«Bifolak®-Tsinkum»ning foydali xususiyatlari uning tarkibida mavjud bo‘lgan tirik liofilizatsiyalangan probiotik bakteriyalar bilan belgilanadi, ular patogen va shartli patogen mikroorganizmlarning keng spektriga qarshi antagonist faollikka ega. Preparatda bifido- va laktobakteriyalarning yuqori miqdoriy darajasi ichak mikroflorasining fiziologik muvozanatini tez tiklanishiga yordam beradi, himoya kuchlarini, organizm immunitetini faollashtiradi va shu bilan oshqozon-ichak trakti va butun organizm faoliyatini, almashinuv jarayonlarini, devoriy hazm qilishni yaxshilaydi. Mikrokristallik tsellyuloza tarkibi tufayli organizm ichakda mavjud bo‘lgan shlaklar, zararli moddalar va mikroorganizmlardan tozalanadi, organizm sog‘lomlanadi, surunkali kasalliklarning davomiyligi qisqaradi va yengillashadi. «Bifolak®-Tsinkum» tarkibidagi tsink ko‘plab RNK va DNK fermentlari, gormonlar hosil bo‘lishi va faollashuvida ishtirok etadi, bolalarning o‘sishi va rivojlanishini, jinsiy tizim organlarining normal faoliyatini ta’minlaydi, ko‘rishni qo‘llab-quvvatlaydi va yaxshilaydi, ta’m sezuvchanligi va ishtahaga ta’sir qiladi, immunitetni oshiradi, yog‘ almashinuvini va qondagi shakarni normallashtiradi, shilliq qavat epitelial hujayralarining strukturaviy elementi hisoblanadi, gemopoez, hazm qilish, gipofiz, oshqozon osti bezi, jigar, prostata bezining normal ishlashi uchun zarur, teri, soch va tirnoqlarning, suyak skeletining normal o‘sishi uchun majburiy, qarish jarayonini sekinlashtiradi.

Ko‘rsatmalar

«Bifolak®-Tsinkum» ichak disbakteriozida ichak mikroflorasini tiklash, diareya va qabziyatda najasni normallashtirish, hazm qilish va almashinuv jarayonlarini yaxshilash, himoya kuchlarini, immunitetni mustahkamlash va organizmni tozalash, organizmni mikroelement tsink bilan ta’minlash uchun qo‘llaniladi. «Bifolak®-Tsinkum» bolalarga hayotining birinchi kunlaridan (shu jumladan muddatidan oldin tug‘ilganlarga), kattalarga va keksalarga qo‘llaniladi. «Bifolak®-Tsinkum» homiladorlik va emizish davrida ham qo‘llanilishi mumkin.

Dozalash tartibi

«Bifolak®-Tsinkum» sashenidagi preparat bolalarga ovqatlanish vaqtida, ona suti yoki bolalar ovqatiga aralashtirib beriladi. Katta yoshdagi bolalar va kattalar uchun «Bifolak®-Tsinkum» iste’mol qilishdan oldin suyuqlik bilan aralashtiriladi. Barcha hollarda «Bifolak®-Tsinkum»ni eritish uchun ishlatiladigan suyuqlik miqdori 1 paket uchun 10-50 ml hisobida bo‘lishi kerak. Preparat qaynatilgan sovutilgan suyuqlikda eritiladi (temperatura >400S bo‘lsa, preparat bakteriyalari nobud bo‘lishi mumkin). Olingan suvli suspenziya bir martada, to‘liq erishiga erishmasdan ichiladi. Iliq suyuqlikda kichik donachalar hosil bo‘lishi mumkin. Preparat ovqatdan keyin qabul qilinadi.
«Bifolak®-Tsinkum» bolalar uchun
1 yoshgacha — yarimdan bir paketgacha — kuniga 1 marta;
1 yoshdan 5 yoshgacha — bir yarim paketgacha — kuniga 1 marta;
5 yoshdan 12 yoshgacha — 1 paketdan — kuniga 2 marta;
12 yoshdan katta bolalar va kattalar — 1 paketdan — kuniga 3 marta.
Qabul qilish davomiyligi kamida 10-14 kunni tashkil etadi. Dozalar simptomlarning ifodalanish darajasiga qarab o‘zgartirilishi mumkin 

 Preparatni qo‘llashdan oldin shifokor bilan maslahatlashing tavsiya etiladi.

Saqlash sharoitlari va muddati

«Bifolak®-Tsinkum» ni +5 dan +25°S gacha haroratda va nisbiy namlik 75% dan oshmagan holda saqlash kerak.