3 ml preparat tarkibida:

faol modda: diklofenak natriy – 75 mg;

yordamchi moddalari: propilenglikol; N-atsetiltsistein; dinatriy edetat; in'ektsiya uchun suv.

Tez yallig‘lanishga qarshi va/yoki analgezik ta’sirga erishish talab qilinadigan kasalliklar: • bo‘g‘im sindromi periartirit, bursit, miozit, tendinit, sinovit (revmatoyid artrit, seronegativ spondiloartritlar, podagra va boshqa tizimli kasalliklarda artritlar) bilan; • tayanch-harakat apparatining degenerativ va surunkali yallig‘lanish kasalliklari (osteoxondroz, osteoartrit, periartropatiyalar); • travmadan keyingi (cho‘zilishlar, lat yeyish va boshqalar) yoki operatsiyadan keyingi yumshoq to‘qimalar va tayanch-harakat apparati yallig‘lanishi; • nevrologik kasalliklarda og‘riq sindromi (nevralgiyalar, ishalgiyalar, lumbalgiyalar, dorsalgiyalar, torakalgiyalar, migren, mialgiyalar); • kichik chanoq va siydik-jinsiy tizim organlarining og‘riq sindromi va yallig‘lanish kasalliklari (algodismenoreya, adneksit, buyrak kolikasi, proktit, prostatit va boshqalar); • LOR organlarining infeksion-yallig‘lanish kasalliklarida aniq og‘riq sindromi bilan kompleks terapiya tarkibida (faringit, tonzillit, otit), tish og‘rig‘ida; • OVQAT hazm qilish tizimi kasalliklarida og‘riq sindromi (o‘tkir va surunkali pankreatitlar, o‘t yo‘llari kolikasi).

Diklofenak natriyga yoki preparatning boshqa har qanday komponentlariga yuqori sezuvchanlik; • Boshqa YOKSlar kabi, diklofenak natriy ham ibuprofen, atsetilsalitsil kislotasi yoki boshqa YOKSlarni qo‘llash bronxial astma xurujini, angionevrotik shish, toshma yoki o‘tkir rinitni keltirib chiqaradigan bemorlarga qarshi ko‘rsatilgan; • YOKS bilan oldingi davolash bilan bog‘liq bo‘lgan me’da-ichak qon ketishi yoki perforatsiyasi anamnezda; • Faol yara kasalligi (qon ketish yoki qaytalanuvchi yara kasalligi), anamnezda qon ketish (ikki yoki undan ortiq alohida epizodlar); • Ichakning yallig‘lanish kasalliklari (masalan, Kron kasalligi yoki yarali kolit); • Jigar yetishmovchiligi; • Buyrak yetishmovchiligi; • Giperqaliemiya; • Yurak yetishmovchiligining zo‘raygan shakli (NYHA II-IV); • Yurak ishemik kasalligi bo‘lgan bemorlarda (stenokardiya, o‘tkazilgan miokard infarkti); • Serebrovaskulyar kasalliklar bo‘lgan bemorlarda, insult yoki o‘tkinchi ishemik xurujlar o‘tkazgan; • Periferik arteriya kasalliklari; • Koronar shuntlash (yoki sun’iy qon aylanish apparati qo‘llanilganda) paytida perioperatsion og‘riqni davolash; • Operatsiyadan keyingi qon ketish, qon ivishining buzilishi, gemostaz buzilishi, gemopoetik buzilishlar yoki serebrovaskulyar qon ketish xavfi yuqori bo‘lgan holatlar; • Homiladorlikning III trimestri va laktatsiya davri; • Preparat 18 yoshgacha bo‘lgan bolalar va o‘smirlarga qarshi ko‘rsatilgan.

Preparat chuqur mushak ichiga (m/i) dumba sohasining yuqori tashqi kvadrantiga yuborilishi kerak. Qo‘llash davomiyligi 2 kundan oshmasligi kerak, zaruriyat tug‘ilganda, keyinchalik natriy diklofenakning og‘iz orqali yoki rektal qo‘llashiga o‘tiladi. Natriy diklofenak ampulalarda ayniqsa yallig‘lanish va degenerativ revmatik kasalliklarning boshlang‘ich davolashida, shuningdek, norevmatik kelib chiqishli yallig‘lanish natijasidagi og‘riqlarda mos keladi. Doza odatda 75 mg (1 ampula tarkibi) 1 marta/kun. O‘tkir og‘riqlarda va o‘rta va kuchli darajadagi operatsiyadan keyingi og‘riq sindromini davolashda bemorlarga preparat 75 mg (1 ampula) har kuni mushak ichiga buyuriladi. Zaruriyat tug‘ilganda (o‘t yoki buyrak kolikasi va boshqalar) preparat qayta yuborilishi mumkin, biroq preparatning sutkalik doza 150 mg dan oshmasligi kerak (1 ampuladan kuniga 2 marta). Ikkinchi in'ektsiya bir necha soatdan so‘ng qarama-qarshi dumba sohasiga o‘tkazilishi kerak. Bolalar. Natriy diklofenakning ushbu dori shakli – in'ektsiya uchun eritmasi – 18 yoshgacha bo‘lgan bolalar va o‘smirlarda qo‘llanmasligi kerak.

