Bitta kapsula tarkibida faol modda - fluoksetin gidroxlorid 22,36 mg, fluoksetinga ekvivalent 20 mg, yordamchi moddalari: makkajo‘xori kraxmali, magniy stearati, qobiq tarkibi: xinolinniy sariq, titan dioksidi, sanset sariq FCF-FD&C–sariq 6, jelatin.

Bir vaqtda qo‘llanganda - markaziy asab tizimiga tormozlovchi ta’sir ko‘rsatuvchi preparatlar, shuningdek, etanol bilan birga qo‘llanganda markaziy asab tizimiga tormozlovchi ta’sir sezilarli darajada kuchayishi, shuningdek, tutqanoq rivojlanish ehtimoli oshishi mumkin - oqsillar bilan yuqori darajada bog‘lanadigan preparatlar, ayniqsa, antikoagulyantlar yoki digitoksin bilan birga qo‘llanganda, qon plazmasida erkin (bog‘lanmagan) preparatlar konsentratsiyasi oshishi va nojo‘ya ta’sirlar rivojlanish xavfi ortishi mumkin - litiy preparatlari bilan birga qo‘llanganda litiy konsentratsiyasi oshishi va toksik ta’sirlar rivojlanishi mumkin - fenitoin bilan birga qo‘llanganda, uning qon plazmasidagi konsentratsiyasi oshishi va toksik ta’sirlar rivojlanishi mumkin - triptofan bilan birga qo‘llanganda, harakat bezovtaligi, me’da-ichak yo‘llari tomonidan buzilishlar kuchayishi mumkin - boshqa antidepressantlar bilan birga qo‘llanganda, ularning plazmadagi darajasi oshadi - benzodiazepinlar bilan birga qo‘llanganda, ayrim bemorlarda diazepamning yarim chiqarilish davri oshishi mumkin - monoaminooksidaza ingibitorlari (shu jumladan selegilin yoki moklobemid) bilan birga qo‘llanganda, serotonin miqdori oshishi va uning qayta qabul qilinishi tormozlanishi natijasida sinapsda serotonin miqdori sezilarli darajada oshadi – "serotonin sindromi", bunda gipertermiya, mushak rigidligi, mioklonus, shuningdek, organizmning ruhiy va fiziologik holatining beqarorligi belgilari, hatto o‘limgacha bo‘lgan holatlar kuzatiladi.

Simptomlar: ko‘ngil aynishi, qusish, markaziy asab tizimining qo‘zg‘alishi. Davolash: maxsus antidot yo‘q. Simptomatik terapiya. Faollashtirilgan ko‘mir va sorbitol yoki oshqozonni yuvish qo‘llaniladi. Majburlangan diurez, dializ samarasiz.