Dozalash tartibi - mahalliy.
Yengil va o‘rtacha og‘irlikdagi infeksiyada zararlangan ko‘z (yoki ikkala ko‘z) kon’yunktival qopchasiga har 4 soatda 1-2 tomchi tomiziladi, og‘ir infeksiyada esa har soatda 2 tomchi tomiziladi. Holat yaxshilangach, doza va instillyatsiya tezligi kamaytiriladi.
Bakterial qorincha yarasida 6 soat davomida har 15 daqiqada 1 tomchi, so‘ngra uyg‘oqlik vaqtida har 30 daqiqada 1 tomchi; 2-kuni uyg‘oqlik vaqtida har soatda 1 tomchi; 3-kundan 14-kungacha uyg‘oqlik vaqtida har 4 soatda 1 tomchi. Agar 14 kunlik davolashdan so‘ng epitelizatsiya sodir bo‘lmasa, davolashni davom ettirish mumkin. 

 Ko‘z tomchilari ko‘rinishidagi eritma ko‘z ichiga in'ektsiya qilish uchun mo‘ljallanmagan. Boshqa oftalmologik dori vositalarini qo‘llashda ularni yuborish oralig‘i kamida 5 daqiqa bo‘lishi kerak. Preparatni subkon’yunktival yoki to‘g‘ridan-to‘g‘ri ko‘z old kamerasi ichiga yuborish mumkin emas. Tomchilarni qo‘llaganidan so‘ng uzoq vaqt davomida yoki kuchayib borayotgan kon’yunktival giperemiya saqlanib tursa, preparatni qo‘llashni to‘xtatish va shifokorga murojaat qilish kerak. Davolash davrida yumshoq kontakt linzalarni taqish tavsiya etilmaydi. Qattiq linzalar ishlatilganda, ularni tomizishdan oldin yechib, preparat instillyatsiyasidan 15-20 daqiqa o‘tgach yana taqish kerak. Tomizgandan so‘ng vaqtincha ko‘rish ravshanligi yo‘qoladigan bemorlarga mashina haydash yoki murakkab texnika, stanoklar yoki ko‘rish ravshanligini darhol talab qiladigan boshqa murakkab uskunalar bilan ishlash tavsiya etilmaydi. Flakon har bir ishlatishdan so‘ng yopilishi kerak. Pipetka uchini ko‘zga tekkizmaslik kerak.
Homiladorlik va laktatsiya davrida qo‘llash: preparatni homiladorlik va emizish davrida qo‘llash bo‘yicha yetarli tajriba yo‘q. Preparatni homilador va emizikli ayollarni davolash uchun shifokor ko‘rsatmasi bo‘yicha, kutilayotgan davolovchi ta’sir mumkin bo‘lgan nojo‘ya ta’sirlar xavfidan ustun bo‘lsa, qo‘llash mumkin.