Doriga nojo'ya reaksiyalar ularning uchrash tezligiga qarab kamayish tartibida keltirilgan, bu tezlik quyidagi gradatsiya bo'yicha aniqlanadi: juda tez-tez (≥ 1/10); tez-tez (≥ 1/100, <1/10); kamdan-kam (≥ 1/1000, <1/100); kam (≥ 1/10000, <1/1000); juda kam (<1/10000), tezligi noma'lum (mavjud ma'lumotlar bo'yicha baholab bo'lmaydi). Qon va limfa tizimi tomonidan: juda kam - trombotsitopeniya, leykopeiya, anemiya (gemolitik va aplastikni o'z ichiga olgan), agranulotsitoz. Immun tizimi tomonidan: kam - gipersensitivlik, anafilaktik va anafilaktoid reaksiyalar (gipotoniya va shokni o'z ichiga olgan); juda kam - angionevrotik shish. Psixik buzilishlar: juda kam - dezorientatsiya, depressiya, uyqusizlik, tungi tushlar, asabiylashish va boshqa psixik buzilishlar. Nerv tizimi tomonidan: tez-tez - bosh og'rig'i, bosh aylanishi, kam - uyquchanlik, charchoq; juda kam - paresteziya, xotira buzilishi, tutqanoq, xavotir, tremor, aseptik meningit, ta'm sezish buzilishi, insult; tezligi noma'lum - ongning chalkashligi, gallyutsinatsiyalar, sezuvchanlik buzilishi, umumiy holsizlik. Ko'rish organi tomonidan: juda kam - ko'rish buzilishi, ko'rishning xiralashuvi, diplopiya; tezligi noma'lum - ko'ruv nervi nevriti. Eshitish va labirint organlari tomonidan: tez-tez - vertigo; juda kam - quloqda shovqin, eshitish buzilishi. Yurak tomonidan: juda kam - yurak urishi, ko'krakda og'riq, yurak yetishmovchiligi, miokard infarkti. Tomir tizimi tomonidan: juda kam - arterial gipertenziya, arterial gipotenziya, vaskulit. Nafas olish, ko'krak va mediastinal buzilishlar: kam - astma (dispnoeni o'z ichiga olgan); juda kam - pnevmonit. Ovqat hazm qilish tizimi tomonidan: tez-tez - ko'ngil aynishi, qusish, diareya, dispepsiya, qorin og'rig'i, meteorizm, anoreksiya; kam - gastrit, ichak qon ketishi, qon aralash qusish, gemorragik diareya, melena, oshqozon yoki ichak yarasi qon ketishi yoki ketmasdan yoki perforatsiya bilan; juda kam - kolit (gemorragik kolit va yarali kolit yoki Kron kasalligining zo'rayishini o'z ichiga olgan), qabziyat, stomatit (yarali stomatitni o'z ichiga olgan), glosit, qizilo'ngach tomonidan buzilishlar, ichakning membranali strikturalari, pankreatit. Gepatobiliar tizim: tez-tez - transaminazalar darajasining oshishi; kam - gepatit, sariq kasallik, jigar funksiyasi buzilishi; juda kam - fulminant gepatit, gepatonekroz, jigar yetishmovchiligi. Terining va teri osti to'qimalarining tomonidan: tez-tez – toshma; kam – eshakemi; juda kam - bulozli toshma, ekzema, eritema, ko'p shaklli eritema, Stivens-Djonson sindromi, toksik epidermal nekroliz (Layell sindromi), eksfoliativ dermatit, soch to'kilishi, fotosensitivlik reaksiyasi, purpura, allergik purpura, qichishish. Buyrak va siydik chiqarish yo'llari tomonidan: juda kam - o'tkir buyrak yetishmovchiligi, gematuriya, proteinuriya, nefrotik sindrom, interstitsial nefrite, buyrak papillyar nekrozi. Umumiy buzilishlar va preparat yuborilgan joydagi buzilishlar: tez-tez - in'ektsiya joyida reaksiya, og'riq, qattiqlashish; kam - shish, in'ektsiya joyida nekroz, kam - in'ektsiya joyida abstsess. Reproduktiv tizim tomonidan: juda kam - impotensiya. Klinik tadqiqotlar va epidemiologik ma'lumotlar diklofenakni, ayniqsa yuqori terapevtik dozalarda (sutkada 150 mg) va uzoq muddatli qo'llanganda trombotik asoratlar (masalan, miokard infarkti yoki insult) xavfi oshishini ko'rsatadi.

