Asparkam metabolik jarayonlarni tartibga soluvchi dori vositalariga kiradi. Ta'sir mexanizmi asparaginatlarning magniy va kaliy ionlarini hujayra ichki makoniga o'tkazishdagi roli va ularning metabolik jarayonlarda ishtirok etishi bilan bog'liq. Asparkam elektrolitlar disbalansini, magniy va kaliy yetishmovchiligini bartaraf etadi, miokardning qo'zg'aluvchanligi va o'tkazuvchanligini pasaytiradi, o'rtacha antiaritmik ta'sir ko'rsatadi, miokardda moddalar almashinuvini va koronar qon aylanishini yaxshilaydi, shuningdek, miokardning yurak glikozidlari va ularning toksik ta'siriga sezgirligini kamaytiradi. Mg2+ ionlari Na+, K+-ATFazalarni faollashtiradi. Shu sababli hujayra ichidagi Na+ ionlari konsentratsiyasi kamayadi va K+ ionlarining hujayraga kirishi ortadi. Hujayra ichida Na+ ionlari konsentratsiyasi kamayganda, qon tomirlarning silliq mushaklarida Na+ va Ca2+ ionlari almashinuvi sekinlashadi, bu esa ularning bo'shashishiga olib keladi. K+ ionlari ATF, glikogen, oqsillar, atsetilxolin sintezini rag'batlantiradi. K+ va Mg2+ ionlari hujayra membranalarining polaryatsiyasini saqlab turadi. Asparaginat K+ va Mg2+ ionlarining tashuvchisi bo'lib, ularning hujayra ichki makoniga kirishiga yordam beradi. Hujayraga kirgach, asparaginat ham metabolizm jarayonlariga qo'shiladi, aminokislotalar, aminoshakarlar, nukleotidlar, azotli lipidlar sinteziga yordam beradi, ishemiyalangan miokardning energetik almashinuv buzilishini tuzatadi.

Farmakokinetika

Tez va to'liq so'riladi, asosan buyraklar orqali chiqariladi. Qon plazmasida kaliy va magniy konsentratsiyasi preparat qabul qilingandan 1-2 soat o'tgach maksimal darajaga yetadi. Qondan preparat K+, Mg2+ va asparaginat ionlari ko'rinishida kardiomiyotsitlarga o'tadi va hujayra metabolizmiga qo'shiladi. 

 Preparat tarkibida kaliy ionlari mavjudligi sababli Asparkamni kaliy tejovchi diuretiklar, APF ingibitorlari, beta-adrenoblokatorlar, siklosporin bilan birga qo'llanganda giperkaliemiya rivojlanish xavfi ortadi (qon plazmasida kaliy darajasini nazorat qilish zarur) va ichak peristaltikasiga tormozlovchi ta'sir kuchayadi. Preparat tetratsiklin, temir tuzlari va natriy ftoridining peroral shakllarining so'rilishini sekinlashtiradi (qabul qilishlar orasida uch soatlik intervalga rioya qilish zarur). Asparkam miokardda trofik jarayonlarni rag'batlantiruvchi dori vositalarining ta'sirini kuchaytiradi; saluretiklar, kortikosteroidlar, yurak glikozidlari qo'llanilishi bilan bog'liq gipokaliemiyaning rivojlanishini oldini oladi. Asparkam yurak glikozidlarining kardiotoksik ta'sirini kamaytiradi. Antidepolarizatsion miorelaksantlar bilan birga qo'llanganda nerv-mushak blokadasi kuchayadi, narkoz vositalari (ketamin, geksanal, ftorotan va boshqalar) bilan birga qo'llanganda markaziy asab tizimi tormozlanadi. Asparkam neomitsin, polimiksin B, tetratsiklin va streptomitsin samaradorligini kamaytirishi mumkin. 

 Preparatni uzoq muddat qo‘llashda qonda kaliy va magniy darajasini nazorat qilish, shuningdek, elektrolit gemostazi ko‘rsatkichlari va EKG ma’lumotlarini muntazam monitoring qilish zarur. Homiladorlik yoki emizish davrida qo‘llash. Homiladorlik yoki emizish davrida preparatning salbiy ta’siri haqida ma’lumotlar yo‘q. Preparatni qo‘llash shifokor fikriga ko‘ra, onaga kutilayotgan foyda homila yoki bolaga xavfdan ustun bo‘lsa, mumkin. Avtotransport boshqarish yoki boshqa mexanizmlar bilan ishlashda reaksiya tezligiga ta’sir qilish qobiliyati. Asparkam avtotransport boshqarish yoki boshqa mexanizmlar bilan ishlashda reaksiya tezligiga ta’sir qilmaydi. Bolalar. Bolalarda preparatni qo‘llash tajribasi yo‘q. Preparatni yaroqlilik muddati tugaganidan keyin qo‘llash mumkin emas va uni bolalar uchun yetib bo‘lmaydigan joyda saqlash kerak. 

 Hozirgi vaqtda dozani oshirib yuborish holatlari qayd etilmagan. Dozani oshirib yuborishda giperkaliemiya (ko‘ngil aynishi, qusish, diareya, qorin og‘rig‘i, og‘izda metall ta’mi, bradikardiya, holsizlik, dezorientatsiya, mushak falaji, qo‘l-oyoq paresteziyasi) va gipermagniemiya (yuz terisining qizarishi, chanqoq, arterial gipotenziya, giporefleksiya, nerv-mushak o‘tkazuvchanligi buzilishi, nafas olishning susayishi, aritmiya, tutqanoq) simptomlari rivojlanishi mumkin. Elektrokardiogrammada T tishchasi balandligining oshishi, P tishchasi amplitudasining pasayishi, QRS kompleksi kengayishi qayd etiladi. Davolash – preparatni bekor qilish, simptomatik terapiya (kalsiy xlorid eritmasini 100 mg/min dozada vena ichiga yuborish), zarur bo‘lsa – gemodializ.