2% suvli eritma ko'z kon'yunktiva xaltasini yuvish uchun kon'yunktivitlarda buyuriladi. 3% eritma nam ekzema, dermatitlarda kompress sifatida ishlatiladi. 0,5%, 1%, 2%, 3% spirtli eritmalar o'tkir va surunkali otitda quloq tomchisi sifatida, shuningdek, piodermiya, ekzema, toshma bo'lgan teri sohalarini davolash uchun ishlatiladi. 10% glitserinli eritma kolpitlarda zararlangan teri sohalarini surtish uchun qo'llaniladi. O'rta quloq operatsiyasidan so'ng ba'zan bor kislotasi kukunini insulyatsiya qilishadi. Pedikulyozni davolash uchun 5% bor mazidan foydalaniladi.

Buyrak faoliyati buzilgan bemorlarga, emizikli onalarga ko'krak bezlarini davolash uchun, 1 yoshgacha bo'lgan bolalarga (shu jumladan yangi tug'ilganlarga), homilador ayollarga va preparatga individual yuqori sezuvchanligi bo'lgan shaxslarga qo'llash mumkin emas. Maz shaklidagi preparatni soch bilan qoplangan tana sohalariga terining o'tkir yallig'lanish kasalliklarida surish mumkin emas. Ko'zga tushishidan saqlanish kerak, bor kislotasi preparatlarini tananing katta sohalariga surish mumkin emas.

Antiseptik vosita sifatida (0,5%, 1%, 2%, 3% spirtli eritmalar) quloq tomchisi sifatida 3-5 tomchidan kuniga 2-3 marta qo'llaniladi. Antipedikulyoz vosita sifatida 5% bor kislotasi mazi qo'llaniladi. Maz bit bosgan sochli bosh terisiga 10-15-25 daqiqa davomida surtiladi. 20-30 daqiqadan so'ng iliq oqayotgan suv va sovun bilan yuvib tashlanadi.

Bor kislotasidan foydalanilganda, ayniqsa dozani oshirib yuborilganda va uzoq muddat qo'llanganda hamda buyrak faoliyati buzilganda o'tkir va surunkali toksik reaksiyalar paydo bo'lishi mumkin: ko'ngil aynishi, qusish, diareya, teri toshmasi, epiteliyning deskvamatsiyasi, bosh og'rig'i, ongning chalkashishi, tutqanoq, oliguriya va kam hollarda – shok holati.

Bor kislotasi antiseptik faollikka ega. Mahalliy qo'llanganda (maz shaklida) antipedikulyoz ta'sir ko'rsatadi.