1 tabletkada: faol modda: atsetilsalitsil kislotasi - 500 mg; yordamchi moddalari: kartoshka kraxmali, kalsiy stearati yoki magniy stearati, talk, stearin kislotasi, limon kislotasi.

revmatizm, infeksion-allergik miokardit, revmatik poliartrit va boshqa yallig‘lanish kasalliklarini davolash, turli kelib chiqishli og‘riq sindromi (nevralgiya, mialgiya, bosh og‘rig‘i)ning yengil va o‘rtacha darajasi; tromboz va emboliyalarni oldini olish, miokard infarktining ikkilamchi profilaktikasi; infeksion-yallig‘lanish kasalliklarida isitma; katta yoshdagilar va 15 yoshdan katta bolalarda shamollash va boshqa infeksion-yallig‘lanish kasalliklarida tana haroratining ko‘tarilishi.

atsetilsalisil kislotasiga va boshqa YOKV (nosteroid yallig‘lanishga qarshi vositalar) yoki preparatning boshqa komponentlariga yuqori sezuvchanlik; eroziv-yarali oshqozon-ichak trakti (OIT) shikastlanishlari (kuchayish bosqichida); - oshqozon-ichak qon ketishi; gemorragik diatezlar; metotreksatni haftasiga 15 mg va undan yuqori dozalarda birga qo‘llash; bronxial astma, burun va burun atrofidagi bo‘shliqlarning qaytalanuvchi polipozi va atsetilsalisil kislotasiga toqat qilmaslikning birga uchrashi; salisilatlar va boshqa YOKV qabul qilish bilan induktsiyalangan bronxial astma; homiladorlik (I va III trimestr), emizish davri; 250 mg tabletkalar uchun 3 yoshgacha, 500 mg tabletkalar uchun 6 yoshgacha bo‘lgan bolalar yoshi. Preparat 15 yoshgacha bo‘lgan bolalarga virusli infeksiyalar bilan bog‘liq o‘tkir respirator kasalliklarda Reyye sindromi (ensefalopatiya va jigar yog‘li distrofiyasi bilan jigar yetishmovchiligini o‘tkir rivojlanishi) xavfi tufayli buyurilmaydi. Ehtiyotkorlik bilan: antikoagulyantlar bilan birga davolashda, podagra, oshqozon va/yoki o‘n ikki barmoqli ichak yarasi (anamnezda), shu jumladan surunkali yoki qaytalanuvchi yara kasalligi yoki oshqozon-ichak qon ketishi epizodlari; buyrak va/yoki jigar yetishmovchiligi, glyukoza-6-fosfatdegidrogenaza yetishmovchiligi; giperurikemiya, bronxial astma, surunkali obstruktiv o‘pka kasalligi, pichan isitmasi, burun polipozi, dori allergiyasi, metotreksatni haftasiga 15 mg dan kam dozada birga qabul qilish, homiladorlik (II trimestr).

Og'iz orqali, kattalar va 12 yoshdan katta bolalar uchun bir martalik doza 0,25-0,5 g ni tashkil etadi, maksimal bir martalik doza - 1,0 g (0,5 g dan 2 tabletka), maksimal sutkalik doza 3,0 g (0,5 g dan 6 tabletka). 3 yoshdan boshlab bolalar uchun, virusli infeksiyalar bilan bog'liq o'tkir respirator kasalliklardan tashqari, Reyye sindromi (ensefalopatiya va jigarni o'tkir yog'li distrofiyasi bilan o'tkir jigar yetishmovchiligining rivojlanishi) rivojlanish xavfi tufayli, bir martalik doza 0,125 g (500 mg dan 1/4 tabletka); 6 yoshdan boshlab qabul qilish uchun 0,25 g (500 mg dan 1/2 tabletka) tabletkalarda buyurish mumkin. Qabul qilish tezligi va vaqti - zaruriyat tug'ilganda bir martalik doza kuniga 3-4 marta, kamida 4 soatlik interval bilan qabul qilinishi mumkin. Preparatni muntazam qabul qilish rejimiga rioya qilish haroratning keskin ko'tarilishini oldini olish va og'riq sindromining intensivligini kamaytirishga yordam beradi. Davolash davomiyligi (shifokor bilan maslahatlashmasdan) og'riq qoldiruvchi vosita sifatida buyurilganda 7 kundan oshmasligi, isitmani tushiruvchi vosita sifatida esa 3 kundan oshmasligi kerak.

