Faol modda: amoksitsillin trigidrat (amoksitsillinga qayta hisoblaganda) – 250 mg yoki 500 mg; yordamchi moddalari: kartoshka kraxmal, magniy stearat, kalsiy stearat, talk.

Preparatga sezgir mikroorganizmlar keltirib chiqargan infeksion kasalliklarni, ayniqsa nafas olish organlari, siydik-jinsiy tizimi, o‘t yo‘llari, me’da-ichak trakti, teri va yumshoq to‘qimalar infeksiyalarini davolash. Kompleks antibiotik-xirurgik terapiya doirasida preparat safro pufagi va o‘t yo‘llarida salmonella tashuvchilarni sanatsiya qilish uchun qo‘llaniladi.

Penitsillinlarga, sefalosporinlarga yuqori sezuvchanlik, og‘ir jigar yetishmovchiligi, amoksitsillinga sezgir bo‘lmagan mikroorganizmlar keltirib chiqaradigan infeksion kasalliklar, ayniqsa, pseudomonadalar va stafilokokklar; allergiya, bronxial astma, pichan tumovi yoki toshma (urtikariya) anamnezida, infeksion mononukleoz, limfoleykoz, homiladorlik va laktatsiya.

Og‘iz orqali, ovqatdan oldin yoki keyin. Kattalar va 10 yoshdan katta bolalarga (tana vazni 40 kg dan ortiq) odatda kunlik doza 1,0-1,5 g buyuriladi. 5 yoshdan 10 yoshgacha bo‘lgan bolalarda kunlik doza odatda 0,75 g, 2 yoshdan 5 yoshgacha – 0,375 g, 2 yoshdan kichiklarda – 20 mg/kg vazn. Kunlik doza 2-3 qabulga bo‘linadi. Infeksion kasallik og‘ir kechganida doza ikki baravar oshirilishi mumkin. Preparat bilan davolash kamida 5-7 kun davom etishi kerak, biroq surunkali bronxit zo‘rayishlarida odatda faqat balg‘amning yiringli ajralishi davrida buyuriladi. Beta-gemolitik streptokokk keltirib chiqargan infeksiyalarda asoratlarning oldini olish uchun preparatni kamida 10 kun qo‘llash kerak. Kasallik simptomlari yo‘qolganidan so‘ng preparat qabulini 48 soat davom ettirish zarur. O‘tkir gonoreyada 3 g bir marta 1 g probenetsid bilan birga buyuriladi. Ayollarni davolashda ko‘rsatilgan doza takrorlanishi tavsiya etiladi. Jigar funksiyasi pasayganda preparat dozalari o‘zgartirilmaydi. Gemodializdan so‘ng dializlangan miqdorni to‘ldirish kerak. Buyrak funksiyasi buzilgan bemorlarda KK 10 ml/min dan past bo‘lsa, preparat dozasini 15-50% ga kamaytiradilar yoki qabul oralig‘ini 24 soatgacha oshiradilar. KK 10-30 ml/min bo‘lsa, preparat 500 mg dozada 12 soat oralig‘ida buyuriladi. Murakkab bo‘lmagan siydik chiqarish yo‘llari infeksiyalarida har bir qabul uchun 3 g dan ikki marta, 10-12 soat oralig‘ida buyuriladi.

Allergik reaksiyalar: eritema, toshma, rinit, kon’yunktivit; kamdan-kam hollarda – isitma, bo‘g‘imlarda og‘riq, eozinofiliya; juda kam hollarda – anafilaktik shok, Kvinke shishi. Ovqat hazm qilish tizimi buzilishlari ham yuzaga kelishi mumkin: ko‘ngil aynishi, qusish, diareya, orqa chiqaruv sohasida qichishish, juda kam hollarda soxta membranoz va gemorragik kolitlar. Kam hollarda interstitsial nefrid rivojlanishi mumkin, juda kam hollarda – agranulositoz, trombotsitopeniya.

Yarim sintetik penitsillinlar guruhiga mansub keng ta'sir doirasiga ega antibiotik. Bakteritsid ta'sir ko‘rsatadi, hujayra qobig‘ining sintezini bostiradi. Gram-musbat (gemolitik va negemolitik Streptococcus spp., Staphylococcus spp., beta-laktamaza (penitsillinaza) ishlab chiqarmaydigan, Clostridium spp., Bacillus anthracis, Corynebacterium diphtheriae, Enterococcus spp.) va gram-manfiy mikroorganizmlarga (Haemophilus influenzae, Bordetella pertussis, Proteus mirabilis, Brucella spp., Neisseria gonorrhoeae va Neisseria meningitidis, Salmonella spp., Shigella spp., Esherichia coli, Borrelia burgorfery, Helicobacter pylori) nisbatan faol. Beta-laktamaza (penitsillinaza) ishlab chiqaruvchi mikroorganizmlarga, Pseudomonas, indol-musbat Proteus, Serratia, Enterobacterga nisbatan faol emas.

Preparatni bolalar ololmaydigan joyda saqlash va yaroqlilik muddati tugaganidan keyin ishlatmaslik kerak.

Ovqat hazm qilish tizimi funksiyasining buzilishi simptomlari: ko‘ngil aynishi, qusish, diareya, natijada suv-elektrolit muvozanatining buzilishi mumkin. Davolash: oshqozonni yuvish, faollashtirilgan ko‘mir, tuzli ich ketkazuvchi vositalar buyurish, suv-elektrolit muvozanati buzilganda – tuzli eritmalar infuziyasi.