1 tabletkada faol modda – digoksin 0,25 mg; yordamchi moddalari: saxaroza, glyukoza monogidrat, kartoshka kraxmal, talk, kalsiy stearat, vazelin moyi.

• Kompleks davolash tarkibida surunkali yurak yetishmovchiligining II (klinik namoyon bo‘lishi mavjud bo‘lsa) va III – IV funksional sinfi; • yurak fibrillyatsiyasi va flutterining taxisistolik shakli, paroksizmal va surunkali kechishi (ayniqsa, surunkali yurak yetishmovchiligi bilan birga bo‘lsa).

Preparatga yuqori sezuvchanlik, glikozidli intoksikatsiya, Volf-Parkinson-Uayt sindromi, atrioventrikulyar blokada II daraja, almashib turuvchi to‘liq blokada, 3 yoshgacha bo‘lgan bolalar yoshi, kam uchraydigan irsiy kasalliklari bo‘lgan bemorlar (fruktozani o‘zlashtira olmaslik va glyukoza/galaktoza so‘rilishining buzilishi sindromi yoki saxaraza/izomaltaza yetishmovchiligi). Ehtiyotkorlik bilan (foyda/riskni solishtirib) AV blokada I daraja, sinus tugunining zaiflik sindromi ritm haydovchisisiz, AV tugun orqali o‘tishning beqarorligi ehtimoli, anamnezda Morganyi-Adams-Stoks xurujlari, gipertrofik subaortal stenoz, kam yurak urish chastotali izolyatsiyalangan mitral stenoz, mitral stenozli bemorlarda yurak astmasi (taxisistolik fibrillyatsiya shakli bo‘lmaganda), o‘tkir miokard infarkti, beqaror stenokardiya, arteriovenoz shunt, gipoksiya, diastolik funksiyaning buzilishi bilan yurak yetishmovchiligi (restriktiv kardiomiopatiya, yurak amiloidozi, konstriktiv perikardit, yurak tamponadasi), ekstrasistoliya, yurak bo‘shliqlarining yaqqol kengayishi, "o‘pka" yuragi. Elektrolit buzilishlari: gipokaliemiya, gipomagniemiya, giperkaltsiemiya, gipernatriemiya. Gipotiroidizm, alkaloz, miokardit, keksalik, buyrak-jigar yetishmovchiligi, semizlik. Qandli diabetli bemorlar uchun ma’lumot. Tabletkada glyukoza va saxaroza mavjud. Ushbu preparatni kam uchraydigan tug‘ma fruktozani o‘zlashtira olmaslik, glyukoza-galaktoza malabsorbsiyasi yoki saxaraza-izomaltaza yetishmovchiligi bo‘lgan bemorlarga qo‘llash mumkin emas.

