Faol modda Diklofenak natriy – 25 mg. Yordamchi moddalari: benzil spirti, mannit, propilenglikol, natriy metabisulfit, natriy gidroksid 1 mol/1 l eritmasi, in'ektsiya uchun suv.

Yallig'lanishli va degenerativ revmatik kasalliklar shakllari (revmatoyid artrit, ankilozlovchi spondilit, osteoartroz, spondiloartritlar); -umurtqa sohasidagi og'riq sindromlari; -bo'g'imdan tashqari yumshoq to'qimalarning revmatik kasalliklari -podagraning o'tkir xuruji -travmadan keyingi va operatsiyadan keyingi yallig'lanish va shish bilan kechadigan og'riq sindromlari; -og'ir kechuvchi migren xurujlari; -buyrak va o't pufagi kolikasi.

Diklofenakka yoki preparatning boshqa komponentlariga yuqori individual sezuvchanlik - faol gastrit va/yoki gastro-duodenal yara, gastrointestinal qon ketish yoki perforatsiya. - ichakning yallig‘lanish kasalliklari (masalan, Kron kasalligi va yarali kolit); - diklofenakka va preparatning har qanday boshqa ingredientlariga, shu jumladan natriy pirosulfitga yuqori sezuvchanlik; - natriy diklofenak, boshqa nosteroid yallig‘lanishga qarshi vositalar (NYaQV) kabi, atsetilsalitsil kislotasi yoki boshqa NYaQV qabul qilganda bronxial astma xurujlari (“aspirin astmasi”), toshma yoki o‘tkir rinit yuzaga keladigan bemorlarga kontrendikatsiya qilingan; - natriy diklofenak bolalar va 18 yoshgacha bo‘lgan o‘smirlarga buyurilmaydi; - homiladorlik, laktatsiya; - og‘ir yurak yetishmovchiligi; - og‘ir jigar yetishmovchiligi; - gipovolemiya va degidratatsiya; - operatsiyadan keyingi yuqori qon ketish xavfi bo‘lgan bemorlar, antikoagulyantlar qabul qilayotgan bemorlar, to‘liq bo‘lmagan gemostazli bemorlar, qon hosil bo‘lishi yoki serebrovaskulyar qon ketishi buzilgan bemorlar; - aortokoronar shuntlash va yurakda boshqa operatsiyalardan keyingi og‘riqlarni davolash uchun terapiya.

Dori vositasi odatda davolashning boshida bir martalik m/i 75 mg (1 ampula) yoki maksimal 150 mg (2 ampula) sutkada faqat kattalarga va faqat juda tez terapevtik ta’sirga erishish zarur bo‘lgan hollarda qo‘llaniladi. Odatda dori vositasi in'ektsiyalari 1-5 kun davomida buyuriladi. Zarurat tug‘ilganda davolashni davom ettirish uchun tabletkalar, kapsulalar yoki suppozitoriylar qabul qilishga o‘tiladi. M/i in'ektsiyalarni dori vositasini og‘iz orqali yoki rektal qo‘llash bilan birga qo‘llash mumkin, bunda maksimal sutkalik doza 150 mg dan oshmasligi kerak.

Yuzaga keladigan nojo‘ya ta’sirlar individual sezuvchanlikka, qo‘llanilayotgan doza miqdoriga va davolash davomiyligiga bog‘liq. Ovqat hazm qilish va siydik chiqarish tizimi tomonidan: ko‘ngil aynishi, qusish, epigastral sohada og‘riq, anoreksiya, meteorizm, qabziyat, diareya, gastritlar, hatto eroziyali va qon ketish bilan; transaminazlar darajasining oshishi, dori gepatiti, pankreatit, interstitsial nefrit. Markaziy asab tizimi tomonidan: bosh og‘rig‘i, bosh aylanishi, dezorientatsiya, qo‘zg‘alish, uyqusizlik, asabiylashish, charchoq, aseptik meningit. Teridan: ekzantema, eritema, ekzema, giperemiya, ko‘p shaklli eritema, Layell sindromi, Stivens-Djonson sindromi, eritrodermiya, fotosensibilizatsiya. Nafas olish organlari tomonidan: bronxospazm. Qon hosil qiluvchi organlar tomonidan: anemiya, trombotsitopeniya, leyopeniya, agranulotsitoz. Mahalliy: yuborilgan joyda kuydiruvchi hissi, infiltrat hosil bo‘lishi, yog‘ to‘qimasi nekrozi. Boshqalar: suyuqlik tutilishi, shishlar, arterial bosim (AB) oshishi, tizimli anafilaktik reaksiyalar, shu jumladan shok.

Preparat yuqori dozalarda qo‘llanilganda bosh aylanishi va charchoq hissi kabi nojo‘ya hodisalar yuzaga kelishi mumkinligi sababli, ayrim hollarda avtomobil yoki boshqa obyektlarni boshqarish qobiliyati buziladi. Bu hodisalar spirtli ichimliklarni bir vaqtda qabul qilganda kuchayadi. Preparatni faqat shifokor nazorati ostida va foyda/risk nisbatini diqqat bilan baholagandan so‘ng quyidagi holatlarda qo‘llash mumkin: - induktsiyalangan porfiriya; - tizimli qizil yuguruk va boshqa tizimli biriktiruvchi to‘qima kasalliklari. Preparat quyidagi holatlarda ehtiyotkorlik bilan va shifokor nazorati ostida buyuriladi: - oshqozon-ichak trakti kasalliklari (yarali kolitlar, Kron kasalligi) anamnezida; - buyrak va jigar funksiyasining og‘ir buzilishlari; - yuqori arterial bosim va/yoki yurak yetishmovchiligi; - bronxial astma, allergik rinit, burun shilliq qavatining poliplari, nafas yo‘llarining surunkali obstruktiv kasalliklari, chunki astma xuruji, Kvinke shishi yoki toshma rivojlanish xavfi mavjud. - og‘ir jarrohlik aralashuvdan so‘ng darhol. - keksalik yoshida. - homiladorlik davrida Diklofenak natriy qo‘llash mumkin emas. Agar emizikli onaga buyurish zarur bo‘lsa, emizishni to‘xtatish masalasini hal qilish kerak. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.

Diklofenak bilan dozani oshirib yuborishga xos tipik klinik manzara mavjud emas. Simptomlar Klinik manzara markaziy asab tizimi tomonidan buzilishlar (bosh og‘rig‘i, bosh aylanishi, qo‘zg‘aluvchanlikning oshishi, giperventilyatsiya hodisalari va tutqanoqlikka tayyorlik, bolalarda mioklonik tutqanoqlar) va oshqozon-ichak buzilishlari (qorin og‘rig‘i, ko‘ngil aynishi, qusish) bilan aniqlanadi. Oshqozon-ichak traktida qon ketish va/yoki jigar va buyrak funksiyasining buzilishi yuzaga kelishi mumkin. Davolash Maxsus antidot mavjud emas. Dozani oshirib yuborishda intensiv tibbiy yordam va simptomatik davolash zarur.