Bitta tabletkada faol modda – dezloratadin 5 mg, yordamchi moddalar mikrokristallik tsellyuloza, gidroksipropilmetiltsellyuloza, xlorid kislotasi, natriy gidroksid, quritilgan makkajo'xori kraxmali, laktosa monogidrat, talk. plyonka qobig'i Opadry II Blue (laktosa monogidrat, gipromelloza, titana dioksid, makrogol 400, FD&C Blue №2 (E132), Opadry Clear (gipromelloza, makrogol 400)

- allergik rinit mavsumiy, yil davomida (aksirish, burundan ajralmalar, qichishish, ko‘z yoshlanishi, ko‘zda qizarish va qichishish, tanglay sohasida qichishish ko‘rinishida namoyon bo‘ladi); - toshma (krapivnitsa);

- faol modda, har qanday yordamchi moddalarga yoki loratadinga yuqori sezuvchanlik - homiladorlik va laktatsiya davri - 12 yoshgacha bo‘lgan bolalar yoshi

Kattalar va 12 yoshdan katta o‘smirlarga Allergik rinit (shu jumladan, davriy va doimiy allergik rinit) va toshma bilan bog‘liq simptomlarni bartaraf etish uchun kuniga bir marta bir tabletka, ovqatdan qat’i nazar, qabul qilinadi. Davriy allergik rinitni davolash (haftasiga 4 kundan kam yoki 4 haftadan kam davom etadigan simptomlar mavjud bo‘lsa) bemorning kasallik tarixi baholanishiga muvofiq amalga oshiriladi va simptomlar yo‘qolgandan so‘ng to‘xtatilishi mumkin. Ushbu simptomlar qayta paydo bo‘lsa, davolash qayta boshlanishi mumkin. Doimiy allergik rinitda (haftasiga 4 kun va undan ko‘p, 4 haftadan ko‘p davom etadigan simptomlar mavjud bo‘lsa), davolashni davom ettirish allergen ta’siri davrida bemorlarga tavsiya etilishi mumkin.

Klinik tadqiqotlarda, ko‘rsatmalar doirasida, shu jumladan allergik rinit va surunkali idiopatik toshma, tavsiya etilgan 5 mg kunlik dozada, dezloratadin qabul qilgan bemorlarda nojo‘ya ta’sirlar chastotasi platsebo olganlarga nisbatan 3% yuqori bo‘lgan. Eng ko‘p uchraydigan (platsebo bilan solishtirganda) nojo‘ya hodisalar charchoq (1,2%), og‘iz qurishi (0,8%) va bosh og‘rig‘i (0,6%) bo‘lgan. 12 dan 17 yoshgacha bo‘lgan 578 o‘smir ishtirok etgan klinik tadqiqotlarda eng ko‘p uchraydigan nojo‘ya hodisa bosh og‘rig‘i bo‘lgan; bu dezloratadin olgan bemorlarning 5,9%ida va platsebo olgan bemorlarning 6,9%ida kuzatilgan. Postmarketing davrida juda kam hollarda xabar qilingan boshqa nojo‘ya ta’sirlar quyida keltirilgan - gallyutsinatsiyalar - bosh aylanishi, uyquchanlik, uyqusizlik, psixomotor giperkativlik, tutqanoq - taxikardiya, yurak urishining tezlashuvi - qorin og‘rig‘i, ko‘ngil aynishi, qusish, dispepsiya, diareya - jigar fermentlari darajasining oshishi, bilirubin darajasining oshishi, gepatit - mushak og‘rig‘i - allergik reaksiyalar (masalan, anafilaktik shok, Kvinke shishi, nafas qisilishi, qichishish, toshma va toshma (krapivnitsa))

