1 ampula tarkibida:

faol modda: ambroksol gidroxlorid – 7,5 mg.

yordamchi modda: limon kislotasi anhidrid, natriy xlorid, natriy gidrofosfatgeptagidrat, in'ektsiya uchun suv 1 ml gacha.

Nafas yo‘llari kasalliklari, quyuq balg‘am ajralishi va balg‘am ajralishi qiyin bo‘lgan hollarda, tez terapevtik ta’sirga erishish zarurati bo‘lganda va/yoki preparatni og‘iz orqali qabul qilish mumkin bo‘lmaganda: - o‘tkir va surunkali bronxitlar; - pnevmoniya; - bronxial astma; - bronxoektatik kasallik; - yetilmagan chaqaloqlar va yangi tug‘ilganlarda respirator distress-sindromda surfaktant sintezini stimulyatsiya qilish (kompleks terapiya tarkibida).

- ambroksol va/yoki preparatning boshqa komponentlariga yuqori sezuvchanlik; - me’da va o‘n ikki barmoqli ichak yara kasalligi zo‘rayish bosqichida; - epileptik sindrom; Ehtiyotkorlik bilan - bronxlarning motor funksiyasi buzilgan va balg‘am ko‘payishi yuqori bo‘lgan bemorlarda (harakatsiz kiprikchali sindromda); - homiladorlik va laktatsiya davrida; - buyrak funksiyasi buzilganda va og‘ir jigar kasalliklarida (dozani kamaytirish va yuborishlar orasidagi intervalni oshirish).

Tomir ichiga (sekin oqim bilan yoki tomchilab), mushak ichiga, teri ostiga va ingalyatsiya ko‘rinishida nebulayzer yordamida yuboriladi. Doza kasallik og‘irligiga, organizm holatiga, laboratoriya tekshiruvlari natijalariga, yosh, vazn va buyrak funksiyasiga bog‘liq. Kattalarga 1 ampula 2-3 marta/kun (30-45 mg/kun) buyuriladi. Og‘ir hollarda doza 2 ampula 2-3 marta/kun (60-90 mg/kun) gacha oshirilishi mumkin. Bolalarga odatda preparat kunlik dozada tana vazniga 1,2-1,6 mg/kg hisobida buyuriladi. 2 yoshgacha bo‘lgan bolalarga 1 ml (½ amp.) 2 marta/kun (15 mg/kun) buyuriladi. 2 yoshdan 5 yoshgacha bo‘lgan bolalarga 1 ml (½ amp.) 3 marta/kun (22,5 mg/kun) buyuriladi. 5 yoshdan katta bolalarga 2 ml (1 amp.) 2-3 marta/kun (30-45 mg/kun) buyuriladi. Tomir ichiga yuborishda eritmani sekin, kamida 5 daqiqa davomida yuborish kerak. Yangi tug‘ilgan va muddatidan oldin tug‘ilgan bolalarda respirator distress-sindromda preparatning kunlik doza 30 mg ni tashkil etadi va odatda 4 marta alohida yuboriladi. Inyeksiyalar kasallikning o‘tkir belgilari yo‘qolgandan so‘ng to‘xtatiladi va ambroksolning boshqa dori shakllarini og‘iz orqali qabul qilishga o‘tiladi. Tomir ichiga qo‘llashda erituvchi sifatida 0,9% natriy xlorid eritmasi yoki 5% dekstroza eritmasi ishlatiladi. Og‘ir hollarda bir martalik doza ikki baravar oshirilishi mumkin. Nebulayzer yordamida ingalyatsiyalar: Broks preparatini ingalyatsiya ko‘rinishida qo‘llashda har qanday zamonaviy uskunadan foydalanish mumkin (bug‘li ingalyatsiyalardan tashqari). Ingalyatsiyadan oldin preparat 0,9% natriy xlorid eritmasi bilan (1:1 nisbatda) aralashtiriladi va tana haroratigacha isitiladi. Ingalyatsiyalar odatdagi nafas olish rejimida, chuqur nafas olmasdan (yo‘talni qo‘zg‘atmaslik uchun) o‘tkazilishi kerak. Bronxial astmali bemorlarga bronxolitik preparatlardan so‘ng ingalyatsiya o‘tkazish tavsiya etiladi, nafas yo‘llarining noxos ta’sirlanishi va spazmini oldini olish uchun. Odatda quyidagi dozalash ishlatiladi (1 ml Broks eritmasida 7,5 mg ambroksol mavjud): 2 yoshgacha bo‘lgan bolalar 1 ml eritmani 1-2 marta kuniga (7,5-15 mg/kun) ingalyatsiya qiladilar. 2 yoshdan 6 yoshgacha bo‘lgan bolalar 2 ml eritmani 1-2 marta kuniga (15-30 mg/kun) ingalyatsiya qiladilar. 6 yoshdan katta bolalar va kattalar 2-3 ml eritmani 1-2 marta kuniga (15-45 mg/kun) ingalyatsiya qiladilar. Maxsus klinik holatlarda qo‘llash usuli va dozalar Og‘ir buyrak yetishmovchiligida doza kamaytirilishi va yuborishlar orasidagi interval (kreatinin klirensi (KK) ga qarab) oshirilishi kerak.

