Bitta tabletkadagi tarkibi:
Faol modda: Atsetilsalitsil kislotasi - 500 mg.
Yordamchi modda:
Kartoshka kraxmali - 81,78 mg;
Talq - 12 mg;
Limon kislotasi - 0,22 mg;

Yallig'lanish kasalliklari, revmatizm, og'riq sindromi, trombozlarning oldini olish.

Gipersensitivlik, me'da va o'n ikki barmoqli ichak yara kasalligi, gastrit, me'da-ichak qon ketishlari, portal gipertenziya, venoz dimlanish.

Qo'llash mumkin emas: bolalar yoshi (15 yoshgacha - virusli kasalliklar fonida gipetermiya bilan bo'lgan bolalarda Rey sindromi rivojlanish xavfi).

Og'iz orqali qabul qilinganda so'rilishi to'liq. So'rilish vaqtida ichak devorida va jigar (deatsetillanadi)da tizimli eliminatsiyaga uchraydi. Rezorbsiyalangan qismi maxsus esterozalar tomonidan tez gidrolizlanadi, shuning uchun yarim chiqarilish davri 15-20 daqiqadan oshmaydi.

Organizmda (75-90 % albumin bilan bog'langan holda) aylanadi va to'qimalarda salitsil kislotasi anioni ko'rinishida taqsimlanadi.

Maksimal konsentratsiyaga erishish uchun zarur bo'lgan vaqt - 2 soat.

Salitsilatlarning zardobdagi darajasi juda o'zgaruvchan. Salitsilatlar organizmning ko'plab to'qimalari va suyuqliklariga, shu jumladan orqa miya, peritoneal va sinovial suyuqliklarga oson kiradi. Bo'g'im bo'shlig'iga kirishi giperemiya va shish mavjudligida tezlashadi va yallig'lanishning proliferativ bosqichida sekinlashadi.

Salitsilatlar miya to'qimasida oz miqdorda, izlari - o't, ter, najasda aniqlanadi. Atsidoz yuzaga kelganda salitsil kislotasining katta qismi ionlanmagan kislota ko'rinishiga o'tadi, bu esa to'qimalarga, shu jumladan miya to'qimasiga yaxshi kiradi. Plasentadan tez o'tadi, oz miqdorda ko'krak suti bilan chiqariladi.

Asosan jigar orqali 4 ta metabolit hosil qilib metabolizmlanadi, ular ko'plab to'qimalar va siydikda aniqlanadi. Asosan buyrak kanallari orqali faol sekretsiya yo'li bilan o'zgarmagan holda (60 %) va metabolitlar ko'rinishida chiqariladi. O'zgarmagan salitsilat chiqarilishi siydik pH ga bog'liq (siydik ishqoriylashganda salitsilatlarning ionlanishi ortadi, ularning reabsorbtsiyasi yomonlashadi va chiqarilishi sezilarli darajada oshadi). Chiqish tezligi doza miqdoriga bog'liq: kichik dozalarda yarim chiqarilish davri 2-3 soat, doza oshirilganda 15-30 soatgacha cho'zilishi mumkin.

 

 

 

Asetilsalisil kislotasi bronxospazm, bronxial astma xuruji yoki boshqa yuqori sezuvchanlik reaksiyalarini keltirib chiqarishi mumkin.

Risk omillari bronxial astma, burun poliplari, isitma, surunkali bronx-o‘pka kasalliklari, allergiya holatlari (allergik rinitlar, terida toshmalar) mavjudligi hisoblanadi.

Asetilsalisil kislotasi trombotsitlar agregatsiyasiga tormozlovchi ta’siri bilan bog‘liq ravishda qon ketishga moyillikni oshirishi mumkin. Bu jarrohlik aralashuvlari, jumladan, kichik aralashuvlar, masalan, tishni olib tashlash zarur bo‘lganda hisobga olinishi kerak.

Jarrohlik aralashuvidan oldin, operatsiya davomida va operatsiyadan keyingi davrda qon ketishni kamaytirish uchun preparatni qabul qilishni 5-7 kun oldin to‘xtatish va shifokorni xabardor qilish lozim.