Diklofenak natriy – nosteroid yallig‘lanishga qarshi preparat, feniluksus kislotasi hosilasi hisoblanadi. Aniq ifodalangan yallig‘lanishga qarshi, analgezik va isitmani tushiruvchi ta’sir ko‘rsatadi. Preparatning ta’sir mexanizmi araxidon kislotasi metabolizmining asosiy fermentlari bo‘lgan TsOG1 va TsOG2 faolligini susaytirish bilan bog‘liq. Arahidon kislotasi – prostaglandinlarning oldingi bosqichi bo‘lib, ular yallig‘lanish, og‘riq va isitma patogenezida asosiy rol o‘ynaydi. Diklofenakning analgezik va antipiretik ta’siri ikki mexanizm bilan bog‘liq: periferik (bilvosita, prostaglandinlar sintezini bostirish orqali) va markaziy (markaziy va periferik asab tizimida prostaglandinlar sintezini ingibitsiya qilish hisobiga). Diklofenak yallig‘lanish xarakterli og‘riqlarda eng samarali hisoblanadi. Revmatologik kasalliklarda bo‘g‘imlardagi og‘riqni tinch holatda va harakatda, shuningdek, ertalabki qotish va bo‘g‘imlarning shishishini kamaytiradi, harakat hajmining oshishiga yordam beradi. Diklofenak natriy revmatik bo‘lmagan kelib chiqishli o‘rtacha va kuchli og‘riqlarda aniq analgezik ta’sirga ega. Travmadan keyingi va operatsiyadan keyingi yallig‘lanish holatlarida diklofenak natriy tezda spontan og‘riq va harakatdagi og‘riqlarni yengillashtiradi va shishlarni kamaytiradi. Diklofenak natriy migren xurujlariga sezilarli ta’sir ko‘rsatadi. Diklofenak natriy in vitro sharoitida, inson organizmida erishilgan konsentratsiyalarga ekvivalent konsentratsiyalarda, xaftaga to‘qimalarida proteoglikanlar biosintezini aniq susaytirishni chaqirmaydi. Trombotsitlar agregatsiyasini bostiradi. Uzoq muddat qo‘llanganda desensibilizatsiyalovchi ta’sir ko‘rsatadi.

Nojo'ya ta'sirlarni minimallashtirish uchun simptomlarni nazorat qilish uchun zarur bo'lgan eng qisqa muddat davomida minimal samarali doza qo'llanilishi mumkin. Diklofenak natriy preparatini boshqa YOKBlar, shu jumladan selektiv TsOG-2 ingibitorlari bilan birga qo'llashdan saqlanish kerak, chunki sinergik foyda yo'qligi va qo'shimcha nojo'ya ta'sirlar rivojlanishi mumkin. Preparatni keksa yoshdagi bemorlarga va tana massasi past bo'lgan bemorlarga buyurishda ehtiyotkorlikka rioya qilish kerak, bunday hollarda eng past samarali dozalarni qo'llash tavsiya etiladi. Boshqa YOKBlarda bo'lgani kabi, diklofenakga oldindan ta'sir qilmasdan ham allergik reaksiyalar, shu jumladan anafilaktik/anafilaktoid reaksiyalar yuzaga kelishi mumkin. Boshqa YOKBlarda bo'lgani kabi, diklofenak natriy o'zining farmakodinamik xususiyatlari tufayli infeksiya belgi va simptomlarini niqoblash mumkin. Ovqat hazm qilish tizimiga ta'siri. Barcha YOKBlarda, shu jumladan diklofenakda, me'da-ichak qon ketishi (qon qusish, melena), yara yoki perforatsiya holatlari qayd etilgan, ular davolash jarayonida istalgan vaqtda, shuningdek, me'da-ichak tizimi tomonidan jiddiy hodisalar tarixi bo'lgan hollarda yuzaga kelishi mumkin. Bu hodisalar odatda keksa yoshdagi bemorlarda yanada jiddiy oqibatlarga olib keladi. Me'da-ichak qon ketishi, yara yoki perforatsiya xavfi diklofenak natriyning tavsiya etilgan dozasi oshirilganda, shuningdek, me'da va o'n ikki barmoqli ichak yarasi tarixi bo'lgan bemorlarda yuqoriroq bo'ladi. Agar diklofenak natriy qabul qilayotgan bemorlarda me'da-ichak qon ketishi yoki yara yuzaga kelsa, preparatni qo'llashni to'xtatish kerak. Ovqat hazm qilish tizimiga toksik