Allergik reaksiyalar: juda kam hollarda – teri toshmasi; sovuq qotish (tez yuborilganda); angionevrotik shish (Kvinke shishi), ko‘p shaklli ekssudativ eritema (jumladan, yomon sifatli ekssudativ eritema yoki Stivens-Djonson sindromi), toksik epidermal nekroliz (Layell sindromi), haroratli reaksiya sovuq qotish bilan; ayrim hollarda – kontakt dermatiti; anafilaktik shok rivojlanishining bitta holati qayd etilgan. Nerv tizimi tomonidan: bosh og‘rig‘i. Yurak va qon tomir tizimi tomonidan: QD (qon bosimi) oshishi (tez yuborilganda). Nafas olish tizimi tomonidan: rinoreya, kam hollarda – nafas yo‘llarida qurish, nafas olish buzilishi, nafas qisishi (tez yuborilganda). Ovqat hazm qilish tizimi tomonidan: kam hollarda – og‘iz qurishi, so‘lak ajralishi, gastralgiya, ko‘ngil aynishi, qusish, diareya, qabziyat. Siydik chiqarish tizimi tomonidan: dizuriya. Boshqalar: holsizlik, ekzantema; oyoqlarda charchoq va og‘irlik hissi, karaxtlik, gipertermiya (tez yuborilganda).

Ambroksol benzilamin hisoblanadi – bromgexinning metaboliti. Bromgexindan metil guruhi yo‘qligi va siklogeksil halqasining para-trans holatida gidroksil guruhi mavjudligi bilan farq qiladi. Mukolitik, sekretolitik va balg‘am ko‘chiruvchi ta’sirga ega. Doklinik tadqiqotlar ambroksol bronxlar shilliq qavati bezlarining seroz hujayralarini stimulyatsiya qilishini ko‘rsatdi. Kiprikli epiteliy hujayralarini faollashtirib va balg‘amning quyuqligini kamaytirib, mukosiliar transportni yaxshilaydi. Ambroksol o‘pka surfaktantining hosil bo‘lishini faollashtiradi, alveolyar pnevmotsitlar 2-turi va kichik nafas yo‘llarining Klara hujayralariga bevosita ta’sir ko‘rsatadi. Ambroksol bronxial bezlarning seroz hujayralari faolligini, fermentlar ishlab chiqarilishini stimulyatsiya qiladi, balg‘amning reologik xususiyatlarini yaxshilaydi, balg‘amdagi polisaxaridlar orasidagi bog‘larni parchalaydi, surfaktant hosil bo‘lishi va bronx kipriklarining bevosita faolligini oshiradi hamda ularning yopishib qolishiga to‘sqinlik qiladi. Hujayra madaniyatlarida va hayvonlarda in vivo o‘tkazilgan tadqiqotlar ambroksol surfaktant hosil bo‘lishi va sekretsiyasini stimulyatsiya qilishini, u esa embrion va kattalarda alveola va bronxlar yuzasida faol ekanligini ko‘rsatdi. Shuningdek, doklinik tadqiqotlarda ambroksolning antioksidant ta’siri isbotlangan. Ambroksol antibiotiklar (amoksitsillin, tsefuroksim, eritromitsin va doksitsiklin) bilan birga qo‘llanganda ularning balg‘am va bronxial sekretsiyadagi konsentratsiyasini oshiradi.

