5 ml tayyor suspenziya faol moddalari: amoksitsillin trigidrat 125 mg 200 mg 400 mg (amoksitsillinga qayta hisoblaganda) kaliy klavulanat 31,25 mg 28,5 mg 57 mg

Kattalar va bolalarda Augmentinga sezgir mikroorganizmlar chaqirgan bakterial infeksiyalarni davolash: o‘tkir bakterial sinusit o‘tkir o‘rta otit, tasdiqlangan surunkali bronxitning zo‘rayishi tashqaridan kasalxonaga yotqizilmagan pnevmoniya tsistitlar pielonefrit teri va yumshoq to‘qimalar infeksiyalari, jumladan, sellyulit, hayvon chaqishi, keng tarqalgan sellyulit bilan og‘ir dentoalveolyar abscesslar suyak va bo‘g‘imlar infeksiyalari, jumladan, osteomiyelit. Antibakterial preparatlarni buyurishda ularni to‘g‘ri qo‘llash qoidalariga rioya qilish lozim.

Preparat komponentlariga, penitsillin guruhiga mansub har qanday antibakterial vositalarga yuqori sezuvchanlik. Tarixda boshqa beta-laktam agentlar (shu jumladan, tsefalosporinlar, karbapenemlar yoki monobaktamlar) qo'llanilishi bilan bog'liq og'ir gipersensitivlik reaksiyalari (shu jumladan, anafilaksiya) mavjudligi. Tarixda amoksitsillin / klavulanat qo'llanilishi bilan bog'liq sariqlik yoki jigar disfunktsiyasi mavjudligi.

Preparat rasmiy antibiotikoterapiya bo‘yicha tavsiyalarga va mavjud bo‘lsa, antibiotikka mahalliy sezuvchanlik ma’lumotlariga muvofiq qo‘llanilishi kerak. Amoksitsillin / klavulanatga sezuvchanlik turli hududlarda farq qiladi va vaqt o‘tishi bilan o‘zgarishi mumkin. Zarur bo‘lsa, mikroorganizmlarning antibiotikka sezuvchanligini aniqlash kerak. Preparat dozalari shifokor tomonidan kutilayotgan mikroorganizmlar va ularning antibakterial preparatlarga sezuvchanligi, kasallik og‘irligi va infeksiya lokalizatsiyasi, bemorning yoshi, tana massasi va buyrak funksiyasiga qarab belgilanadi. Davolash davomiyligi bemorning davolashga klinik javobiga qarab aniqlanadi. Ba’zi infeksiyalar (masalan, osteomiyelit) uzoq muddatli davolashni talab qiladi. Agar davolash uchun amoksitsillinning yuqori dozalari buyurilishi kerak bo‘lsa, klavulan kislotasining ortiqcha yuqori dozalari buyurilishini oldini olish uchun Augmentinning boshqa shakllarini qo‘llash kerak. Kattalar va tana massasi &ge 40 kg bo‘lgan bolalar uchun Augmentinning boshqa shakllarini qo‘llash kerak. Tana massasi < 40 kg bo‘lgan bolalar Tavsiya etiladigan sutkalik doza 25 / 3,6 mg / kg tana massasi dan 45 / 6,4 mg / kg tana massasi gacha, 2 marta qabul qilishga bo‘linadi.

