Profilaktika va davolash kattalar va bolalarda: gripp A va B, O'RVI, og'ir o'tkir respirator sindrom (TORS) (shu jumladan bronxit, pnevmoniya bilan asoratlangan hollarda); ikkilamchi immunodefitsit holatlar; surunkali bronxit, pnevmoniya va qaytalanuvchi gerpetik infeksiya kompleks terapiyasi. Operatsiyadan keyingi infeksion asoratlarni oldini olish va immun holatini normallashtirish. 3 yoshdan katta bolalarda rotavirus etiologiyali o'tkir ichak infeksiyalarining kompleks terapiyasi.

• umifenovirgа yoki preparatning har qanday komponentiga yuqori sezuvchanlik;
• 3 yoshgacha bo'lgan bolalar yoshi;
• homiladorlikning I trimestri;
• emizish davri.

Dori vosita og'iz orqali, ovqatdan oldin qabul qilinadi.

Bir martalik doza (yoshga qarab):

Yosh	Dori vositaning bir martalik doza, mg umifenovir (tabletkalar)
3 yoshdan 6 yoshgacha	50 mg (1 tab.)
6 yoshdan 12 yoshgacha	100 mg (2 tab.)
12 yoshdan katta va kattalar	200 mg (4 tab.)

Ko'rsatma	Dori vositani qabul qilish sxemasi
3 yoshdan boshlab bolalar va kattalarda:
Gripp va boshqa O'RVI epidemiyasi davrida noxos maxsus profilaktika	bir martalik dozada haftasiga 2 marta 3 hafta davomida.
Gripp va boshqa O'RVI bilan kasallanganlar bilan bevosita aloqada bo'lganda noxos maxsus profilaktika	bir martalik dozada kuniga 1 marta 10-14 kun davomida.
Gripp va boshqa O'RVI ni davolash	bir martalik dozada kuniga 4 marta (har 6 soatda) 5 kun davomida.
3 yoshdan boshlab bolalarda:
Rotavirus etiologiyali o'tkir ichak infeksiyalarini kompleks davolash	bir martalik dozada kuniga 4 marta (har 6 soatda) 5 kun davomida.
3 yoshdan boshlab bolalar va kattalarda:
Xronik bronxit, pnevmoniya, gerpetik infeksiyani kompleks davolash	bir martalik dozada kuniga 4 marta (har 6 soatda) 5-7 kun davomida, so'ngra bir martalik dozani haftasiga 2 marta 4 hafta davomida
Operatsiyadan keyingi infeksion asoratlarni profilaktika qilish	bir martalik dozada operatsiyadan 2 kun oldin, so'ngra operatsiyadan keyin 2 va 5-kunlarda

Dori vositani qabul qilish gripp va boshqa O'RVI birinchi simptomlari paydo bo'lishi bilan boshlanadi, iloji boricha kasallik boshlanganidan 3 kundan kechiktirmaslik kerak.

Agar Arbidol® preparatini qabul qilgandan so'ng 3 kun davomida gripp va boshqa O'RVI ni davolashda kasallik simptomlari, jumladan yuqori harorat (38°C va undan yuqori) saqlanib qolsa, bemor dori vositasini qabul qilish asoslanganligini baholash uchun shifokorga murojaat qilishi kerak.

Dori vositani faqat ko'rsatilgan ko'rsatmalar, qo'llash usuli va dozada qo'llash kerak.

Arbidol® kam toksik preparatlarga kiradi va odatda yaxshi o‘tadi. Nojo‘ya ta'sirlar kamdan-kam hollarda yuzaga keladi, odatda zaif yoki o‘rta darajada ifodalangan va o‘tkinchi xarakterga ega.

Nojo‘ya dori ta'sirlarining yuzaga kelish chastotasi Jahon sog‘liqni saqlash tashkiloti tasnifi bo‘yicha belgilangan: juda tez-tez (>1/10), tez-tez (≥1/100, lekin <1/10), kamdan-kam (≥1/1000, lekin <1/100), juda kam (≥1/10 000, lekin <1/1000), juda juda kam (<1/10 000), chastota noma'lum (mavjud ma'lumotlar asosida aniqlanmaydi).

Immun tizimidan: juda kam - allergik reaksiyalar.

Agar ko‘rsatilgan nojo‘ya ta'sirlar kuchayib ketsa yoki ko‘rsatilmagan boshqa nojo‘ya ta'sirlar paydo bo‘lsa, bemor buni shifokorga xabar qilishi kerak.

