Bitta Bronxo-Munal® kapsulasi tarkibida faol modda – bakteriyalar liofilizatsiyalangan lizati, 7 mg, yordamchi moddalar natriy glyutamat, magniy stearat, mannitol, makkajo‘xori kraxmali mavjud.

nafaqat nafas yo‘llarining barcha kasalliklarida yordamchi dori vositasi sifatida buyuriladi. Profilaktik vosita sifatida Bronxo-Munal® yuqori va pastki nafas yo‘llarining surunkali infeksion kasalliklarida (surunkali bronxit, tonzillit, faringit, laringit, rinit, sinusit, otit) qo‘llaniladi. Bronxo-Munal® P 6 oydan 12 yoshgacha bo‘lgan bolalarda qo‘llaniladi: • nafas yo‘llarining o‘tkir infeksiyalarini kompleks davolash tarkibida; • nafas yo‘llarining qaytalanuvchi infeksiyalari va surunkali bronxitning zo‘rayishlarini oldini olish uchun.

• preparat tarkibiy qismlariga yuqori sezuvchanlik; • homiladorlik; • emizish davri; • 6 oylikdan kichik bolalar yoshi.

Juda kam uchraydi va ko‘pchilik hollarda kuchsiz va o‘tkinchi bo‘ladi. Ro‘yxatga olingan nojo‘ya ta’sirlar orasida me’da-ichak buzilishlari (qorin yoki me’da sohasida og‘riq, ko‘ngil aynishi, qusish, diareya), tana haroratining ko‘tarilishi, shuningdek, bir necha marta yuqori sezuvchanlik reaksiyalari kuzatilgan.

Preparatning faol komponenti joylashtirilgan jelatin kapsulalar oshqozonga tushgandan so‘ng darhol eriy boshlaydi. Bakteriyalarning liofilizatsiyalangan lizati (kapsulalarning tarkibi) oshqozonning kislotali muhitida barqaror va ingichka ichakda yemirilmaydi. Preparatning so‘rilishi yo‘g‘on ichakda amalga oshadi, antigen (Bronxo-Munal®) AFS-hujayralari (AFS - alimentary phagocyte cells) tomonidan shilliq qavatda ushlanadi. Antigen bilan stimullangan AFS-hujayralari limfoid organlarga, masalan, Peyer blyashkalariga tushadi, u yerda antigenni limfoblastlarga ""taqdim etadi"". Keyin antigen bilan stimullangan va IgA-kommitirlangan limfoblastlar limfa oqimi orqali ko‘krak yo‘li orqali qonga, so‘ngra aylanib yuruvchi qon bilan shilliq qavatlarga, jumladan, nafas yo‘llariga o‘tadi, u yerda plazmotsitlarga aylanadi va immunoglobulin A (IgA) sintez qiladi va sekretsiya qiladi. Keyinchalik IgA shilliq qavat yuzasiga juft molekula (sekretor IgA) ko‘rinishida tashiladi, bu esa infeksion agentlarning invaziyasiga to‘sqinlik qiladi. Bu Bronxo-Munal® qabul qilayotgan bemorlarga bakteriya va viruslardan organizmni kuchaytirilgan himoya bilan ta’minlaydi. Bronxo-Munal va Bronxo-Munal P tarkibida nafas yo‘llari infeksiyalarini eng ko‘p chaqiradigan bakteriyalarning liofilizatsiyalangan lizati mavjud: Diplococcus pneumoniae, Haemophilus influenzae, Klebsiella pneumoniae, Klebsiella ozaenae, Staphylococcus aureus, Streptococcus pyogenes, Neisseria catarrhalis. Bronxo-Munal organizmning nafas yo‘llari infeksiyalariga qarshi immun javobini modulyatsiya qiladi. Preparat kasallikning uchrash tezligini, davomiyligini va og‘irligini kamaytiradi, shu bilan antibiotiklar va boshqa dori vositalari dozasini kamaytirishga yordam beradi. Preparat hujayraviy (nafas yo‘llari shilliq qavatida lokal), gumoral (tizimli) immunitet va noaniq rezistentlikni stimullaydi. Bronxo-Munalning quyidagi himoya mexanizmlariga ta’siri aniqlangan: • alveolyar makrofaglarni stimullash, yallig‘lanishga qarshi sitokinlar chiqarilishini faollashtirish. • aylanib yuruvchi T-limfotsitlar sonini oshirish • periferik monotsitlarni faollashtirish • nafas yo‘llari va ovqat hazm qilish trakti shilliq qavatlarida sekretor IgA konsentratsiyasini oshirish • himoya qiluvchi adgeziv molekulalar ishlab chiqarilishini stimullash • aylanib yuruvchi qonda IgE sinfidagi antitanachalar konsentratsiyasini kamaytirish – gipersezuvchanlik reaksiyalari triggerlari. Bronxo-Munal® P preparati immunostimulyator ta’sir ko‘rsatadi, nafas yo‘llari infeksiyalariga qarshi immunitetni kuchaytiradi. Bronxo-Munal® P preparatini qabul qilayotgan bemorlarda organizmning bakteriya va viruslarga qarshi himoya xususiyatlari kuchayadi. Kapsula qabul qilingandan so‘ng bakterial lizat oshqozon-ichak trakti shilliq qavatining, xususan, ingichka ichakda joylashgan Peyer blyashkalarida to‘planadi. Peyer blyashkalaridagi antigen taqdim qiluvchi hujayralar bakterial lizat bilan faollashadi va keyinchalik boshqa hujayra turlarini (B-limfotsitlar) stimullaydi, ular esa o‘z navbatida spetsifik immunitet uchun javobgardir. Bu aylanib yuruvchi B-limfotsitlar sonining oshishiga olib keladi, natijada poliklonal antitanachalar, ayniqsa, nafas yo‘llari shilliq qavati va so‘lak bezlari tomonidan sekretsiya qilinadigan IgG va IgA ishlab chiqarilishi ortadi. Shuningdek, preparat noaniq immunitetga ham ta’sir ko‘rsatadi, leykotsitlarni stimullaydi, bu esa miyeloid va limfoid qator hujayralari sonining oshishi, shuningdek, ularning yuzasida retseptorlar ekspressiyasining selektiv oshishi bilan tavsiflanadi. Klinik jihatdan Bronxo-Munal® P nafas yo‘llarining o‘tkir infeksiyalari uchrash tezligini kamaytiradi, ularning davomiyligini qisqartiradi, surunkali bronxitning zo‘rayish ehtimolini pasaytiradi, shuningdek, organizmning nafas tizimi infeksiyalariga qarshiligini oshiradi. Shu bilan birga, boshqa dori vositalariga, ayniqsa, antibiotiklarga ehtiyoj kamayadi.