Pirazolonlar guruhiga mansub narkotik bo‘lmagan analjezik vosita, og‘riq qoldiruvchi, isitmani tushiruvchi va spazmolitik ta’sirga ega. Uning ta’sir mexanizmi to‘liq aniqlanmagan.
Mavjud ma’lumotlar shuni ko‘rsatadiki, metamizol va uning asosiy metaboliti (4N-metilaminoantipirin [4-MAA]) markaziy va periferik ta’sir mexanizmiga ega. Terapevtik dozadan yuqori dozada yallig‘lanishga qarshi ta’sir ko‘rsatishi mumkin, ehtimol prostaglandinlar sintezini bostirish hisobiga. 

 Sitostatik vositalar qabul qilayotgan bemorlarni va 5 yoshgacha bo‘lgan bolalarni natriy metamizol bilan davolash faqat shifokor nazorati ostida amalga oshirilishi kerak.
Anafialaktik/anafilaktoid reaksiyalar

Dori vositasini yuborish usulini tanlashda, parenteral qo‘llash anafilaktik/anafilaktoid reaksiyalar rivojlanish xavfi yuqoriroq ekanligini hisobga olish kerak.

Metamizol natriyga anafilaktik/anafilaktoid reaksiyalar rivojlanish xavfini oshiruvchi holatlar:

analgetiklar qabul qilish bilan bog‘liq bronxial astma sindromi;
urtikariya yoki angionevrotik shish tipidagi analgetiklarga toqat qilmaslik;
bronxial astma, qaytalanuvchi burun va burun atrofidagi bo‘shliqlarning polipozi va atsetilsalitsil kislotasi yoki boshqa YOKV (shu jumladan, anamnezda) ga toqat qilmaslikning to‘liq yoki to‘liq bo‘lmagan birikmasi;
surunkali urtikariya;
alkogolga toqat qilmaslik (alkogolga yuqori sezuvchanlik), bunda hatto ayrim alkogolli ichimliklarning oz miqdorini qabul qilganda ham bemorlarda aksirish, ko‘zdan yosh oqishi va yuzning kuchli qizarishi kuzatiladi. Alkogolga toqat qilmaslik ilgari aniqlanmagan analgetiklar (aspirin astmasi) bilan bog‘liq bronxial astma sindromi mavjudligidan dalolat berishi mumkin;
bo‘yoqlarga (masalan, tartrazin) yoki konservantlarga (masalan, benzoatlar) toqat qilmaslik yoki yuqori sezuvchanlik;
boshqa pirazolonlar, pirazolidinlar va boshqa narkotik bo‘lmagan analgetiklarga anafilaktik yoki boshqa immunologik reaksiyalar