 Ambroksol va yo‘talga qarshi vositalar (masalan, kodein saqlovchi) bir vaqtda qo‘llanilganda yo‘tal refleksining bostirilishi tufayli sekretning turg‘unligi yuzaga kelishi mumkin. Shuning uchun bunday kombinatsiyalarni ehtiyotkorlik bilan tanlash kerak. Glauitsin + efedrin + oddiy rayhon yog‘i kombinatsiyasini ambroksol bilan bir vaqtda qo‘llash tavsiya etilmaydi – balg‘amni yo‘talib chiqarishni qiyinlashtirishi sababli. Ambroksol va antibiotiklar amoksitsillin, tsefuroksim, eritromitsin va doksitsiklin birga qabul qilinganda, ularning balg‘am va bronxial sekretdagi konsentratsiyasi oshadi va antibiotiklarning o‘pkaga o‘tishi yaxshilanadi. Doksitsiklin bilan bunday o‘zaro ta’sir terapevtik maqsadlarda keng qo‘llaniladi. Kromoglitsevat kislotasi va ambroksol eritmalarini bir shpritsda aralashtirish mumkin emas. Ambroksol asosining cho‘kmasi hosil bo‘lishiga olib kelishi sababli, pH 6,3 dan yuqori bo‘lgan eritmalar bilan Ambroksol aralashmalarini in'eksiya uchun ishlatish mumkin emas. 

 Belgilari: so‘lak ajralishining oshishi, ko‘ngil aynishi, qusish, arterial bosimning pasayishi.
Davolash: gemodinamik ko‘rsatkichlarni nazorat qilish va zarurat tug‘ilganda simptomatik terapiya o‘tkazish lozim. 

Qo‘llaniladigan eritma shaffof, xona haroratida bo‘lishi va ampula germetik bo‘lishi kerak. Loyqalangan eritmani yoki shikastlangan ampuladan foydalanmang. Tomchilab yuborishda yangi tayyorlangan eritmadan foydalaning. Tayyorlangan eritmani 6 soat ichida ishlatish kerak. 2 yoshgacha bo‘lgan bolalarni davolash faqat shifokor nazorati ostida o‘tkazilishi lozim. Preparatni qo‘llash davrida ko‘p suyuqlik ichish tavsiya etiladi. Davolash kursining davomiyligi kasallik kechishining xususiyatlariga bog‘liq. Preparatni shifokor tavsiyasisiz 4-5 kundan ortiq qo‘llash tavsiya etilmaydi. Avtotransport vositalarini va mexanizmlarni boshqarish qobiliyatiga ta’siri hozirgacha noma’lum. Homiladorlik va laktatsiya davrida qo‘llash Ambroksol platsentar to‘siqdan o‘tadi, ko‘krak suti bilan ajralishi mumkin. Hozirgacha ambroksolning homila va chaqaloqlarga salbiy ta’siri haqida ishonchli ma’lumotlar yo‘qligiga qaramay, ambroksolni homiladorlik davrida, ayniqsa I trimestrda va emizish davrida faqat onaga kutilayotgan foyda homila uchun potentsial xavfdan ustun bo‘lsa, qo‘llash mumkin.