Oqdan och sariq ranggacha bo'lgan apelsin hidi bilan granulyatsiyalangan kukun.

Bitta paket tarkibida:

faol modda: nimesulid 100 mg

yordamchi moddalari: maltodekstrin; saxaroza, natriy saxarin; limon kislotasi suvdan holi; apelsin aromatizatori; natriy laurilsulfat, gidroksipropilmetilsellyuloza.

Revmatoyid artrit, osteoartroz, turli etiologiyali artritlar, artralgiyalar, mialgiyalar, operatsiyadan keyingi va travmadan keyingi og‘riqlar, bursit, tendinit, algodismenoreya, tish va bosh og‘rig‘i. Preparat simptomatik terapiya uchun mo‘ljallangan, qo‘llash vaqtida og‘riq va yallig‘lanishni kamaytiradi, kasallikning rivojlanishiga ta’sir qilmaydi.

Nimesulid yoki preparatning har qanday komponentiga yuqori sezuvchanlik, allergik reaksiyalar (bronxospazm, rinit, toshma) asetilsalitsil kislotasi yoki boshqa YOKVQ (NPVQ) qo‘llangandan keyin anamnezda, me’da yoki o‘n ikki barmoqli ichak yara kasalligi zo‘rayish davrida, qaytalanuvchi yara kasalligi yoki anamnezda me’da-ichak qon ketishi, qon ivish tizimining og‘ir buzilishi, og‘ir yurak yetishmovchiligi, buyrak funksiyasining yaqqol buzilishi (kreatinin klirensi <30 ml/min), preparatni qo‘llashga nisbatan gepatotoksik reaksiyalar anamnezda, jigar yetishmovchiligi, 12 yoshgacha bo‘lgan yosh, homiladorlik va emizish davri, boshqa potentsial gepatotoksik dori vositalari bilan bir vaqtda buyurish, alkogolizm, dori vositalariga qaramlik, tana haroratining ko‘tarilishi va/yoki grippga o‘xshash simptomlar.

Avisil og'iz orqali qabul qilinadi. 1 paket tarkibi 100 ml suvda eritiladi. Davolash davomiyligi klinik vaziyatga bog'liq va imkon qadar qisqa bo'lishi kerak.

Kattalar va 12-18 yoshli o'smirlar uchun tavsiya etiladigan doza ovqatdan keyin kuniga 2 marta 100 mg ni tashkil etadi. Keksalar uchun doza kamaytirish talab qilinmaydi.

Avisil o'rtacha darajadagi buyrak yetishmovchiligi (kreatinin klirensi 30-80 ml/min) bo'lgan bemorlar tomonidan yaxshi ko'tariladi. Bunday bemorlar uchun doza kamaytirish talab qilinmaydi. Buyrak funksiyasining og'ir buzilishi (kreatinin klirensi <30 ml/min) bo'lsa, preparatni qo'llash mumkin emas.

Minimal samarali doza imkon qadar qisqa muddatga buyurilishi kerak, shunda nojo'ya reaksiyalar rivojlanish xavfi minimallashtiriladi.

Avisil preparatini qabul qilishning maksimal davomiyligi 15 kundan oshmasligi kerak.

Quyida keltirilgan nojo‘ya reaksiyalar chastotasi quyidagicha aniqlanadi: juda tez-tez (≥1/10), tez-tez (>1/100, <1/10), kamdan-kam (>1/1000, <1/100), kam (>1/10 000, <1/1000), juda kam (<1/10 000), shu jumladan – alohida holatlar.

Nesteroid yallig‘lanishga qarshi vosita. Yallig‘lanishga qarshi, analgezik, isitmani tushiruvchi va antiagregant ta’sir ko‘rsatadi. Boshqa NYaQVlardan farqli o‘laroq, selektiv tarzda siklooksigenaza-2 (SOF-2) ni bostiradi, yallig‘lanish o‘chog‘ida prostaglandinlar sintezini to‘xtatadi; siklooksigenaza-1 (SOF-1) ga nisbatan kamroq darajada tormozlovchi ta’sir ko‘rsatadi (sog‘lom to‘qimalarda prostaglandinlar sintezini bostirish bilan bog‘liq nojo‘ya ta’sirlarni kamroq chaqiradi).

Ma'lumotlarga ko'ra, nimesulid furosemidning biofoydalanishini kamaytirishi, fenofibrat, salitsil kislotasi, tolbutamid bilan plazma oqsillari bilan bog'lanishda raqobatchi bo'lishi mumkin. Avisil salitsil kislotasi va furosemidni (lekin varfarinni emas) plazma oqsillarida siqib chiqarishi mumkin. U sulfonilmochevina saqlovchi turli dori vositalari bilan davolanayotgan diabetik bemorlarda qondagi shakar darajasiga va glyukoza tolerantligiga ta'sir qiluvchi preparatlarga hech qanday ta'sir ko'rsatmaydi. Nimesulidni buyrak gemodinamikasiga zararli ta'sir ko'rsatuvchi diuretiklar bilan bir vaqtda qabul qilish tavsiya etilmaydi.

Fiziologik konsentratsiyadagi to'yinmagan yog' kislotalari nimesulidning zardob albumini bilan bog'lanishiga ta'sir qilmaydi. Jigar sirrozi yoki buyrak yetishmovchiligi bo'lgan, gipolbuminemiya yoki giperbilirubinemiya bilan kechayotgan bemorlarda nimesulidning bog'lanishi kamayadi. Terapevtik konsentratsiyalarda nimesulidning bog'lanishiga varfarin, furosemid, glibenklamid, talyuksifon, digitoksin ta'sir ko'rsatmagan. Fenofibrat nimesulidni siqib chiqarishi mumkin. Nimesulid ishtirokida metotreksatning erkin fraksiyalari sezilarli darajada oshishi mumkin.

Nimesulidni terapevtik dozalarda qisqa muddat davomida og'iz orqali qabul qilish yengil ifodalangan yurak yetishmovchiligi bo'lgan bemorlarda digoksinning zardob profilini o'zgartirmaydi.

Yorug'likdan himoyalangan joyda 25°C dan yuqori bo'lmagan haroratda saqlansin.

Bolalar ololmaydigan joyda saqlansin.

Yaroqlilik muddati - 3 yil.

Qadoqda ko'rsatilgan yaroqlilik muddati tugaganidan keyin ishlatilmasin.