1 ml spreyi quyidagilarni o‘z ichiga oladi: faol modda: benzidamin gidroxlorid 1,5 mg; yordamchi modda: glitserol; etanol 96%; saxarin; natriy gidrokarbonat; metilparagidroksibenzoat; yalpiz barglari moyi; polisorbat 20; tozalangan suv.

Og‘iz bo‘shlig‘i va tomoqdagi (masalan, gingivit, glossit, stomatit, faringit), shuningdek, tishlarni konservativ davolash yoki olib tashlashdan keyingi og‘riq sindromi bilan birga kechuvchi tirnash va yallig‘lanish holatlarini simptomatik davolash.

Faol modda (benzidamin gidroxlorid) yoki yordamchi moddalardan har qandayiga yuqori sezuvchanlik.

Mahalliy qo‘llaniladi. Kattalar (shu jumladan, keksalar) va 12 yoshdan katta bolalarga 4 – 8 purkash 2 – 6 marta kuniga. Bolalar (3 – 6 yoshda) har 4 kg bola vazniga 1 purkash, maksimal doza – 4 purkash 2 – 6 marta kuniga. Bolalarga (6-12 yoshda) 4 purkash 2 – 6 marta kuniga Tavsiya etilgan doza oshirilmasin.

Nojo‘ya reaksiyalar chastotasi quyidagi MedDRA tasnifiga muvofiq keltirilgan: juda tez-tez (≥ 1/10); tez-tez (≥ 1/100, < 1/10); kamdan-kam (≥ 1/1 000, < 1/100); kam (≥ 1/10 000, < 1/1 000); juda kam (< 1/10 000); noma’lum (mavjud ma’lumotlarga ko‘ra chastotani baholash mumkin emas). Immun tizimi tomonidan buzilishlar: teri toshmasi, juda kam: angionevrotik shish. Nafas olish tizimi, ko‘krak qafasi va o‘rta ko‘krak a’zolari tomonidan buzilishlar: juda kam: laringospazm; Umumiy buzilishlar va yuborish joyida buzilishlar: fotosensibilizatsiya, og‘iz qurishi, og‘iz bo‘shlig‘ida uvishish hissi, og‘iz bo‘shlig‘ida kuydiruvchi hissi.

Benzidamin nosteroid yallig‘lanishga qarshi preparat bo‘lib, indazol guruhiga kiradi. Yallig‘lanishga qarshi va mahalliy og‘riq qoldiruvchi ta’sir ko‘rsatadi, mikroorganizmlarning keng doirasiga qarshi antiseptik ta’sirga ega. Preparatning ta’sir mexanizmi hujayra membranalarini barqarorlashtirish va prostaglandinlar sintezini ingibitsiyalash bilan bog‘liq. Benzidamin tezda mikroorganizmlar membranalari orqali kirib borishi natijasida hujayra tuzilmalariga zarar yetkazish, metabolik jarayonlarni va hujayra lizosomasini buzish orqali antibakterial va aniq antimikrob ta’sir ko‘rsatadi. Candida albicans ga nisbatan antimikrob ta’sirga ega. Zamburug‘larning hujayra devori va ularning metabolik zanjirlarida tuzilmaviy o‘zgarishlarni yuzaga keltiradi, shu tariqa ularning ko‘payishiga to‘sqinlik qiladi, bu esa benzidaminni og‘iz bo‘shlig‘idagi yallig‘lanish jarayonlarida, shu jumladan infeksion etiologiyada qo‘llash uchun asos bo‘ldi.

Preparat metilparagidroksibenzoat saqlaydi, u allergik reaksiyalarni keltirib chiqarishi mumkin. Sport bilan shug‘ullanuvchi bemorlar uchun: etil spirti saqlovchi dori vositalarini qo‘llash ayrim sport federatsiyalari tomonidan belgilangan qon tarkibidagi spirt miqdori chegaralariga muvofiq doping testida ijobiy natija berishi mumkin. Homiladorlik va laktatsiya davrida qo‘llash Benzidaminni homilador va emizikli ayollarda qo‘llash bo‘yicha yetarli klinik ma’lumotlar mavjud emas. Dori homiladorlik va laktatsiya davrida ehtiyotkorlik bilan qo‘llanishi kerak. Avtotransport boshqarish va mexanizmlar bilan ishlash qobiliyatiga ta’siri Preparat transport vositalarini yoki boshqa mexanizmlarni boshqarish qobiliyatiga ta’sir qilmaydi.