Ovqat hazm qilish tizimi tomonidan: ishtahaning pasayishi, qorin og‘rig‘i, qizilo‘ngach, ko‘ngil aynishi, qusish, oshqozon-ichak qon ketishining aniq (qusuqda qon, qora rangli najas) yoki yashirin belgilar, bu temir tanqisligi anemiyasiga olib kelishi mumkin, eroziyali-yarali shikastlanishlar (shu jumladan perforatsiya bilan) oshqozon-ichak trakti, yakka hollarda - jigar funksiyasining buzilishi (jigar transaminazalarining oshishi), diareya. Markaziy asab tizimi tomonidan: bosh aylanishi, quloqda shovqin (odatda dozani oshirib yuborish belgilaridir); uzoq muddatli qo‘llanilganda - bosh og‘rig‘i, ko‘rishning buzilishi, eshitish o‘tkirligining pasayishi, aseptik meningit. Yurak-qon tomir tizimi tomonidan: uzoq muddatli qo‘llanilganda - surunkali yurak yetishmovchiligi simptomlarining kuchayishi. Qon aylanish tizimi tomonidan: qon ketish xavfining oshishi, bu atsetilsalitsil kislotasining trombotsitlar agregatsiyasiga ta’siri natijasidir, trombotsitopeniya, anemiya, leyopeniya. Siydik ajratish tizimi tomonidan: buyrak funksiyasining buzilishi; uzoq muddatli qo‘llanilganda - interstitsial nefrite. prerenal azotemiya, qonda kreatinin miqdorining oshishi va giperkaltsiemiya. papillyar nekroz, o‘tkir buyrak yetishmovchiligi, nefrotik sindrom, shishlar. Allergik reaksiyalar: teri toshmasi, anafilaktik reaksiyalar, bronxospazm, Kvinke shishi, Rey sindromi (ensefalopatiya va jigar yog‘li distrofiyasi bilan jigar yetishmovchiligini tez rivojlanishi). Bunday simptomlar paydo bo‘lsa, preparatni qabul qilishni to‘xtatish va darhol davolovchi shifokorga murojaat qilish tavsiya etiladi.

Yallig‘lanishga qarshi, isitmani tushiruvchi, shuningdek, og‘riqni qoldiruvchi ta’sir ko‘rsatadi. Analgiziruvchi effekt gipotalamik og‘riq sezgirligi markazlariga ta’siri, shuningdek, salitsilatlarning bradikininning algogen ta’sirini kamaytirish qobiliyati bilan bog‘liq. Isitmani tushiruvchi ta’sir gipotalamusdagi termoregulyatsiya markazlariga ta’siri bilan bog‘liq. Zaif antikoagulyant faollikka ega, biroq trombotsitlar agregatsiyasini aniq darajada susaytiradi. Asetilsalitsil kislotasining yallig‘lanishga qarshi ta’siri uning yallig‘lanish o‘chog‘ida kechadigan jarayonlarga ta’siri, kapillyarlarning o‘tkazuvchanligini kamaytirish, gialuronidaza faolligini pasaytirish, ATF hosil bo‘lishini tormozlash orqali yallig‘lanish jarayonining energetik ta’minotini cheklash va boshqalar bilan izohlanadi. Biroq, yallig‘lanishga qarshi ta’sir mexanizmida asosiy ahamiyat prostaglandinlar biosintezini siklooksigenaza fermentini (ham TsOG-1, ham TsOG-2) inaktivatsiya qilish yo‘li bilan ingibitsiyalashga ega, natijada prostaglandinlar, prostatsiklinlar va tromboksan sintezi buziladi. Preparat yuqori dozalarda qo‘llanilganda, jigar hujayralarida protrombin sintezini ingibitsiyalashi va protrombin vaqtini oshirishi mumkin.

