faol modda: laktuloza - 66,7 g; yordamchi modda: tozalangan suv 100 ml sirop hosil bo‘lishigacha.

Surunkali va situatsion qabziyatlar (jumladan, gemorroyda, yo‘g‘on ichak va/yoki anal teshigida jarrohlik aralashuvi zarur bo‘lganda), operatsiyadan keyingi atonik qabziyatlar, gemorroy tugunlarini olib tashlagandan keyingi og‘riq sindromi, jigar ensefalopatiyasi, jigar yetishmovchiligi, jigar komasi va prekomasi, surunkali faol gepatit, gipermmoniemiya, turli etiologiyali intoksikatsiyalar, ichak disbakteriozi, chirigan dispepsiya, salmonellani tashuvchilik.

Galaktozemiya, ichak tutilishi, laktulozaga yuqori sezuvchanlik, rektal qon ketishlar (gemorroy boʼlmagan), kolostoma, ileostoma, appenditsitga gumon, gepatit sababli jigar komasi.

Qabziyat, gemorroy tugunlarini olib tashlagandan keyingi og‘riq sindromi, chirigan dispepsiya bo‘lsa, dastlabki 3 kun davomida ichga quyidagicha buyuriladi: kattalarga 15-45 ml (1-3 osh qoshiq) 1 marta sutkada; 1 yoshgacha bo‘lgan bolalarga 5 ml (1 choy qoshiq) 1 marta sutkada, 1 yoshdan 6 yoshgacha 5-10 ml (1-2 choy qoshiq) 1 marta sutkada, 6 yoshdan katta bolalarga 15 ml (1 osh qoshiq) 1 marta sutkada. So‘ngra qo‘llab-quvvatlovchi doza buyuriladi: kattalarga 15 ml (1 osh qoshiq) 1 marta sutkada; 1 yoshgacha bo‘lgan bolalarga 5 ml (1 choy qoshiq) 1 marta sutkada, 1 yoshdan 6 yoshgacha 5-10 ml (1-2 choy qoshiq) 1 marta sutkada, 6 yoshdan katta bolalarga 10 ml (2 choy qoshiq) 1 marta sutkada. Davolash kursi 1-4 hafta davomidan 3-7 oygacha. Salmonellyoz tashuvchiligida dastlabki 10-12 kun davomida 5 ml (1 choy qoshiq) 3 marta sutkada, bir haftalik tanaffusdan so‘ng 5 ml (1 choy qoshiq) 5 marta sutkada 10-12 kun davomida buyuriladi. Jigar yetishmovchiligi, koma va prekoma, ensefalopatiya, shuningdek surunkali gepatit, gipermmoniemiya, turli etiologiyali intoksikatsiyalar, disbakteriozda dastlab ichga 30-60 ml (2-4 osh qoshiq) 3 marta sutkada, so‘ngra, odatda, 7-14 kun qo‘llangandan keyin, qo‘llab-quvvatlovchi doza 10-25 ml (2-5 choy qoshiq) 2-3 marta sutkada buyuriladi. Davolash kursi 3 oygacha. Jigar komasida yoki komatoz holatdagi bemorlarga rektal yo‘l bilan 300 ml sirop 700 ml suv yoki natriy xlorid izotonik eritmasida eritilib, rektal ballonsimon kateter orqali yuboriladi va 30-60 daqiqa ushlab turiladi. Zarur bo‘lsa, har 4-6 soatda takrorlanadi. Preparatni ichga qabul qilganda suv yoki sharbat (greyfrutdan tashqari) bilan suyultirish mumkin. Ta’siri 24-48 soatdan keyin namoyon bo‘ladi.

Dastlabki kunlarda meteorizm va gaz hosil bo‘lishi mumkin, ular davolashning 2-3 kunidan so‘ng mustaqil ravishda yo‘qoladi, jigar ensefalopatiyasini davolashda vaqtinchalik diareya, shuningdek, ko‘ngil aynishi, qusish, ichak spazmlari mumkin. Preparatning yuqori dozalarda tez-tez qo‘llanilishi, ayniqsa, keksalarda, suv-elektrolit muvozanatining buzilishi bilan kechadigan diareyaga olib kelishi mumkin.

