Faol modda Bendazol gidroxlorid - 10 mg. Yordamchi moddalari: etil spirti 96%; glitserin, 0,1 mol/l xlorid kislotasi; in'ektsiya uchun suv 1 ml gacha.

Qon tomirlarining spazmlarida (gipertonik kasallikning zo‘rayishi, gipertonik krizlar) va ichki organlarning silliq mushaklarining spazmlarida (oshqozon pilorusi, ichak spazmlari) qo‘shimcha vosita sifatida; asab tizimi kasalliklarini davolashda (asosan, poliomiyelitning qoldiq hodisalari, yuz nervining periferik falaji, polinevrit).

Preparatga yuqori sezuvchanlik. Mushak tonusi pasayishi, tutqanoq sindromi, og‘ir yurak yetishmovchiligi bilan kechuvchi kasalliklar. Arterial gipotenziya. Shish va buyraklarning azot chiqarish funksiyasi buzilishi bilan kechuvchi surunkali nefrid. Qon ketish bilan kechuvchi oshqozon va o‘n ikki barmoq ichak yarasi. Qandli diabet. Homiladorlik va laktatsiya davri. 12 yoshgacha bo‘lgan bolalar yoshi.

Dibazol tomir ichiga (v/i), mushak ichiga (m/i) buyuriladi. Gipertonik krizlarni bartaraf etish uchun v/i 3-4 ml 1% eritma (30-40 mg) yuboriladi. Arterial bosim sezilarli oshganda m/i 2-3 ml 1% preparat (20-30 mg) kuniga 2-3 marta yuboriladi. Davolash kursi individual belgilanadi, o‘rtacha 8-14 kun. Og‘iz orqali ovqatdan 2 soat oldin yoki ovqatdan 2 soat keyin, 20-50 mg dan kuniga 2-3 marta 3-4 hafta davomida qabul qilinadi. Ba’zan boshqa antigipertenziv preparatlar (rezerpin, gipotiazin va boshqalar) bilan birga qo‘llash maqsadga muvofiq.

Markaziy va periferik asab tizimi tomonidan bosh aylanishi, bosh og‘rig‘i; yurak-qon tomir tizimi tomonidan yurak urishini sezish, yurak sohasida og‘riq, uzoq muddat qo‘llanganda – yurak chiqishi kamayishi bilan EKG ko‘rsatkichlarining yomonlashuvi; arterial bosimning pasayishi; nafas olish tizimi tomonidan quruq yo‘tal, burun oqishi, nafas olishda qiyinchilik; ovqat hazm qilish tizimi tomonidan ko‘ngil aynishi, tomoqda kuydiruvchi hissi; immun tizimi tomonidan qichishish, giperemiya, toshmalar, eshakemi; umumiy buzilishlar issiqlik hissi, terlashning kuchayishi, yuzning qizarishi. Yuborish joyida mahalliy og‘riqlilik reaksiyalari.

Vazodilatator va spazmolitik vosita. Gipotenziyalovchi, tomirlarni kengaytiruvchi ta’sirga ega, orqa miya funksiyasini stimulyatsiya qiladi, o‘rtacha immunostimulyatsion faollikka ega. Qon tomirlari va ichki organlarning silliq mushaklariga bevosita spazmolitik ta’sir ko‘rsatadi. Preparat qisqa muddatli (2-3 soat) va o‘rtacha gipotenziyalovchi effekt beradi, yaxshi o‘zlashtiriladi. Miya qon aylanishining mahalliy buzilishi (serebral arteriyalar sklerozi) bilan bog‘liq surunkali miya gipoksiyasida qisqa muddatli miya tomirlarini kengaytiradi. Orqa miyadagi sinaptik uzatishni yengillashtiradi. Immunomodulyator faollikka ega. Immun hujayralarda cGMP va cAMP konsentratsiyalari nisbatini tartibga solish hisobiga cGMP miqdorini oshiradi, bu esa yetilgan sensibilizatsiyalangan T- va B-limfotsitlarning proliferatsiyasiga, ular tomonidan o‘zaro tartibga soluvchi omillar sekretsiyasiga, kooperativ reaksiyaga va hujayralarning yakuniy effektor funksiyasining faollashuviga olib keladi. Preparat antitanachalar ishlab chiqarilishini stimulyatsiya qiladi, leykotsitlar, makrofaglarning fagotsitar faolligini kuchaytiradi, interferon sintezini yaxshilaydi, biroq immunomodulyator effekt sekin rivojlanadi.

Davolanishni boshlashdan oldin shifokor bilan maslahatlashing! Dibazol in'ektsiya shaklida arterial gipertenziyada yordamchi vosita sifatida qo'llaniladi, boshqa gipotenziya vositalariga sezuvchanlik mavjud bo'lsa. Arterial gipertenziya davolashda boshqa gipotenziya preparatlari bilan birga qo'llash tavsiya etiladi. Dibazolni gipotenziya vositasi sifatida uzoq muddat qo'llash, ayniqsa, keksalar uchun maqsadga muvofiq emas, chunki EKG ko'rsatkichlarining yomonlashuvi, yurak chiqishi kamayishi mumkin. Arterial gipertenziyani uzoq muddat davolash uchun, ayniqsa, keksalar uchun tavsiya etilmaydi. Homiladorlik va laktatsiya davrida qo'llash. Homiladorlik va laktatsiya davrida qo'llash mumkin emas. Bolalar. Preparat 12 yoshgacha bo'lgan bolalarga buyurilmaydi. Davolash davomida transport vositalarini boshqarishda va murakkab mexanizmlar bilan ishlashda ehtiyotkorlikka rioya qilish kerak, bosh aylanishi yuzaga kelsa, diqqatni yuqori jamlash va psixomotor reaksiyalar tezligini talab qiladigan potentsial xavfli faoliyat turlaridan saqlanish lozim. Preparatni bolalar ololmaydigan joyda saqlash va yaroqlilik muddati tugaganidan keyin qo'llamaslik kerak.

 

Papaverin bilan bir vaqtda qo'llanganda, dori vositalarining spazmolitik ta'siri o'zaro kuchayadi.

Fentolamin, klonidin, rezerpin va diuretiklar bilan bir vaqtda qo'llanganda ularning gipotenziyalovchi ta'siri kuchayadi. β-adrenoblokatorlar tomonidan bilvosita chaqiriladigan periferik tomirlar qarshiligining oshishini oldini oladi. 

 

Sintomlari: gipotenziya, terlash, issiqlik hissi, bosh aylanishi, ko'ngil aynishi, yengil bosh og'rig'i.

Davolash: preparatni bekor qilish. Aniq gipotenziya bo'lsa, bemorni "yotgan" holatga, oyoqlari ko'tarilgan holda yotqizish, arterial bosim nazorati ostida transfuziya terapiyasi, tomir toraytiruvchi vositalar buyuriladi, simptomatik davolash o'tkaziladi.