Nojo'ya ta'sirlar ularning yuzaga chiqish tez-tezligiga ko'ra tasniflangan. Nojo'ya ta'sirlarning yuzaga chiqish tez-tezligi quyidagicha tasniflanadi: juda tez-tez ³ 1/10 tez-tez ³ 1/100 va < 1/10 kamdan-kam ³ 1/1000 va < 1/100 kam ³ 1/10000 va < 1/1000 juda kam < 1/10000. noma'lum (tez-tezligini mavjud ma'lumotlar asosida baholab bo'lmaydi). Infeksiyalar va invaziyalar. Tez-tez: teri va shilliq qavatlarning kandidozi. Noma'lum: preparatga sezgir bo'lmagan organizmlarning haddan tashqari ko'payishi. Qon aylanish va limfa tizimi. Kam: qaytuvchi leykopeniya (neytropeniya jumladan) va trombotsitopeniya. Juda kam: qaytuvchi agranulositoz va gemolitik anemiya, qon ketish vaqti va protrombin indeksi oshishi. Immun tizimi. Juda kam: angionevrotik shish, anafilaksiya, serum kasalligiga o'xshash sindrom, allergik vaskulit. Nerv tizimi. Kamdan-kam: bosh aylanishi, bosh og'rig'i. Juda kam: qaytuvchi giperkativlik va tutqanoq. Tutqanoqlar buyrak funksiyasi buzilgan yoki yuqori dozalarda preparat qabul qilayotgan bemorlarda yuzaga kelishi mumkin. Noma'lum: aseptik meningit. Ovqat hazm qilish trakti. kattalar Juda tez-tez: diareya. Tez-tez: ko'ngil aynishi, qusish. bolalar Tez-tez: diareya, ko'ngil aynishi, qusish. Ko'ngil aynishi ko'proq preparatning yuqori dozalari bilan bog'liq. Yuqorida ko'rsatilgan ovqat hazm qilish tizimi simptomlarini preparatni ovqatlanish boshida qabul qilish orqali kamaytirish mumkin. Kamdan-kam: dispepsiya. Juda kam: antibiotik bilan bog'liq kolit (psevdomembranoz va gemorragik kolit jumladan), qora "sochli" til. Juda kam hollarda bolalarda tishlarning yuzasida rang o'zgarishi kuzatiladi. Og'iz bo'shlig'iga to'g'ri parvarish qilish bu holatning oldini olishi mumkin. Rang o'zgarishini tishlarni tozalash orqali bartaraf etish mumkin. Gepatobiliar tizimi. Kamdan-kam: AST va/yoki ALT darajasining o'rtacha oshishi beta-laktam antibiotiklar bilan davolanayotgan bemorlarda kuzatilgan, garchi bu klinik ahamiyatga ega emas. Juda kam: gepatit va xolestatik sariqlik. Bu holatlar boshqa penisillinlar va sefalosporinlar bilan ham kuzatiladi. Gepatitlar asosan erkaklar va keksalarda yuzaga kelgan, ularning paydo bo'lishi uzoq muddatli davolanish bilan bog'liq bo'lishi mumkin. Bolalarda bunday holatlar juda kam kuzatilgan. Kasallik simptomlari davolanish vaqtida yoki darhol undan keyin paydo bo'ladi, lekin ba'zi hollarda davolash tugaganidan bir necha hafta o'tgach ham yuzaga kelishi mumkin. Bu holatlar odatda qaytuvchi xarakterga ega. Jigar funksiyasi buzilishi og'ir bo'lishi mumkin va juda kam hollarda o'lim bilan yakunlanishi mumkin. Deyarli har doim bu og'ir asosiy kasalligi bo'lgan yoki bir vaqtda jigarga salbiy ta'sir ko'rsatadigan preparatlar bilan davolanayotgan bemorlarda kuzatiladi. Teri va teri osti to'qimalari. Kamdan-kam: teri toshmasi, qichishish, eshakemi. Kam: polimorf eritema. Juda kam: Stivens-Djonson sindromi, toksik epidermal nekroliz, bulyoz ekssfoliativ dermatit, o'tkir generalizatsiyalashgan ekzantematoz pustulez. Agar har qanday allergik dermatit paydo bo'lsa, davolashni to'xtatish kerak. Buyrak va siydik ajratish tizimi. Juda kam: interstitsial nefrite, kristalluriya (qarang "Dozani oshirib yuborish" bo'limi).

