1 ml preparatda:

faol modda: taurin 0,04 g;

yordamchi modda: metilparagidroksibenzoat, natriy gidroksid, tozalangan suv. 

 Bestoksol oftalmologik preparat bo‘lib, uning faol komponenti taurin hisoblanadi. Taurin oltingugurt saqlovchi aminokislota bo‘lib, organizmda sisteinning aylanishi jarayonida hosil bo‘ladi. Energetik jarayonlarni yaxshilashga yordam beradi, antikonvulsant faollikka ega, kardiotrop ta’sir ko‘rsatadi, distrofiya xarakterli kasalliklarda va ko‘z to‘qimalarining metabolizmi keskin buzilishi bilan kechadigan kasalliklarda reparativ jarayonlarni rag‘batlantiradi. Preparat hujayra membranalari funksiyalarini normallashtirishga va energetik hamda almashinuv jarayonlarini faollashtirishga yordam beradi. 

 Glaukoma (ochiq burchakli) bilan kasallangan bemorlarda Bestoksol timolol bilan birga qo‘llanilganda gipotenziya ta’sirining sezilarli kuchayishi kuzatilgan. Effektning kuchayishi chiqish koeffitsientining oshishi va suvli namlik ishlab chiqarilishini kamayishi hisobiga erishiladi. 

 Bestoksol ko‘z tomchilari qo‘llanilganda dozani oshirib yuborish holatlari tavsiflanmagan. 

 

Pediatriyada, homiladorlik va laktatsiya davrida qo‘llanilishi

Preparatni homiladorlik, emizish va bolalarda qo‘llash bo‘yicha yetarli tajriba yo‘q. Preparatni faqat davolovchi shifokor ko‘rsatmasi bo‘yicha, kutilayotgan davolovchi ta’sir mumkin bo‘lgan nojo‘ya ta’sirlar rivojlanish xavfidan ustun bo‘lsa, qo‘llash mumkin.

Avtotransport boshqarish va mexanizmlar bilan ishlash qobiliyatiga ta’siri

Bestoksol tomizilgandan so‘ng ko‘rishning qisqa muddatli buzilishi kuzatiladigan bemorlarga, avtotransport boshqarish, murakkab texnika, stanoklar yoki ko‘rish aniqligini talab qiladigan boshqa uskunalar bilan ishlash tavsiya etilmaydi. Preparatni bolalar ololmaydigan joyda saqlash va yaroqlilik muddati tugagandan so‘ng ishlatmaslik kerak.