Preparat ichakni bo‘shatuvchi, giperosmotik, gipommoniyemik, ichak peristaltikasini rag‘batlantiruvchi ta’sir ko‘rsatadi, ichak mikroflorasini normallashtiradi, fosfatlar va kalsiy tuzlarining so‘rilishini yaxshilaydi, oqsil parchalanish mahsulotlarining chiqarilishiga yordam beradi. Laktuloza disaxarid bo‘lib, sut kislotali bakteriyalar (Lactobacillus acidophilus, Lactobacillus bifidus) uchun oziqlanish muhitidir va ularning rivojlanishi va ko‘payishiga yordam beradi. Yo‘g‘on ichak mikroflorasi ta’sirida preparat gidrolizlanib, past molekulyar organik kislotalar (sut, sirka, chumoli) hosil bo‘ladi. Natijada yo‘g‘on ichak lümenida osmotik bosim oshadi va pH pasayadi, bu esa ichak peristaltikasining kuchayishiga va najas massasi hajmining ortishiga, shuningdek, ammiakning qondan ichakka o‘tishiga va u yomon so‘riladigan ammoniy-ioniga aylanishiga olib keladi, bu esa ichakni bo‘shatuvchi ta’sir rivojlanishi natijasida organizmdan chiqariladi. Preparat yo‘g‘on ichakning proksimal qismida azot saqlovchi toksinlarning hosil bo‘lishi va so‘rilishini susaytiradi, qonda ammoniy-ion miqdorini kamaytiradi va jigar ensefalopatiyasi og‘irligini pasaytiradi, proteolitik mikroorganizmlar, jumladan, shigella, salmonella o‘sishini bostiradi. Farmakokinetika Og‘iz orqali qabul qilinganda preparat deyarli yuqori ovqat hazm qilish yo‘llarida so‘rilmaydi, ichakda metabolizatsiyalanadi. Metabolitlar 24-48 soat davomida najas bilan chiqariladi, preparatning 3% dan ko‘pi o‘zgarmagan holda siydik bilan chiqarilmaydi.

Neomitsin va antatsid vositalarni bir vaqtda qo‘llash preparatning ta’sirini susaytiradi. Preparatni boshqa dori vositalarini qabul qilgandan so‘ng 2 soat davomida qabul qilish tavsiya etilmaydi.

Jigar yetishmovchiligi, koma va prekoma, ensefalopatiya, surunkali faol gepatit, gipermmoniemiya, turli etiologiyali intoksikatsiyalarda davolash boshida ich suruvchi ta’sirga erishilgach, qo‘llab-quvvatlovchi doza shunday belgilanadiki, u kuniga 2-3 marta yumshatilgan najasni ta’minlasin. Keksalar va ruhiy buzilishlari bo‘lgan bemorlarda uzoq muddatli davolashda qonda elektrolitlar miqdorini nazorat qilish tavsiya etiladi. Preparat tarkibida so‘riladigan shakar mavjudligi sababli, qandli diabeti bo‘lgan bemorlarga ehtiyotkorlik bilan buyuriladi. Homiladorlik va laktatsiya davri Preparat homiladorlik va emizish davrida, shuningdek, yangi tug‘ilgan chaqaloqlar va erta yoshdagi bolalarda qo‘llanilishi mumkin. Diareya paydo bo‘lsa, preparat qabul qilinishi to‘xtatiladi.

Diareya, so‘ngra suvsizlanish, gipokaliemiya va giponatriemiya kuzatilishi mumkin, ular preparatni qabul qilish to‘xtatilganda yoki doza kamaytirilganda o‘tib ketadi. Suv-elektrolit muvozanatini tiklash uchun terapiya buyurish zarur.