ta'sir xavfini kamaytirish uchun yara tarixi bo'lgan, ayniqsa qon ketish yoki perforatsiya kabi asoratlari bo'lgan bemorlarda va keksa yoshdagi bemorlarda davolashni past samarali dozalar bilan boshlash va davom ettirish yoki bunday bemorlarda himoya qiluvchi dori vositalari (masalan, proton nasosi ingibitorlari yoki mizoprostol) bilan birga davolashni ko'rib chiqish kerak. Me'da-ichak toksikligi tarixi bo'lgan, ayniqsa keksa yoshdagi bemorlar har qanday noodatiy qorin simptomlari (ayniqsa, ovqat hazm qilish tizimida qon ketish) haqida xabar berishlari kerak. Shuningdek, yara yoki qon ketish xavfini oshirishi mumkin bo'lgan birga qo'llaniladigan preparatlar, masalan, tizimli kortikosteroidlar, antikoagulyantlar (masalan, varfarin), antitrombotik vositalar (masalan, atsetilsalitsil kislotasi) yoki selektiv serotonin qayta qabul qilish ingibitorlari qabul qilayotgan bemorlarga ham ehtiyotkorlik kerak. Jigar faoliyatiga ta'siri. Agar diklofenak natriy jigar faoliyati buzilgan bemorlarga buyurilsa, ularning holati og'irlashishi mumkinligi sababli, diqqatli tibbiy nazorat zarur. Boshqa YOKBlarda bo'lgani kabi, shu jumladan diklofenak natriyda, bir yoki bir nechta jigar fermentlari darajasi oshishi mumkin. Preparatni qo'llash davrida jigar funksiyalarini muntazam nazorat qilish tavsiya etiladi. Agar jigar funksiyasi buzilishi saqlanib qolsa yoki og'irlashsa, agar klinik belgi yoki simptomlar jigar kasalliklarining rivojlanishi bilan bog'liq bo'lishi mumkin bo'lsa yoki boshqa namoyonlar (masalan, eozinofiliya, toshma) kuzatilsa, diklofenak natriy preparatini qo'llashni to'xtatish kerak. Diklofenak natriy jigar porfiriyasi bo'lgan bemorlarga qo'llanilganda, xuruj chaqirish ehtimoli tufayli ehtiyotkorlik zarur. Buyraklarga ta'siri. YOKBlarda, shu jumladan diklofenak natriyda suyuqlik ushlanishi va shishlar haqida xabar berilganligi sababli, yurak yoki buyrak faoliyati buzilgan, arterial gipertenziya tarixi bo'lgan, keksa yoshdagi, diuretiklar yoki buyrak faoliyatiga sezilarli ta'sir ko'rsatuvchi preparatlar qabul qilayotgan, va har qanday sababga ko'ra ekstrasellyulyar suyuqlik hajmi sezilarli kamaygan bemorlarga (masalan, jiddiy jarrohlik aralashuvdan oldin yoki keyin) alohida e'tibor berish kerak. Bunday hollarda, ehtiyot chorasi sifatida buyrak funksiyasini monitoring qilish tavsiya etiladi. Davolashni to'xtatish odatda davolashdan oldingi holatga qaytishga olib keladi. Teriga ta'siri. YOKBlarda, shu jumladan diklofenak natriy preparatida, juda kam hollarda teri tomonidan jiddiy reaksiyalar, shu jumladan eksfoliativ dermatit, Stivens-Djonson sindromi va toksik epidermal nekroliz qayd etilgan. Ushbu reaksiyalar rivojlanishining yuqori xavfi, ehtimol, davolash kursining boshida kuzatiladi. Diklofenak natriy preparatini birinchi teri toshmalari, shilliq qavat zararlanishlari yoki har qanday boshqa yuqori sezuvchanlik belgilari paydo bo'lishi bilan to'xtatish kerak. Tizimli qizil yuguruk (TQY) va aralash biriktiruvchi to'qima kasalliklari. TQY va aralash biriktiruvchi to'qima kasalliklari bo'lgan bemorlarda aseptik meningit rivojlanish xavfi oshgan bo'lishi mumkin. Yurak-qon tomir va serebrovaskulyar ta'sirlar. Diklofenak natriy preparatini yurak-qon tomir hodisalari xavfi yuqori bo'lgan bemorlarga (masalan, arterial gipertenziya, giperlipidemiya, qandli diabet, chekish) faqat diqqatli klinik