1 tabletkada:

faol moddalari: paratsetamol - 500 mg, diklofenak natriy - 50 mg;

yordamchi moddalari: makkajo‘xori kraxmali, natriy kraxmal glikolyat, ikki asosli kalsiy fosfat, natriy metilgidroksibenzoat, natriy propilgidroksibenzoat, natriy benzoat, jelatin, tozalangan suv, tozalangan talk, magniy stearat.

Revmatoyid artrit, osteoartrit, bel sohasidagi og‘riq va boshqa o‘tkir skelet-mushak kasalliklari, masalan, tendinit, tenosinovit, bursit, cho‘zilishlar va chiqishlar. Ankilozlovchi spondilit; ortopedik, stomatologik va boshqa kichik jarrohlik amaliyotlarida og‘riq va yallig‘lanishni kamaytirish; yuvenil surunkali artrit; operatsiyadan keyingi og‘riq; bosh og‘rig‘i; tana og‘rig‘i, tana haroratini pasaytirish uchun.

− preparat komponentlariga yuqori sezuvchanlik;

− anamnezda angionevrotik shish va bronxospastik reaksiya, aspirin yoki boshqa nosteroid yallig‘lanishga qarshi vositalarga (“aspirin astmasi”), bronxial astma xurujlari;

− me’da-ichak yo‘llarining eroziyali-yarali shikastlanishlari zo‘rayish bosqichida (shu jumladan peptik yara, Kron kasalligi, noaniq yarali kolit);

− homiladorlik, laktatsiya;

− 12 yoshgacha bo‘lgan bolalar yoshi;

− gemopoez funksiyasining buzilishi;

− ko‘ruv nervi kasalliklari, nafas yo‘llarining surunkali obstruktiv kasalliklari, burun poliplari, pichan isitmasi;

− buyrak va jigar funksiyasining og‘ir buzilishlari, rang ajratish qobiliyatining buzilishi, tug‘ma glyukoza–6–fosfatdegidrogenaza yetishmovchiligi.

Tabletkalarni butun holda, chaynalmay, yetarli miqdorda suyuqlik bilan ichga qabul qilish kerak. Preparatni ovqatdan keyin qabul qilish lozim.

Kattalarga 1 tabletka 2 - 3 marta kuniga buyuriladi.

12 yoshdan katta, tana vazni 30 kg dan ortiq bo‘lgan bolalarga 1/2 tabletka 3 marta kuniga buyuriladi.

Har bir navbatdagi qabul orasidagi interval – kamida 4 soat.

Bolburg – bu og‘riq qoldiruvchi va yallig‘lanishga qarshi birikma preparat.

Paratsetamol og‘riq qoldiruvchi va isitmani tushiruvchi ta’sir ko‘rsatadi. Og‘riq qoldiruvchi ta’sir mexanizmi asosan gipotalamusdagi termoregulyatsiya markazida prostaglandinlar sintezini ingibitsiyalash bilan bog‘liq. Paratsetamolning isitmani tushiruvchi ta’siri gipotalamik termoregulyatsiya markazlariga to‘g‘ridan-to‘g‘ri ta’sir qilish bilan bog‘liq bo‘lib, natijada tomirlarning kengayishi va kuchaygan terlash hisobiga issiqlik ajralishi ortadi.

Diklofenak natriy nosteroid yallig‘lanishga qarshi vosita hisoblanadi. Ta’sir mexanizmi prostaglandinlar sintezini siklooksigenazani nospesifik tormozlash orqali, shuningdek, leykotsitlarda erkin araxidon kislotasi konsentratsiyasini kamaytirish bilan bog‘liq. Yallig‘lanishga qarshi, og‘riq qoldiruvchi va isitmani tushiruvchi ta’sir ko‘rsatadi, trombotsitlar agregatsiyasiga to‘sqinlik qiladi. Uzoq muddat qo‘llanganda desensibilizatsiyalovchi ta’sir ko‘rsatadi.

Preparatni buyurishda anamnezida me’da-ichak yo‘llarining eroziyali-yarali shikastlanishlari bo‘lgan bemorlarga, shuningdek, jigar, buyrak, gemopoez organlari funksiyasining og‘ir buzilishlari bo‘lgan bemorlarga ehtiyotkorlik bilan qo‘llash lozim. Yuqori dozalarda preparat trombotsitlar agregatsiyasini bostirishi mumkin, shuning uchun gemostaz buzilishi bo‘lgan bemorlarni diqqat bilan kuzatish zarur.

Preparatni keksalik yoshida, surunkali yurak yetishmovchiligi, arterial gipertenziya, porfiriya bo‘lgan bemorlarga, shuningdek, jiddiy jarrohlik aralashuvlaridan so‘ng darhol ehtiyotkorlik bilan qo‘llash lozim.

Davolanish davomida jigar, buyrak funksiyasi va periferik qon manzarasini nazorat qilish zarur. Preparatni qo‘llash davrida preparatning gepatotoksik ta’siri kuchayishi mumkinligi sababli spirtli ichimliklar iste’mol qilish mumkin emas.

Homiladorlik va laktatsiya davrida qo‘llanishi
Homiladorlik davrida diklofenak va paratsetamolni qo‘llash mumkin emas.

Preparat ona sutiga o‘tadi, shuning uchun laktatsiya davrida preparatni buyurish zarur bo‘lsa, emizishni to‘xtatish kerak.

Avtotransport boshqarish va boshqa mexanizmlarni boshqarish qobiliyatiga ta’siri.

Preparatni qabul qilish davrida bemorlar yuqori e’tibor va tez psixik va harakat reaksiyalarini talab qiladigan ishlarni (masalan, avtomobil boshqarish) bajarishdan saqlanishlari kerak.