Nojo´ya ta´sirlar
6 dan 23 oygacha bo‘lgan bolalarda quyidagi nojo‘ya ta’sirlar kuzatilgan, ularning chastotasi platsebo (“soxta dori”) qo‘llanganda biroz yuqoriroq bo‘lgan: diareya (3,7% holatlarda), tana haroratining ko‘tarilishi (2,3%), uyqusizlik (2,3%).
2 dan 11 yoshgacha bo‘lgan bolalarda dezloratadin qo‘llanganda nojo‘ya ta’sirlar chastotasi platsebo bilan bir xil bo‘lgan.
Klinik tadqiqotlar natijalariga ko‘ra, 6 dan 11 yoshgacha bo‘lgan bolalarda dezloratadin tavsiya etilgan dozalarda (2,5 mg/kun) qabul qilinganda nojo‘ya ta’sirlar aniqlanmagan.
12-17 yoshli bolalarda klinik tadqiqotlar natijalariga ko‘ra, eng ko‘p uchraydigan nojo‘ya ta’sir – bosh og‘rig‘i (5,9%), uning chastotasi platsebo (6,9%) bilan solishtirganda yuqori emas.
Kattalar va o‘smirlarda (12 yosh va undan katta) klinik tadqiqotlar natijalariga ko‘ra, nojo‘ya ta’sirlar 3% bemorlarda qayd etilgan, platsebo guruhiga nisbatan, ulardan eng ko‘p uchraydiganlari: charchoqlik (1,2%), og‘iz qurishi (0,8%), bosh og‘rig‘i (0,6%).
Nojo‘ya ta’sirlar haqidagi ma’lumotlar klinik tadqiqotlar va ro‘yxatdan o‘tkazilgandan keyingi kuzatuvlar natijalariga asoslangan.
Jahon sog‘liqni saqlash tashkiloti (JSST) ma’lumotlariga ko‘ra, nojo‘ya ta’sirlar rivojlanish chastotasiga ko‘ra quyidagicha tasniflanadi: juda tez-tez (≥1/10), tez-tez (≥1/100 dan <1/10 gacha), kam (≥1/1000 dan <1/100 gacha), juda kam (≥1/10000 dan <1/1000 gacha), juda noyob (<1/10000); chastotasi noma’lum – mavjud ma’lumotlarga ko‘ra chastotasini aniqlash imkoni bo‘lmagan.
Psixika tomonidan: juda noyob – gallyutsinatsiyalar; chastotasi noma’lum – g‘ayritabiiy xatti-harakat, tajovuzkorlik.
Nerv tizimi tomonidan: tez-tez – bosh og‘rig‘i; tez-tez (2 yoshgacha bo‘lgan bolalarda) – uyqusizlik; juda noyob – bosh aylanishi, uyquchanlik, uyqusizlik, psixomotor giperkativlik, tutqanoq.
Jigar va o‘t yo‘llari tomonidan: juda noyob – jigar fermentlari faolligining oshishi, bilirubin konsentratsiyasining oshishi, gepatit; chastotasi noma’lum – sariq kasalligi.
Ovqat hazm qilish tizimi tomonidan: tez-tez – og‘iz qurishi, tez-tez (2 yoshgacha bo‘lgan bolalarda) – diareya; juda noyob – qorin og‘rig‘i, ko‘ngil aynishi, qusish, dispepsiya, diareya, ishtahaning oshishi.
Yurak-qon tomir tizimi tomonidan: juda noyob – taxikardiya, yurak urishining tezlashuvi; chastotasi noma’lum – QT intervalining uzayishi.
Harakat-tayanch tizimi tomonidan: juda noyob – mialgiya.
Terining va teri osti to‘qimalarining tomonidan: chastotasi noma’lum – fotosensibilizatsiya.
Umumiy buzilishlar: tez-tez – charchoqlik, tez-tez (2 yoshgacha bo‘lgan bolalarda) – isitma; juda noyob – anafilaksiya, angionevrotik shish, nafas qisilishi, qichishish, toshma, jumladan, eshakemi; chastotasi noma’lum – asteniya.
Laborator va instrumental ma’lumotlar: tana vaznining oshishi.
Ro‘yxatdan o‘tkazilgandan keyingi davr.
Bolalar:
chastotasi noma’lum – QT intervalining uzayishi, aritmiya, bradikardiya, g‘ayritabiiy xatti-harakat, tajovuzkorlik.
Agar ko‘rsatma bo‘yicha keltirilgan nojo‘ya ta’sirlardan biri kuchaysa yoki Siz ko‘rsatmada qayd etilmagan boshqa nojo‘ya ta’sirlarni sezsangiz, bu haqda shifokorga xabar bering.
Dorilar
Dorixona kosmetikasi
Ona va bola
Tibbiy mahsulotlar
Gigiena va parvarish
Vitaminlar va BFQ
Qo'shimcha mahsulotlar