– og‘iz orqali. Tabletkani butun holda yutish kerak. Barcha yurak glikozidlari kabi, doza ehtiyotkorlik bilan, har bir bemor uchun individual tarzda tanlanadi. Agar bemor digoksin buyurilishidan oldin yurak glikozidlarini qabul qilgan bo‘lsa, bu holda preparat dozasini kamaytirish zarur. Kattalar va 10 yoshdan katta bolalar Doza terapevtik ta’sirga tez erishish zaruriyatiga bog‘liq. O‘rtacha tez digitallash (24–36 soat) favqulodda holatlarda qo‘llaniladi Kunlik doza 0,75–1,25 mg (3-5 tabletka), 2 qabulga bo‘linadi, har bir keyingi dozadan oldin EKG nazorati ostida. To‘yinganlikka erishilgach, qo‘llab-quvvatlovchi davolashga o‘tiladi. Sekin digitallash (5–7 kun) Kunlik doza 0,125–0,5 mg (½-2 tabletka) 1 marta kuniga 5–7 kun davomida (to‘yinganlikka erishilgunga qadar) buyuriladi, so‘ngra qo‘llab-quvvatlovchi davolashga o‘tiladi. Surunkali yurak yetishmovchiligi (SYY) SYY bo‘lgan bemorlarda digoksin kichik dozada, kuniga 0,25 mg gacha (tana vazni 85 kg dan ortiq bo‘lgan bemorlarda – kuniga 0,375 mg (1,5 tabletka) gacha) qo‘llaniladi. Keksalarda digoksinning kunlik doza 0,0625–0,125 mg (¼-½ tabletka) gacha kamaytiriladi. Qo‘llab-quvvatlovchi terapiya Qo‘llab-quvvatlovchi terapiya uchun kunlik doza individual tarzda belgilanadi, u 0,125–0,75 mg (½-3 tabletka) ni tashkil etadi. Qo‘llab-quvvatlovchi terapiya, odatda, uzoq muddat davom ettiriladi. 3 yoshdan 10 yoshgacha bo‘lgan bolalar Bolalar uchun to‘yinganlik doza 0,05–0,08 mg/kg/kun; bu doza o‘rtacha tez digitallashda 3–5 kun davomida yoki sekin digitallashda 6–7 kun davomida buyuriladi. Bolalar uchun qo‘llab-quvvatlovchi doza 0,01–0,025 mg/kg/kun ni tashkil etadi. Keksalar To‘yinganlik doza 0,75-1,5 mg (3-6 tabletka) ni tashkil etadi, u 6 soatlik interval bilan alohida dozalar ko‘rinishida qo‘llaniladi. Qo‘llab-quvvatlovchi doza kuniga 0,0625 mg ni tashkil etadi. Buyrak faoliyati buzilishi Buyrak chiqaruv faoliyati buzilganda, kreatinin klirensi (KK) 50–80 ml/min bo‘lsa, digoksinning o‘rtacha qo‘llab-quvvatlovchi doza (OQD) normal buyrak faoliyatiga ega shaxslardagi OQDning 50 % ini tashkil etadi; KK 10 ml/min dan kam bo‘lsa – odatdagi dozaning 25 % ini tashkil etadi. Jigar faoliyati buzilishi Dozalar uchun maxsus tavsiyalar yo‘q. Agar Siz navbatdagi preparat qabulini o‘tkazib yuborgan bo‘lsangiz, uni darhol qabul qiling. O‘tkazib yuborilgan doza o‘rniga ikki barobar doza qabul qilmang. Qabulni shifokor tavsiyalariga muvofiq davom ettiring.

Kuzatiladigan nojo‘ya ta’sirlar ko‘pincha dozani oshirib yuborishning dastlabki belgilari hisoblanadi. Digitalis intoksikatsiyasi yurak-qon tomir tizimi tomonidan: qorinchalarning paroksizmal taxikardiyasi, qorinchalarning ekstrasistoliyasi (ko‘pincha bigeminiya, politopik qorinchalarning ekstrasistoliyasi), tugunli taxikardiya, sinus bradikardiyasi, sinoaurikulyar (SA) blokada, yurak bo‘lmachalarining fibrillyatsiyasi va flutteri, AV blokada; EKGda – ST segmentining pasayishi va ikki fazali T tishchasining hosil bo‘lishi; ovqat hazm qilish tizimi tomonidan: anoreksiya, ko‘ngil aynishi, qusish, diareya, qorin og‘rig‘i, ichak nekrozi; markaziy asab tizimi tomonidan: uyqu buzilishi, bosh og‘rig‘i, bosh aylanishi, nevrit, radikulit, manik-depressiv sindrom, paresteziya va hushdan ketish, kam hollarda (asosan ateroskleroz bilan kasallangan keksa bemorlarda) – dezorientatsiya, ongning chalkashishi, bir xil rangli vizual gallyutsinatsiyalar; sezgi organlari tomonidan: ko‘rinadigan predmetlarning sariq-yashil rangga bo‘yalishi, ko‘z oldida “chivinlar” paydo bo‘lishi, ko‘rish o‘tkirligining pasayishi, makro- va mikropsiya; allergik reaksiyalar bo‘lishi mumkin: teri toshmasi, kamdan-kam hollarda – eshakemi; gemopoez organlari va gemostaz tizimi tomonidan: trombotsitopenik purpura, burundan qon ketishi, petechiyalar; boshqa: gipokaliemiya, ginekomastiya. Yuqorida sanab o‘tilgan nojo‘ya reaksiyalar, shuningdek, yo‘riqnomada ko‘rsatilmagan nojo‘ya reaksiya paydo bo‘lsa, shifokorga murojaat qilish zarur.