1 g krem tarkibida Faol modda klobetazol propionat 0,5 mg. Yordamchi moddalari: parafin, propilenglikol, xlorokrezol, tsetomakrogol, polioqsil 40 gidrogenizatsiyalangan kastor yog‘i, polioqsil 15 gidroksistearat, tsetostearyl spirt, tozalangan suv.

- psoriaz; - ekzema (turli shakllari); - qizil yassi temiratki; - diskoid qizil volchanka; - kamroq faol mahalliy glukokortikosteroidlar bilan davolashga chidamli teri kasalliklari. Preparat teri zararlanishlari, namlanish va yaqqol yallig‘lanish bilan kechadigan holatlarda qo‘llash tavsiya etiladi.

- preparat komponentlariga yuqori sezuvchanlik; - pushti va o‘smirlik ugri (acne vulgaris); - teri raki; - Gaid tugunli qichishishi; - perioral dermatit; - perianal va genital qichishish; - terining bakterial, virusli va zamburug‘li kasalliklari (oddiy gerpes, suvchechak, teri sil, aktinomikoz va boshqalar); - keng tarqalgan blyashkali va pustuletli psoriaz; - 1 yoshgacha bo‘lgan yosh; - laktatsiya davri.

Deryilayf kremi tashqi qo‘llaniladi. Deryilayf kremi zararlangan teriga yupqa qatlamda kuniga 1-2 marta kerakli ta’sirga erishilgunga qadar surtiladi. Davolashni 4 haftadan ortiq davom ettirish mumkin emas, zaruriyatini baholamasdan. Teri kasalliklarining zo‘rayishi davosida Deryilayf bilan qisqa muddatli takroriy kurslar o‘tkazish mumkin. Agar glukokortikosteroidlar bilan davolashni davom ettirish zarur bo‘lsa, kamroq faol preparatlardan foydalanish kerak. Ayniqsa, rezistent holatlarda, xususan, giperkeroz mavjud bo‘lsa, Deryilayf kremi yallig‘lanishga qarshi ta’siri preparat surtilgan soha ustiga tunda polietilen plyonka bilan bog‘lam qo‘yish orqali kuchaytirilishi mumkin, bu odatda ijobiy natija beradi. Keyinchalik erishilgan natijani okluzion bog‘lam qo‘llamasdan ham saqlab turish mumkin. Bolalarda qo‘llash Preparat 1 yoshgacha bo‘lgan bolalarda qo‘llash mumkin emas.

Mahalliy qo‘llaniladigan glukokortikosteroidlarni uzoq muddat katta dozalarda buyurish yoki ularni keng teri sohalariga surtish tizimli so‘rilish va natijada giperkortitsizm simptomlarining rivojlanishi bilan kechishi mumkin. Ushbu asorat rivojlanish xavfi bolalarda yuqori, ayniqsa okluzion bog‘lam qo‘llanganda, bunda taglik ham shunday bog‘lam vazifasini bajarishi mumkin. Yuqori faol mahalliy glukokortikosteroidlarni uzoq muddat katta dozalarda qo‘llash terining atrofik o‘zgarishlariga, xususan, uning yupqalashishiga, atrofik chiziqlar (striyalar) paydo bo‘lishiga, yuzaki qon tomirlarining kengayishiga olib kelishi mumkin, ayniqsa okluzion bog‘lamlar qo‘llanganda va preparat teri burmalari sohasiga surtilganda. Terining pigmentatsiyasi va gipertixoz rivojlanishi mumkin. Kam hollarda, psoriazni mahalliy glukokortikosteroidlar bilan davolash (yoki ularni bekor qilish) pustulyoz psoriaz rivojlanishini qo‘zg‘atishi mumkin.

Derilayf - tashqi qo‘llash uchun glyukokortikosteroid. Klobetazol propionat yallig‘lanishga qarshi, qichishishga qarshi va tomirlarni toraytiruvchi ta’sirga ega. Glyukokortikoidlarning yallig‘lanishga qarshi ta’siri asosida yallig‘lanishda ishtirok etuvchi turli omillar ishlab chiqarilishini bostirishga qaratilgan turli mexanizmlar yotadi. Vazoaktiv moddalar va xemoattraktantlar ajralishi, lipaza va proteazlar sekretsiyasi, leykotsitlarning tomirdan yallig‘lanish o‘choqlariga o‘tishi, leykotsitlarning yallig‘lanish o‘choqlarida ushlanib turilishi va fibroz kamayadi. Lipokortinlar induktsiyasi hisobiga glyukokortikoidlar fosfolipaza A2 tomonidan vositachilik qilinadigan araxidon kislotasining ajralishini ingibitsiya qiladi, shu bilan uning hosilalari, yallig‘lanishning yuqori faollikka ega bo‘lgan mediatorlari (prostaglandinlar va leyotrienlar) ishlab chiqarilishini bostiradi. Glyukokortikoidlar sitokinlar (IL-1, IL-6, TNF-alfa va boshqalar) – immun javobda monotsitlar, makrofaglar, T- va B-limfotsitlar o‘zaro ta’sirini ta’minlovchi signal molekulalar sintezi va sekretsiyasini bostiradi. Glyukokortikoidlar yallig‘lanishning o‘tkir fazasi oqsillari, shu jumladan komplement S3 komponenti sintezini bostiradi. Teri yuzasiga surtilganda klobetazol propionat yallig‘lanish o‘chog‘ida tez va kuchli ta’sir ko‘rsatadi, obyektiv simptomlar (eritema, shish, lixenifikatsiya) va subyektiv sezgilar (qichishish, tirnash, og‘riq) ifodasini kamaytiradi. Klobetazol propionat mahalliy qo‘llash uchun yuqori faollikka ega glyukokortikoidlarga kiradi.