Atsetilsalisil kislotasi bronxospazm, bronxial astma xuruji yoki boshqa yuqori sezuvchanlik reaksiyalarini keltirib chiqarishi mumkin. Xavf omillari sifatida bronxial astma, burun poliplari, isitma, surunkali bronx-o‘pka kasalliklari, allergiya holatlari (allergik rinitlar, terida toshmalar) mavjudligi hisoblanadi. Atsetilsalisil kislotasi trombotsitlar agregatsiyasiga tormozlovchi ta’siri bilan bog‘liq ravishda qon ketishga moyillikni oshirishi mumkin. Bu holat jarrohlik aralashuvlari, jumladan, kichik aralashuvlar, masalan, tishni olib tashlash zarur bo‘lganda hisobga olinishi lozim. Jarrohlik aralashuvidan oldin, operatsiya davomida va operatsiyadan keyingi davrda qon ketishini kamaytirish uchun preparat qabulini 5-7 kun oldin to‘xtatish va shifokorni xabardor qilish kerak. Bolalarga atsetilsalisil kislotasi saqlovchi preparatlarni buyurish mumkin emas, chunki virusli infeksiya holatida Rey sindromi rivojlanish xavfi ortadi. Rey sindromining simptomlari uzoq davom etuvchi qusish, o‘tkir ensefalopatiya, jigar kattalashuvi hisoblanadi. Atsetilsalisil kislotasi organizmdan siydik kislotasining chiqarilishini kamaytiradi, bu esa moyil bemorlarda podagra xurujiga sabab bo‘lishi mumkin. Davolanish davrida etanol qabul qilishdan saqlanish kerak. Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak. Homiladorlik va laktatsiya davri Atsetilsalisil kislotasi teratogen ta’sirga ega; I trimestrda qo‘llanganda yuqori tanglayning yoriqlari rivojlanishiga olib keladi; III trimestrda tug‘ruq faoliyatining susayishiga (prostaglandinlar sintezining tormozlanishi), homilada arterial o‘tqazgichning muddatidan oldin yopilishiga, o‘pka tomirlarining gipertrofiyasiga va kichik qon aylanish doirasida gipertenziyaga sabab bo‘ladi. Ona suti bilan ajraladi, bu esa trombotsitlar funksiyasining buzilishi natijasida bolada qon ketish xavfini oshiradi. Agar preparatni laktatsiya davrida qo‘llash zarur bo‘lsa, emizishni to‘xtatish kerak. Transport vositalari va yuqori diqqatni talab qiluvchi mexanizmlarni boshqarish qobiliyatiga ta’siri Preparatni qabul qilish transport vositalari va boshqa mexanizmlarni boshqarishga ta’siri aniqlanmagan.

Simptomlar: o‘rtacha og‘irlikdagi ko‘ngil aynishi, qusish, quloqda shovqin, eshitishning buzilishi, bosh og‘rig‘i, bosh aylanishi va ongning chalkashishi. Ushbu simptomlar doza kamaytirilganda yoki preparat bekor qilinganda o‘tib ketadi. Og‘ir dozani oshirib yuborishda isitma, giperventilyatsiya, ketoatsidoz, respirator alkaloz, metabolik atsidoz, koma, kardiogen shok, nafas yetishmovchiligi, yaqqol gipoglikemiya. Surunkali dozani oshirib yuborishda plazmada aniqlanadigan konsentratsiya intoksikatsiya og‘irligi darajasi bilan yaxshi korrelyatsiyalanmaydi. Surunkali intoksikatsiya rivojlanishining eng yuqori xavfi bir necha kun davomida 100 mg/kg/kun dan ortiq qabul qilgan keksa yoshdagilarda kuzatiladi. Bolalar va keksa yoshdagi bemorlarda salitsilizmdan dastlabki belgilar har doim ham sezilmaydi, shuning uchun vaqti-vaqti bilan qonda salitsilatlar konsentratsiyasini aniqlash maqsadga muvofiq; 70 mg % dan yuqori daraja o‘rtacha yoki og‘ir zaharlanishni ko‘rsatadi; 100 mg % dan yuqori – nihoyatda og‘ir, prognozi noqulay. O‘rtacha va og‘ir darajadagi zaharlanishda shifoxonaga yotqizish zarur. Davolash: shifoxonaga yotqizish, me’da yuvish, faollashtirilgan ko‘mir qabul qilish, kislota-ishqor muvozanatini monitoring qilish, siydikni ishqoriylashtirish uchun siydik pH ni 7,5-8 oralig‘ida ushlab turish (majburiy ishqoriy diurezga erishilgan deb hisoblanadi, agar plazmada salitsilat konsentratsiyasi kattalarda 500 mg/l (3,6 mmol/l) dan ortiq yoki bolalarda 300 mg/l (2,2 mmol/l) dan ortiq bo‘lsa), gemodializ, suyuqlik yo‘qotilishini qoplash, simptomatik terapiya. Keksa bemorlarda ehtiyotkorlik bilan qo‘llash kerak, chunki intensiv suyuqlik infuziyasi o‘pka shishiga olib kelishi mumkin. Siydikni ishqoriylashtirish uchun atsetazolamid qo‘llanilishi tavsiya etilmaydi (atsidoz chaqirishi va salitsilatlarning toksik ta’sirini kuchaytirishi mumkin). Gemodializ salitsilatlar konsentratsiyasi 100-130 mg % dan yuqori bo‘lsa ko‘rsatiladi; surunkali zaharlanishda – 40 mg % va undan past bo‘lsa, ko‘rsatmalar mavjud bo‘lsa (refrakter atsidoz, holatning progresiv yomonlashuvi, markaziy asab tizimining og‘ir zararlanishi, o‘pka shishi va buyrak yetishmovchiligi). O‘pka shishida – kislorodga boyitilgan aralashma bilan sun’iy nafas oldirish.