatda va harakatda susaytiradi yoki yo‘qolishiga olib keladi. Ertalabki qotish va bo‘g‘imlarning shishishini kamaytiradi, zararlangan bo‘g‘imlarda harakat hajmining oshishiga yordam beradi. Gelning suv-spirtli asosiy mahalliy anesteziyalovchi ta'sir ko‘rsatadi.