Gripp va O‘RVI davolashda qo‘shiluvchi simptomatik terapiya mumkin, jumladan, isitma tushiruvchi preparatlar, mukolitik va mahalliy qon tomirlarini toraytiruvchi vositalarni qabul qilish.

Virusga qarshi preparat. In vitro sharoitida gripp A va B viruslarini (Influenza virus A, B), shu jumladan yuqori patogen A(H1N1)pdm09 va A(H5N1) subtiplarini, shuningdek boshqa O'RVI qo'zg'atuvchi viruslarni (koronavirus (Coronavirus), og'ir o'tkir respirator sindrom (TORS) bilan bog'liq, rinovirus (Rhinovirus), adenovirus (Adenovirus), respirator-sintsitial virus (Pneumovirus) va paragripp virusi (Paramyxovirus)) aniq ravishda bostiradi. Antiviral ta'sir mexanizmi bo'yicha fuzion (birikish) ingibitorlariga kiradi, virus gemagglutininiga ta'sir qiladi va virusning lipid qobig'i bilan hujayra membranalari birikishini oldini oladi. O'rtacha immunomodulyator ta'sirga ega, organizmning virusli infeksiyalarga chidamliligini oshiradi. Interferon-induktsiyalovchi faollikka ega - sichqonlarda o'tkazilgan tadqiqotda interferonlar induktsiyasi 16 soat ichida kuzatilgan, yuqori interferon titrlari esa qonga yuborilgandan so'ng 48 soatgacha saqlangan. Immunitetning hujayraviy va gumoral reaksiyalarini rag'batlantiradi: qonda limfotsitlar sonini, ayniqsa T-hujayralar (CD3) sonini oshiradi, T-xelperlar (CD4) sonini oshiradi, T-supressorlar (CD8) darajasiga ta'sir qilmaydi, immunoregulyator indeksni normallashtiradi, makrofaglarning fagotsitar funksiyasini rag'batlantiradi va tabiiy killerlar (NK-hujayralar) sonini oshiradi.

Virusli infeksiyalarda terapevtik samaradorligi kasallik davomiyligi va og'irligini, asosiy simptomlarini kamaytirishda, shuningdek virusli infeksiya bilan bog'liq asoratlar va surunkali bakterial kasalliklarning zo'rayishlari rivojlanish tezligini kamaytirishda namoyon bo'ladi.

Kam toksik preparatlarga kiradi (LD50 >4 g/kg). Tavsiya etilgan dozada peroral qo'llanganda inson organizmiga hech qanday salbiy ta'sir ko'rsatmaydi.

Preparatni qabul qilishning tavsiya etilgan sxemasi va davomiyligiga rioya qilish zarur. Agar preparatning bir dozasi qabul qilinmay qolsa, o'tkazib yuborilgan doza imkon qadar tezroq qabul qilinishi va preparatni qabul qilish boshlangan sxema bo'yicha davom ettirilishi kerak.

Agar Arbidol® preparatini gripp va boshqa O'RVI davolashda qabul qilgandan so'ng 3 kun davomida kasallik simptomlari, jumladan yuqori harorat (38°C va undan yuqori) saqlanib qolsa, preparatni qabul qilish asoslanganligini baholash uchun shifokorga murojaat qilish zarur.

Transport vositalari va mexanizmlarni boshqarish qobiliyatiga ta'siri

Markaziy neyrotrop faollik namoyon qilmaydi va tibbiy amaliyotda harakatlarni muvofiqlashtirish va diqqatni oshirishni talab qiluvchi turli kasb egalari (jumladan, transport haydovchilari, operatorlar)da qo'llanilishi mumkin.

Preparatning dozani oshirib yuborish holatlari qayd etilmagan.

Boshqa dori vositalari bilan birga buyurilganda salbiy ta'sirlar kuzatilmagan.

Arbidol® preparatining boshqa dori vositalari bilan o'zaro ta'sirini o'rganishga bag'ishlangan maxsus klinik tadqiqotlar o'tkazilmagan.

Klinik tadqiqot sharoitida isitmani tushiruvchi, mukolitik va mahalliy tomirlarni toraytiruvchi dori vositalari bilan nojo'ya o'zaro ta'sirlar haqida ma'lumotlar aniqlanmagan.