Dorining tashqi ko‘rinishi, tabletkalar
Shaffof, rangsiz, biroz yopishqoq eritma, gilos hidi bilan.
Dori vositasining farmakologik guruhi
Ekspektorantlar. Mukolitiklar. Atsetiltsistein. 

Og'iz orqali qabul qilish uchun eritmaning 1 ml tarkibida faol modda atsetiltsistein 20 mg, yordamchi moddalardan metilparagidroksibenzoat, natriy benzoat, dinatriy edetat, natriy saxarin, natriy karmelloza, natriy gidroksid 10 % eritma, gilos aromatizatori, tozalangan suv mavjud.

ACC® preparati ovqatdan keyin og'iz orqali qabul qilish uchun eritma ko‘rinishida qo‘llaniladi. 10 ml eritma 1 o‘lchov stakaniga teng. Kattalar va 14 yoshdan boshlab o‘smirlar 10 ml eritmadan kuniga 3 marta (sutkada 600 mg atsetiltsisteinga teng). 6 yoshdan 14 yoshgacha bo‘lgan bolalar va o‘smirlar 10 ml eritmadan kuniga 2 marta (sutkada 400 mg atsetiltsisteinga teng). 2 yoshdan 5 yoshgacha bo‘lgan bolalar 5 ml eritmadan kuniga 2-3 marta (sutkada 200-300 mg atsetiltsisteinga teng). Qisqa muddatli shamollash kasalliklarida davolash kursi 4-5 kunni tashkil etadi. Uzoq davom etadigan kasalliklarda davolash kursini shifokor belgilaydi. Batafsilroq

ACC® preparatini bronxial astma, me’da yoki o‘n ikki barmoqli ichak yarasi anamnezida bo‘lgan bemorlarda ehtiyotkorlik bilan qo‘llash kerak. ACC® preparatini qo‘llash vaqtida juda kam hollarda og‘ir teri allergik reaksiyalari (Stivens-Djonson sindromi, Layell sindromi) kuzatilgan. Teri allergik reaksiyalari paydo bo‘lsa, bemor darhol ACC® preparatini qabul qilishni to‘xtatishi va shifokorga murojaat qilishi kerak. Gistaminga toqat qilolmaydigan bemorlar ACC® preparatini qisqa kurslarda qabul qilishlari kerak, chunki gistaminning o‘z metabolizmiga ta’siri natijasida toqat qilmaslik simptomlari (masalan, bosh og‘rig‘i, burun oqishi, qichishish) paydo bo‘lishi mumkin. Atsetiltsistein qo‘llash bronxlarda balg‘amning suyulishiga va uning hajmining biroz oshishiga olib kelishi mumkin. Yetarli yo‘tal refleksi bo‘lmaganda postural drenaj yoki aspiratsiya qo‘llaniladi. 1 ml eritmada 1,78 mmol (41,02 mg) natriy mavjud. Bu ACC® preparatini natriy miqdori past bo‘lgan (kam tuzli) dietada bo‘lgan bemorlarga buyurishda hisobga olinishi kerak. Homiladorlik va laktatsiya davri Preparatni homiladorlik va laktatsiya davrida qo‘llash faqat terapiyaning onaga kutilayotgan foydasi homila va bolaga bo‘lgan potentsial xavfdan ustun bo‘lsa mumkin. Dori vositasining transport vositalarini yoki potentsial xavfli mexanizmlarni boshqarish qobiliyatiga ta’sir qilish xususiyatlari ACC® preparati transport vositalarini yoki potentsial xavfli mexanizmlarni boshqarish qobiliyatiga ta’sir qilmaydi.Batafsil

25°C dan yuqori bo‘lmagan haroratda saqlansin. Flakon birinchi ochilgandan so‘ng 2°C dan 8°C gacha (muzlatkichda) haroratda 11 kundan ortiq bo‘lmagan muddatda saqlansin. Bolalar ololmaydigan joyda saqlansin!