Dezradin uzoq ta’sir qiluvchi gistamin antagonisti, periferik H1-retseptorlarning selektiv antagonisti bo‘lib, sedativ ta’sir ko‘rsatmaydi. Og‘iz orqali qabul qilingandan so‘ng Dezradin periferik gistamin H1-retseptorlarini selektiv bloklaydi, chunki modda markaziy asab tizimiga o‘tmaydi. Dezradin yallig‘lanishga qarshi sitokinlar, masalan, interleykin−4 (IL−4), interleykin−6 (IL−6), interleykin−8 (IL−8), interleykin−13 (IL−13) ni odam organizmidagi tukli hujayralar/bazofil hujayralardan ajralishini ingibitsiya qiladi, shuningdek, adgeziya molekulalari, jumladan, P-selektin ekspressiyasini endotelial hujayralarda ingibitsiya qiladi. Tavsiya etilgan 5 mg kunlik dozasida Dezradin uyquchanlik chaqirmaydi. Dezradin bir martalik 7,5 mg kunlik dozada buyurilganda psixomotor funksiyaga ta’sir qilmaydi. Allergik rinitli bemorlarda Dezradin aksirish, burundan ajralmalar va qichishish, shuningdek, ko‘zda qichishish, yosh oqishi va ko‘zning qizarishi, tanglay sohasida qichishish kabi simptomlarni samarali bartaraf etadi. Dezradinning simptomlarni bartaraf etish samaradorligi 24 soat davomida saqlanib turadi. Mavsumiy va doimiy allergik rinitning belgilangan tasniflariga muqobil ravishda, simptomlarning davomiyligiga qarab, davriy allergik rinit va doimiy allergik rinit ham tasniflanishi mumkin. Davriy allergik rinit haftasiga 4 kundan kam yoki 4 haftadan kam davom etadigan simptomlar bilan aniqlanadi. Doimiy allergik rinit esa haftasiga 4 kun va undan ko‘p, 4 haftadan ko‘proq davom etadigan simptomlar bilan aniqlanadi. Dezradin mavsumiy allergik rinit og‘irligini, rino-konyunktivitli bemorlarda hayot sifatini baholashda samarali bartaraf etadi. Eng katta yaxshilanish amaliy muammolar va simptomlar bilan cheklangan kundalik faoliyat sohalarida kuzatildi. Gistamin ajralishi toshma (urtikariya)ning barcha shakllarida sababchi omil bo‘lgani uchun Dezradin qo‘llanilishi turli toshma holatlarida (shu jumladan, surunkali idiopatik toshma) simptomlarni bartaraf etishda samarali bo‘lishi kutiladi. Surunkali idiopatik toshmali bemorlarda Dezradin qo‘llanilishi qichishishni bartaraf etishda va toshmalar hajmi hamda sonini birinchi dozalash oralig‘i oxiriga kelib kamaytirishda samarali. Ta’siri 24 soatdan ortiq dozalash oralig‘ida saqlanib turadi. Dezradin bilan davolash uyqu buzilishi va kunduzgi funksiyani sezilarli darajada kamaytiradi. Dezradin gematoensefalik to‘siqdan o‘tmaydi, QT intervalini uzaytirmaydi.

Dezradinni 12 yoshgacha bo‘lgan bolalarda qo‘llash samaradorligi va xavfsizligi aniqlanmagan. Og‘ir buyrak yetishmovchiligida Dezradinni ehtiyotkorlik bilan qo‘llash kerak. Dezradin laktaza saqlaydi. Galaktozani kamdan-kam uchraydigan irsiy o‘zlashtira olmaslik, Lapp laktaza yetishmovchiligi yoki glyukoza-galaktoza malabsorbsiyasi sindromi bo‘lgan bemorlarga ushbu preparatni qabul qilish tavsiya etilmaydi. Dori vositasining transport vositasini boshqarish yoki potensial xavfli mexanizmlar bilan ishlash qobiliyatiga ta’sir qilish xususiyatlari Dezradin qabul qilgan bemorlarda holatning yomonlashuvi kuzatilmagan. Shunga qaramay, bemorlarni juda kam hollarda ba’zi odamlar uyquchanlikni boshdan kechirishi mumkinligi haqida ogohlantirish kerak, bu ularning transport vositasini boshqarish yoki mexanizmlar bilan ishlash qobiliyatiga ta’sir qilishi mumkin. Homiladorlik va laktatsiya Hayvonlarda o‘tkazilgan tadqiqotlarda dezloratadin teratogen ta’sir ko‘rsatmagan. Dori vositasini homiladorlik davrida qo‘llash xavfsizligi aniqlanmagan. Shuning uchun dezloratadinni homiladorlik davrida qo‘llash tavsiya etilmaydi. Dezloratadin ko‘krak suti bilan ajraladi, shuning uchun dezloratadinni emizikli ayollarga qo‘llash tavsiya etilmaydi.