baholashdan so'ng buyurish mumkin. Chunki diklofenakning yurak-qon tomir xavflari doza va davolash davomiyligi oshishi bilan ortishi mumkin. Bemorning simptomlarni yengillashtirish uchun diklofenak qabul qilish zarurati va davolashga javobini vaqti-vaqti bilan qayta ko'rib chiqish kerak. Arterial gipertenziya va/yoki yengil yoki o'rtacha darajadagi yurak yetishmovchiligi tarixi bo'lgan bemorlarda mos monitoring o'tkazish zarur, chunki YOKBlarda, shu jumladan diklofenakda, suyuqlik ushlanishi va shishlar holatlari qayd etilgan. Klinik tadqiqotlar va epidemiologik ma'lumotlar shuni ko'rsatadiki, diklofenakni, ayniqsa yuqori dozada (150 mg/kun) uzoq muddat davomida qo'llash arterial trombotik hodisalar (masalan, miokard infarkti yoki insult) rivojlanish xavfini biroz oshirishi mumkin. Nazorat qilinmaydigan arterial gipertenziya, yurak yetishmovchiligi, barqaror yurak ishemik kasalligi, periferik arteriyalar kasalliklari va/yoki serebrovaskulyar kasalliklari bo'lgan bemorlarga diklofenak natriy faqat zarurat bo'lsa va risk-foyda baholashidan so'ng buyurilishi mumkin. Bemorlar quyidagi jiddiy holatlar yuzaga kelishi mumkinligi haqida xabardor qilinishi kerak: ko'krak og'rig'i, nafas qisilishi, holsizlik, nutq buzilishi. Bunday hollarda darhol shifokorga murojaat qilish kerak. Gematologik ko'rsatkichlarga ta'siri. Preparatni uzoq muddat qo'llashda, boshqa YOKBlarda bo'lgani kabi, qon tahlilini monitoring qilish tavsiya etiladi. Boshqa YOKBlarda bo'lgani kabi, diklofenak natriy trombotsitlar agregatsiyasini vaqtincha susaytirishi mumkin. Gemostaz buzilishi, gemorragik diatez yoki gematologik buzilishlari bo'lgan bemorlarni diqqat bilan kuzatish kerak. Astma tarixi. Bronxial astma, mavsumiy allergik rinit, burun shilliq qavati shishi (burun poliplari), surunkali obstruktiv o'pka kasalliklari yoki surunkali nafas yo'llari infeksiyalari (ayniqsa allergiyaga moyil) bo'lgan bemorlarda YOKBlarga reaksiyalar, astma zo'rayishiga o'xshash (shuningdek, analgetiklar/aspiringa toqat qilmaslik deb ataladi), Kvinke shishi, toshma boshqa bemorlarga qaraganda tez-tez uchraydi. Shu sababli bunday bemorlarga maxsus choralar (tez tibbiy yordamga tayyorlik) tavsiya etiladi. Bu boshqa moddalar allergiyasi bo'lgan, teri reaksiyalari, qichishish yoki toshma bilan namoyon bo'ladigan bemorlarga ham tegishli. Prostaglandinsintetaza faolligini bostiruvchi boshqa preparatlar kabi, diklofenak natriy va boshqa YOKBlar bronxial astma bilan og'rigan yoki astma tarixi bo'lgan bemorlarda bronxospazm rivojlanishini qo'zg'atishi mumkin. Ayollarda fertilitet. Diklofenak natriy preparatini qo'llash ayollarda fertilitet buzilishiga olib kelishi mumkin va homiladorlikni rejalashtirayotgan ayollarga tavsiya etilmaydi. Homilador bo'lishda qiyinchiliklarga duch kelayotgan yoki bepushtlik bo'yicha tekshiruvdan o'tayotgan ayollarda diklofenak natriy preparatini bekor qilish masalasini ko'rib chiqish kerak. Diklofenak natriy bilan davolash davrida spirtli ichimliklarni iste'mol qilish tavsiya etilmaydi. Avtomobil haydash va mexanizmlarni boshqarish qobiliyatiga ta'siri. Preparat yuqori dozada qo'llanganda bosh aylanishi va charchoq kabi nojo'ya ta'sirlar rivojlanishi mumkinligi sababli, ayrim hollarda avtomobil yoki boshqa harakatlanuvchi obyektlarni boshqarish qobiliyati buziladi. Bu holatlar spirtli ichimliklarni birga qabul qilganda kuchayadi.