Faol ingredientlar. BOLNOL RELAKS GEL tarkibida dietilammoniy diklofenak natriy diklofenakiga ekvivalent 1% mavjud. Zig‘ir yog‘i (a-linoleviy kislota saqlovchi) 3% v/v Metil salitsilat 10% v/v Mentol 5% v/v

BOLNOL RELAKS GEL bo'g'imlar va mushaklardagi funksiyalar buzilishi kabi holatlarda og'riqni kamaytirish va shishishni kamaytirish uchun qo'llaniladi.
BOLNOL RELAKS GEL paylar, boylamlar, mushaklar va bo'g'imlarning yallig'lanishida (travma natijasida: sport jarohatlari, cho'zilishlar, yorilishlar va ezilishlar), yumshoq to'qimalar revmatizmi va mahalliy revmatoid holatlar, bursitlarda samaralidir. Bosh og'rig'i va boshqa turdagi og'riqlarda, orqa, bo'yin va yelka kamari og'riqlarida qo'llaniladi.

Diklofenak, atsetilsalisil kislotasi va boshqa YOKVPlarga yuqori sezuvchanlik.

Shish yoki og'riqli joy atrofidagi teriga gelning kichik miqdorini muloyimlik bilan surting. Qo'llash uchun zarur bo'lgan gel miqdori davolanishi kerak bo'lgan og'riqli va shishgan joyning o'lchamiga bog'liq. Agar shifokor boshqa usulni buyurmagan bo'lsa, uni kuniga 2-3 marta surtishingiz mumkin. Gelni teriga surtish paytida engil sovituvchi ta'sirni his qilishingiz mumkin.

Mahalliy qo'llash uchun mo'ljallangan, diklofenak saqlovchi preparatlar odatda yaxshi ko'tariladi. Biroq, ba'zi hollarda fotosensitivlik reaksiyalari kuzatilgan. Toshma, qichishish, kuydirish yoki eritema kuzatilishi mumkin. Diklofenak katta yuzaga yoki uzoq vaqt davomida qo'llanganda, tizimli nojo'ya ta'sirlar istisno qilinmaydi.

BOLNOL RELAKS GEL bu mahalliy analgetik, yallig‘lanishga qarshi vosita bo‘lib, asosiy ingredient sifatida dietilamin diklofenak (NVPV) ni o‘z ichiga oladi. Shuningdek, u zig‘ir yog‘i, metilsalitsilat va mentolni o‘z ichiga oladi.
Diklofenak yallig‘lanishga qarshi, og‘riq qoldiruvchi va isitmani tushiruvchi ta’sir ko‘rsatadi. NVPV o‘z ta’sirini prostaglandinlar sintezini ingibitsiya qilish orqali namoyon qiladi. Zig‘ir yog‘i bu tinchlantiruvchi va yumshatuvchi mahalliy vosita.
Zig‘ir yog‘i linolen kislota saqlaydi, u inson organizmida tabiiy yog‘ kislota hisoblanadi.
Mentol teriga surtilganda analgetik ta’siri natijasida sovituvchi hisni yuzaga keltiradi. Mentol mahalliy qo‘llangandan so‘ng sovituvchi his paydo bo‘lishi sovuq retseptorlarini stimulyatsiya qilish natijasida, neyron membranalarida Ca ni ingibitsiya qilish orqali yuzaga keladi.
Metilsalitsilat bu malham tarkibiy qismi bo‘lib, mushak-skelet buzilishlarida, shuningdek, yumshoq to‘qimalar buzilishlarida og‘riqni kamaytirish uchun mahalliy qo‘llaniladi. U shuningdek, analgetik va yallig‘lanishga qarshi ta’sir ko‘rsatadi, bu uning tsiklooksigenaza fermentini ingibitsiya qilish ta’siri natijasidir.

Ko'zlar, shilliq qavatlar yoki teri butunligi buzilgan joylar bilan kontaktlar istisno qilinishi kerak. Gelni kesilgan yoki ochiq yaralar yoki boshqa teri shikastlanishlariga surmang. Gel surtilgandan so'ng bog'lam bilan yopmang va plastir yopishtirmang. Gelni ichga qabul qilmang, ko'zga tushishidan ehtiyot bo'ling. Agar bu sodir bo'lsa, ko'zni toza suv bilan yuvib, shifokorga murojaat qiling. Agar simptomlar 2 hafta davomida o'zgarmasa yoki yomonlashsa, darhol shifokorga murojaat qiling.