Mazni soch bilan qoplangan joylarga va o'tkir yallig'lanishli teri kasalliklari bo'lgan joylarga surtish mumkin emas. Mazning ko‘zga tushishidan saqlanish kerak. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak.
 Homiladorlik yoki emizish davrida qo‘llash.
Homiladorlik va emizish davrida dori vositasini qo‘llash mumkin emas.
Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati.
Preparat transport vositalarini boshqarish yoki boshqa mexanizmlar bilan ishlash qobiliyatiga ta’sir qilmaydi. 

 Uzoq muddat qo‘llanilganda keng zararlangan sohalarda o‘tkir zaharlanish belgilari paydo bo‘lishi mumkin: ko‘ngil aynishi, qusish, diareya, qon aylanishining buzilishi va markaziy asab tizimining susayishi, tana haroratining pasayishi, eritromatoz toshma, shok, koma. Uzoq muddat qo‘llanilganda surunkali intoksikatsiya belgilari paydo bo‘lishi mumkin: ozib ketish, stomatit, ekzema, to‘qimalarning mahalliy shishi, hayz siklining buzilishi, anemiya, tutqanoq, alopesiya. Davolash simptomatik. Gemotransfuziya, gemodializ va peritoneal dializ ko‘rsatilgan. Tasodifiy ichga qabul qilinganda zond yordamida oshqozonni yuvish, ichga tuzli ich suruvchi vositalar, enterosorbentlar (faollashtirilgan ko‘mir), simptomatik terapiya buyuriladi. Og‘ir zaharlanish holatida organizmning hayotiy muhim funksiyalarini saqlab qolish choralarini ko‘rish kerak.