Amoksitsillin - yarim-sintetik antibiotik bo‘lib, ko‘plab gram-musbat va gram-manfiy mikroorganizmlarga qarshi keng spektrli antibakterial faollikka ega. Antibiotiklarga rezistentlik bakterial fermentlar ajralib chiqishi natijasida yuzaga keladi, ular antibiotikni bakteriyaga ta’sir qilishidan oldin parchalaydi. Augmentinda klavulan kislotasi &beta-laktamaza fermentlarini bloklaydi, patogenlarning amoksitsillinning bakteritsid ta’siriga sezuvchanligini tiklaydi. Klavulanatning antibakterial faolligi ahamiyatsiz, biroq uni amoksitsillin bilan kombinatsiyasi Augmentinda ambulator va statsionar amaliyotda keng qo‘llaniladigan antibakterial preparat hisoblanadi. Quyida keltirilgan mikroorganizmlar amoksitsillin/klavulanatga in vitro sezuvchanligiga ko‘ra kategoriyalangan. Sezuvchan mikroorganizmlar Gram-musbat aeroblar: Bacillus anthracis, Enterococcus faecalis, Listeria monocytogenes, Nocardia asteroids, Streptococcus pyogenes, Streptococcus agalactiae, boshqa &beta-gemolitik Streptococcus turlari, Staphylococcus aureus (metitsillin sezuvchan shtammlar), Staphylococcus saprophyticus (metitsillin sezuvchan shtammlar), koaguloza-manfiy stafilokokklar (metitsillin sezuvchan shtammlar). Gram-manfiy aeroblar: Bordetella pertussis, Haemophilus influenzae, Haemophilus parainfluenzae, Helicobacter pylori, Moraxella catarrhalis, Neisseria gonorrhoeae, Pasteurella multocida, Vibrio cholerae. Boshqalar: Borrelia burgdorferi, Leptospira ictterohaemorrhagiae, Treponema pallidum. Gram-musbat anaeroblar: Clostridium turlari, Peptococcus niger, Peptostreptococcus magnus, Peptostreptococcus micros, Peptostreptococcus turlari. Gram-manfiy anaeroblar: Bacteroides turlari (shu jumladan Bacteroides fragilis), Capnocytophaga turlari, Eikenella corrodens, Fusobacterium turlari, Fusobacterium nucleatum, Porphyromonas turlari, Prevotella turlari. Ehtimoliy orttirilgan rezistentlikka ega shtammlar Gram-manfiy aeroblar: Escherichia coli, Klebsiella oxytoca, Klebsiella pneumoniae, Klebsiella turlari, Proteus mirabilis, Proteus vulgaris, Proteus turlari, Salmonella turlari, Shigella turlari. Gram-musbat aeroblar: Corynebacterium turlari, Enterococcus faecium, Streptococcus pneumoniae, viridans guruhi Streptococcus. Sezuvchan bo‘lmagan mikroorganizmlar Gram-manfiy aeroblar: Acinetobacter turlari, Citrobacter freundii, Enterobacter turlari, Hafnia alvei, Legionella pneumophila, Morganella morganii, Providencia turlari, Pseudomonas turlari, Serratia turlari, Stenotrophomas maltophilia, Yersinia enterolitica. Boshqalar: Chlamydia pneumoniae, Chlamydia psittaci, Chlamydia turlari, Coxiella burnetti, Mycoplasma turlari

Augmentin® preparatini va probenetsidni bir vaqtda qo‘llash tavsiya etilmaydi. Probenetsid amoksitsillinning kanalchali sekretsiyasini kamaytiradi va shuning uchun Augmentin® preparatini va probenetsidni bir vaqtda qo‘llash amoksitsillin kontsentratsiyasining qonda oshishiga va davom etishiga olib kelishi mumkin, lekin klavulan kislotasiga emas. Allopurinol va amoksitsillinni bir vaqtda qo‘llash teri allergik reaksiyalari xavfini oshirishi mumkin. Hozirgi vaqtda adabiyotda amoksitsillin va klavulan kislotasi kombinatsiyasini allopurinol bilan bir vaqtda qo‘llash bo‘yicha ma’lumotlar yo‘q. Penitsillinlar metotreksatning kanalchali sekretsiyasini ingibitsiya qilish hisobiga organizmdan chiqarilishini sekinlashtirishi mumkin, shuning uchun Augmentin va metotreksatni bir vaqtda qo‘llash metotreksat toksikligini oshirishi mumkin. Boshqa antibakterial preparatlar kabi, Augmentin® preparati ichak mikroflorasiga ta’sir ko‘rsatishi, natijada me’da-ichak traktidan estrogenlarning so‘rilishini kamaytirishi va kombinatsiyalangan peroral kontratseptivlarning samaradorligini pasaytirishi mumkin. Adabiyotda acenokumarol yoki varfarin va amoksitsillinni birga qo‘llagan bemorlarda MHO oshishi bilan bog‘liq kamdan-kam hollari tasvirlangan. Zarurat tug‘ilganda Augmentin® preparatini antikoagulyantlar bilan birga buyurishda PV yoki MHO ni Augmentin® preparatini buyurish yoki bekor qilishda diqqat bilan nazorat qilish kerak, peroral antikoagulyantlar dozasini tuzatish talab qilinishi mumkin.

