2% li suvli eritma ko'z kon'yunktiva xaltasini yuvish uchun kon'yunktivitlarda buyuriladi. 3% li eritma nam ekzema, dermatitlarda kompress sifatida ishlatiladi. 0,5%, 1%, 2%, 3% li spirtli eritmalar o'tkir va surunkali otitda quloq tomchisi sifatida, shuningdek, piodermiya, ekzema, toshma bo'lgan teri sohalarini ishlov berishda qo'llaniladi. 10% li eritma glitserinda kolpitlarda zararlangan teri sohalarini surtish uchun ishlatiladi. O'rta quloq operatsiyasidan so'ng ba'zan bor kislotasi kukunini insulyatsiya qilishadi. Pedikulyozni davolash uchun 5% li bor mazidan foydalaniladi.

Buyrak faoliyati buzilgan bemorlarga, emizikli onalarga ko'krak bezlarini ishlov berishda, 1 yoshgacha bo'lgan bolalarga (shu jumladan yangi tug'ilganlarga), homilador ayollarga va preparatga individual yuqori sezuvchanligi bo'lgan shaxslarga qo'llash mumkin emas. Maz shaklidagi preparatni soch bilan qoplangan tana qismlariga terining o'tkir yallig'lanish kasalliklarida surtish mumkin emas. Ko'zga tushishidan saqlanish kerak, bor kislotasi preparatlarini tananing katta sohalariga surtish mumkin emas.

Antiseptik vosita sifatida (spirtli eritmalar 0,5%, 1%, 2%, 3%) quloq tomchisi sifatida 3-5 tomchidan kuniga 2-3 marta qo'llaniladi. Antipedikulyoz vosita sifatida 5% li bor kislotasi mazi qo'llaniladi. Maz vshivozda boshning sochli qismiga 10-15-25 daqiqa davomida surtiladi. 20-30 daqiqadan so'ng iliq oqayotgan suvda sovun bilan yuvib tashlanadi.

Bor kislotasidan foydalanilganda, ayniqsa dozani oshirib yuborishda va uzoq muddat qo'llanganda hamda buyrak faoliyati buzilganda o'tkir va surunkali toksik reaksiyalar paydo bo'lishi mumkin: ko'ngil aynishi, qusish, diareya, teri toshmasi, epiteliy deskvamatsiyasi, bosh og'rig'i, ongning chalkashishi, tutqanoq, oliguriya va kam hollarda – shok holati.

Bor kislotasi antiseptik faollikka ega. Mahalliy qo'llanganda (maz shaklida) antipidikulyoz ta'sir ko'rsatadi.