Bolalarga asetilsalisil kislotasi saqlovchi preparatlarni buyurish mumkin emas, chunki virusli infeksiya holatida Rey sindromi rivojlanish xavfi oshadi. Rey sindromining simptomlari uzoq davom etuvchi qusish, o‘tkir ensefalopatiya, jigar kattalashuvi hisoblanadi.

Asetilsalisil kislotasi organizmdan siydik kislotasining chiqarilishini kamaytiradi, bu esa moyil bemorlarda podagra xurujining rivojlanishiga sabab bo‘lishi mumkin.

Davolanish davrida etanol qabul qilishdan saqlanish lozim.

Preparatni bolalar uchun yetib bo‘lmaydigan joyda saqlash va yaroqlilik muddati tugaganidan keyin ishlatmaslik kerak. 

 

Sintomlar: o‘rtacha og‘irlikdagi ko‘ngil aynishi, qusish, quloqda shovqin, eshitishning buzilishi, bosh og‘rig‘i, bosh aylanishi va ongning chalkashishi.

Ushbu simptomlar doza kamaytirilganda yoki preparat bekor qilinganda o‘tib ketadi.

Og‘ir dozani oshirib yuborishda isitma, giperventilyatsiya, ketoatsidoz, respirator alkaloz, metabolik atsidoz, koma, kardiogen shok, nafas yetishmovchiligi, yaqqol gipoglikemiya.

Xronik dozani oshirib yuborishda plazmada aniqlanadigan konsentratsiya intoksikatsiya og‘irligi darajasi bilan yaxshi korrelyatsiyalanmaydi.

Xronik intoksikatsiya rivojlanishining eng yuqori xavfi keksa yoshdagi shaxslarda bir necha kun davomida 100 mg/kg/kun dan ortiq qabul qilganda kuzatiladi. Bolalar va keksa yoshdagi bemorlarda salitsilizmning dastlabki belgilarini har doim ham aniqlash mumkin emas, shuning uchun salitsilatlarning qon zardobidagi konsentratsiyasini vaqti-vaqti bilan aniqlash maqsadga muvofiq; 70 mg % dan yuqori daraja o‘rtacha yoki og‘ir zaharlanishni ko‘rsatadi; 100 mg % dan yuqori – nihoyatda og‘ir, prognozi noqulay.

O‘rtacha va og‘ir darajadagi zaharlanishda shifoxonaga yotqizish zarur.

Davolash: shifoxonaga yotqizish, me’da yuvish, faollashtirilgan ko‘mir qabul qilish, kislota-ishqor muvozanatini monitoring qilish, siydikni ishqoriylashtirish uchun siydik pH ni 7,5-8 oralig‘ida ushlab turish (majburiy ishqoriy diurezga erishilgan deb hisoblanadi, agar kattalarda qon plazmasida salitsilat konsentratsiyasi 500 mg/l (3,6 mmol/l) dan, bolalarda esa 300 mg/l (2,2 mmol/l) dan yuqori bo‘lsa), gemodializ, suyuqlik yo‘qotilishini qoplash, simptomatik terapiya.

Keksa bemorlarda ehtiyotkorlik bilan qo‘llash lozim, chunki intensiv suyuqlik infuziyasi o‘pka shishiga olib kelishi mumkin.

Siydikni ishqoriylashtirish uchun atsetazolamid qo‘llanilishi tavsiya etilmaydi (atsidoz chaqirishi va salitsilatlarning toksik ta’sirini kuchaytirishi mumkin).

Gemodializ salitsilatlar konsentratsiyasi 100-130 mg % dan yuqori bo‘lsa ko‘rsatiladi; xronik zaharlanishda – 40 mg % va undan past bo‘lsa, ko‘rsatmalar mavjud bo‘lsa (refrakter atsidoz, holatning progresiv yomonlashuvi, markaziy asab tizimining og‘ir zararlanishi, o‘pka shishi va buyrak yetishmovchiligi).

O‘pka shishida – kislorod bilan boyitilgan aralashma bilan sun’iy nafas oldirish.