Homiladorlik va emizish davrida qo‘llash Hayvonlarda reproduktiv funksiyalar bo‘yicha o‘tkazilgan tadqiqotlarda Augmentin® preparatini peroral va parenteral yuborish teratogen ta’sir ko‘rsatmagan. Homiladorlikning muddatidan oldin homila pufagining yorilishi bo‘lgan ayollarda o‘tkazilgan yagona tadqiqotda Augmentin® preparati bilan profilaktik davolash yangi tug‘ilgan chaqaloqlarda nekrotik enterokolit rivojlanish xavfining oshishi bilan bog‘liq bo‘lishi mumkinligi aniqlangan. Barcha dori vositalari kabi, Augmentin® preparatini homiladorlik davrida faqat onaga kutilayotgan foyda homilaga bo‘lgan potensial xavfdan ustun bo‘lgan hollarda qo‘llash tavsiya etiladi. Augmentin® preparatini emizish davrida qo‘llash mumkin. Ushbu preparatning faol moddalari iz miqdorda ko‘krak sutiga o‘tishi bilan bog‘liq bo‘lgan diareya yoki og‘iz bo‘shlig‘i shilliq qavatining kandidozi rivojlanish ehtimolidan tashqari, emizikli chaqaloqlarda boshqa nojo‘ya ta’sirlar kuzatilmagan. Emizikli chaqaloqlarda nojo‘ya ta’sirlar paydo bo‘lsa, emizishni to‘xtatish zarur. Augmentin® preparati bilan davolashni boshlashdan oldin, bemorda penisillinlar, sefalosporinlar yoki boshqa allergik reaksiya chaqiruvchi moddalarga ilgari bo‘lgan gipersensitivlik reaksiyalari haqida batafsil anamnez yig‘ish zarur. Penisillinlarga nisbatan jiddiy, ba’zan o‘limga olib keluvchi gipersensitivlik (anafilaktik) reaksiyalari tasvirlangan. Bunday reaksiyalar rivojlanish xavfi penisillinlarga nisbatan gipersensitivlik reaksiyalari bo‘lgan bemorlarda eng yuqori. Allergik reaksiya yuzaga kelganda, Augmentin® preparati bilan davolashni to‘xtatish va mos muqobil terapiyani boshlash zarur. Jiddiy anafilaktik reaksiyalar paydo bo‘lsa, bemorga zudlik bilan epinefrin yuborish kerak. Shuningdek, kislorod terapiyasi, veno ichiga GK yuborish va nafas yo‘llarining o‘tkazuvchanligini ta’minlash, shu jumladan intubatsiya talab qilinishi mumkin. Infeksion mononukleozdan shubha qilinganda Augmentin® preparatini qo‘llash mumkin emas, chunki ushbu kasallikda amoksitsillin qizamiqqa o‘xshash teri toshmasini chaqirishi mumkin, bu esa kasallikni tashxislashni qiyinlashtiradi. Augmentin® preparati bilan uzoq muddatli davolash sezgir bo‘lmagan mikroorganizmlarning haddan tashqari ko‘payishiga olib kelishi mumkin. Umuman olganda, Augmentin® preparati yaxshi o‘zlashtiriladi va barcha penisillinlarga xos bo‘lgan past toksiklikka ega. Augmentin® preparati bilan uzoq muddatli terapiya davomida buyrak, jigar va gemopoez funksiyasini vaqti-vaqti bilan baholab turish tavsiya etiladi. GIT tomonidan nojo‘ya ta’sirlar rivojlanish xavfini kamaytirish maqsadida preparatni ovqatlanish boshida qabul qilish kerak. Amoksitsillin va klavulan kislotasi kombinatsiyasini bilvosita (peroral) antikoagulyantlar bilan birga qabul qilgan bemorlarda kamdan-kam hollarda PV (MHO