2,0 ml eritma tarkibida:

faol moddalari: tiamin gidroxlorid 100 mg, piridoksin gidroxlorid 100 mg, sianokobalamin 1 mg, lidokain gidroxlorid 20 mg;

yordamchi moddalari: benzil spirti, kaliy geksatsianoferat (III), natriy geksametafosfat, natriy gidroksid, in'ektsiya uchun suv.

Kombinatsiyalangan polivitamin preparati. Preparatning ta’siri uning tarkibiga kiruvchi moddalarning xususiyatlari bilan belgilanadi.

Tiamin gidroxlorid (vitamin V1) – nerv impulsi o‘tkazilishida ishtirok etadi. Organizmda vitamin V1 fosforillanib, biologik faol tiamindifosfat (kokarboksilaza) va tiamintrifosfat (TTR) hosil qiladi. Tiamindifosfat koenzim sifatida uglevod almashinuvi muhim funksiyalarida ishtirok etadi, bu esa nerv to‘qimalaridagi almashinuv jarayonlarida hal qiluvchi ahamiyatga ega, sinapslarda nerv impulsi o‘tkazilishiga ta’sir ko‘rsatadi. Vitamin V1 yetishmovchiligida to‘qimalarda metabolitlar, birinchi navbatda sut va pirouzum kislotasi to‘planadi, bu esa turli patologik holatlar va nerv tizimi faoliyatining buzilishiga olib keladi.

Piridoksin gidroxlorid (vitamin V6) – oqsillar, uglevodlar va yog‘lar almashinuviga ta’sir qiladi, normal gemopoez, markaziy va periferik nerv tizimi faoliyati uchun zarur. Sinaptik uzatishni, markaziy nerv tizimida tormozlanish jarayonlarini ta’minlaydi, nerv qobig‘i tarkibiga kiruvchi sfingozin transportida ishtirok etadi, katexolaminlar sintezida qatnashadi.

Sianokobalamin (vitamin V12) – nukleotidlar sintezida ishtirok etadi, normal o‘sish, gemopoez va epitelial hujayralar rivojlanishi uchun muhim omil hisoblanadi; foliy kislotasi almashinuvi va miyelin sintezi uchun zarur.

Lidokain mahalliy anestezik ta’sirga ega, potensialga bog‘liq natriy kanallarini bloklaydi, bu esa sezuvchi nervlarning uchlarida impulslar hosil bo‘lishiga va nerv tolalari bo‘ylab impulslar o‘tishiga to‘sqinlik qiladi.

 

Preparatni qo‘llashdan oldin albatta lidokainning individual sezuvchanligiga teri testi o‘tkazilishi lozim, bu in'ektsiya joyining shishishi va qizarishi bilan namoyon bo‘ladi. Lidokainning tez so‘rilishi tizimli nojo‘ya reaksiyalarni keltirib chiqarishi mumkin, shuning uchun preparat mushak ichiga sekin yuborilishi kerak, preparatning tasodifiy tomir ichiga yuborilishidan qochishga alohida e'tibor berilishi lozim.

Avilan-L benzil spirti saqlaydi. Preparat tarkibida benzil spirti mavjudligi sababli bolalarga buyurilmaydi.

Kamdan-kam hollarda, B6 vitamini ortiqcha kunlik dozasi (500 mg yoki undan ko‘p, 5 oydan ortiq davomida) periferik sensor nevropatiyaga olib keladi, bu odatda preparat qabul qilish to‘xtatilgandan so‘ng yo‘qoladi.

B12 vitaminini qabul qilish psoriaz bilan kasallangan bemorlarga mumkin emas, chunki kasallik simptomlarining yomonlashuvi mumkin.

Piridoksin gidroxlorid toshma paydo bo‘lishini keltirib chiqarishi mumkin.

Preparatni qo‘llash davrida B guruhi vitaminlarini o‘z ichiga olgan polivitamin vositalarini qabul qilish tavsiya etilmaydi.

Dori vositasining transport vositasini yoki boshqa potensial xavfli mexanizmlarni boshqarish qobiliyatiga ta'sir qilish xususiyatlari:

Transport vositalarini boshqaruvchi va potensial xavfli mexanizmlar bilan ishlovchi shaxslarda preparatni qo‘llash bo‘yicha ogohlantirish haqida ma'lumot yo‘q. 

 

Tiamin to‘liq parchalanadi sulfitlar saqlovchi eritmalarda. Levodopa vitamin V6 ning terapevtik dozalari effektini kamaytiradi.

Boshqa vitaminlar vitamin V1 parchalanish mahsulotlari mavjudligida inaktivlanishi mumkin.

D-penitsillamin, sikloserin bilan o‘zaro ta’sirlar mumkin.

Tiamin oksidlovchi va qaytaruvchi moddalar bilan mos kelmaydi: simob xloridi, yodid, karbonat, atsetat, tanin kislotasi, temir-ammoniytsitrat, shuningdek natriy fenobarbital, riboflavin, benzilpenitsillin, dekstroza va metabisulfit. Mis tiamin parchalanishini tezlashtiradi; bundan tashqari, tiamin pH qiymati oshganda (3 dan yuqori) o‘z ta’sirini yo‘qotadi.

Vitamin V12 og‘ir metallarning tuzlari bilan mos kelmaydi.

Parenteral qo‘llashda lidokain bir vaqtda epinefrin yoki norepinefrin bilan qo‘llanganda yurak tomonidan nojo‘ya ta’sirlar kuchayishi mumkin. Sulfanilamidlar bilan o‘zaro ta’sirlar mumkin. Mahalliy anestetiklar dozasi oshib ketganda adrenalin yoki noradrenalin qo‘shimcha kiritilmasligi kerak. 

 Belgilar: preparatning nojo'ya ta'sir simptomlarining kuchayishi.

Davolash: simptomatik terapiya.