oshishi) oshishi haqida xabar berilgan. Bilvosita (peroral) antikoagulyantlarni amoksitsillin va klavulan kislotasi kombinatsiyasi bilan birga buyurilganda mos ko‘rsatkichlarni nazorat qilish zarur. Peroral antikoagulyantlarning zaruriy ta’sirini saqlab turish uchun ularning dozasini tuzatish talab qilinishi mumkin. Buyrak funksiyasi buzilgan bemorlarda Augmentin® preparati dozasini buzilish darajasiga mos ravishda buyurish kerak (qarang «Qo‘llash usuli va dozalari», Buyrak funksiyasi buzilgan bemorlar). Diurez pasaygan bemorlarda juda kam hollarda, asosan parenteral terapiyada kristalluriya kuzatiladi. Amoksitsillinning yuqori dozalari yuborilganda kristall hosil bo‘lishi ehtimolini kamaytirish uchun yetarli miqdorda suyuqlik ichish va adekvat diurezni saqlash tavsiya etiladi (qarang «Dozani oshirib yuborish»). Augmentin® preparatini ichga qabul qilish siydikda amoksitsillin yuqori miqdorda bo‘lishiga olib keladi, bu esa siydikda glyukozani aniqlashda (masalan, Benedikt testi, Feling testi) soxta musbat natijalarga olib kelishi mumkin. Bunday hollarda siydikda glyukozaning konsentratsiyasini aniqlash uchun glyukozoksidazli usulni qo‘llash tavsiya etiladi. Og‘iz bo‘shlig‘iga g‘amxo‘rlik qilish preparatni qabul qilish bilan bog‘liq tishlarning rangini o‘zgarishini oldini olishga yordam beradi, chunki buning uchun tishlarni tozalash kifoya (suspensiyalar uchun). Augmentin® preparatini alyumin folgali laminatlangan o‘ram ochilganidan boshlab 30 kun ichida ishlatish zarur (tabletkalar uchun) Suiiste’mol qilish va dori vositasiga qaramlik. Augmentin® preparatini qabul qilish bilan bog‘liq dori vositasiga qaramlik, o‘rganib qolish va eyforiya reaksiyalari kuzatilmagan. Transport vositalarini boshqarish va mexanizmlar bilan ishlash qobiliyatiga ta’siri. Preparat bosh aylanishini chaqirishi mumkinligi sababli, bemorlarni transport vositasini boshqarish yoki harakatlanuvchi mexanizmlar bilan ishlashda ehtiyot choralariga rioya qilish haqida ogohlantirish zarur.

Siptomlar: me'da-ichak trakti tomonidan va suv-elektrolit muvozanatining buzilishi kuzatilishi mumkin. Amoksitsillin kristalluriyasi tasvirlangan, ba'zi hollarda bu buyrak yetishmovchiligining rivojlanishiga olib kelgan (qarang «Maxsus ko'rsatmalar»). Buyrak funksiyasi buzilgan bemorlarda, shuningdek, preparatning yuqori dozasini olganlarda tutqanoq kuzatilgan. Davolash: me'da-ichak trakti tomonidan simptomlar bo'lsa — simptomatik terapiya, suv-elektrolit muvozanatini normallashtirishga alohida e'tibor qaratiladi. Amoksitsillin va klavulan kislotasi gemodializ yo'li bilan qon oqimidan chiqarilishi mumkin. Toksikologik markazda 51 nafar bolada o'tkazilgan prospektiv tadqiqot natijalari shuni ko'rsatdiki, amoksitsillinni 250 mg/kg dan kam dozada yuborish ahamiyatli klinik simptomlarga olib kelmagan va me'dani yuvishni talab qilmagan.