faol modda amoksitsillin trigidrat (amoksitsillinga hisoblaganda) – 250 mg yoki 500 mg; yordamchi moddalari kartoshka kraxmal, magniy stearat, kalsiy stearat, talk.

Preparatga sezgir mikroorganizmlar keltirib chiqargan infeksion kasalliklarni, ayniqsa nafas olish organlari, siydik-jinsiy tizim, o't yo'llari, me'da-ichak trakti, teri va yumshoq to'qimalar infeksiyalarini davolash. Kompleks antibiotik-xirurgik terapiya doirasida preparat o't pufagi va o't yo'llarida salmonella tashuvchilarni sanatsiya qilish uchun qo'llaniladi.

Penitsillinlar, sefalosporinlarga yuqori sezuvchanlik, og‘ir jigar yetishmovchiligi, amoksitsillinga sezgir bo‘lmagan mikroorganizmlar keltirib chiqaradigan infeksion kasalliklar, ayniqsa, psedomonadalar va stafilokokklar; allergiya, bronxial astma, pichan tumovi yoki toshma (krapivnitsa) anamnezda, infeksion mononukleoz, limfoleykoz, homiladorlik va laktatsiya.

Og'iz orqali, ovqatdan oldin yoki keyin. Kattalar va 10 yoshdan katta bolalarga (tana vazni 40 kg dan ortiq) odatda kunlik doza 1,0-1,5 g buyuriladi. 5 dan 10 yoshgacha bo'lgan bolalarda kunlik doza odatda 0,75 g, 2 dan 5 yoshgacha - 0,375 g, 2 yoshdan kichiklarda - 20 mg/kg vazn. Kunlik doza 2-3 marta qabul qilishga bo'linadi. Infeksion kasallik og'ir kechsa, doza ikki baravar oshirilishi mumkin. Preparat bilan davolash kamida 5-7 kun davom etishi kerak, biroq surunkali bronxit zo‘rayishida odatda faqat yiringli balg‘am ajralishi davrida buyuriladi. Beta-gemolitik streptokokk keltirib chiqargan infeksiyalarda asoratlarni oldini olish uchun preparatni kamida 10 kun qo'llash kerak. Kasallik simptomlari yo'qolganidan keyin preparatni 48 soat davomida qabul qilish zarur. O'tkir gonoreyada 3 g bir marta, 1 g probenetsid bilan birga buyuriladi. Ayollarni davolashda ko'rsatilgan doza takrorlanishi tavsiya etiladi. Jigar funksiyasi pasayganda preparat dozasini o'zgartirilmaydi. Gemodializdan so'ng dializlangan miqdorni to'ldirish kerak. Buyrak funksiyasi buzilgan bemorlarda KK 10 ml/min dan past bo'lsa, preparat dozasini 15-50% ga kamaytirish yoki qabul qilish oralig'ini 24 soatgacha oshirish kerak. KK 10-30 ml/min bo'lsa, preparat 500 mg dozada 12 soatlik interval bilan buyuriladi. Murakkab bo'lmagan siydik chiqarish yo'llari infeksiyalarida har bir qabulga 3 g dan ikki marta, 10-12 soatlik interval bilan buyuriladi.

Allergik reaksiyalar: eritema, toshma, rinit, kon'yunktivit; kamdan-kam hollarda - isitma, bo'g'imlarda og'riq, eozinofiliya; juda kam hollarda - anafilaktik shok, Kvinke shishi. Shuningdek, ovqat hazm qilish trakti buzilishlari: ko'ngil aynishi, qusish, diareya, anus sohasida qichishish, juda kam hollarda soxta membranoz va gemorragik kolitlar paydo bo'lishi mumkin. Kam hollarda interstitsial nefrid rivojlanishi, juda kam hollarda agranulositoz, trombotsitopeniya kuzatilishi mumkin.

Yarim sintetik penitsillinlar guruhiga mansub keng ta'sir doirasiga ega antibiotik. Bakteritsid ta'sir ko‘rsatadi, hujayra qobig‘ining sintezini susaytiradi. Gram-musbat (gemolitik va negemolitik Streptococcus spp., Staphylococcus spp., beta-laktamaza (penitsillinaza) ishlab chiqarmaydigan, Clostridium spp., Bacillus anthracis, Corynebacterium diphtheriae, Enterococcus spp.) va gram-manfiy mikroorganizmlarga (Haemophilus influenzae, Bordetella pertussis, Proteus mirabilis, Brucella spp., Neisseria gonorrhoeae va Neisseria meningitidis, Salmonella spp., Shigella spp., Esherichia coli, Borrelia burgorfery, Helicobacter pylori) nisbatan faol. Beta-laktamaza (penitsillinaza) ishlab chiqaruvchi mikroorganizmlar, Pseudomonas, indol-musbat Proteus, Serratia, Enterobacterga nisbatan faol emas.

Preparat bolalar uchun yetib bo'lmaydigan joyda saqlanishi va yaroqlilik muddati tugaganidan keyin ishlatilmasligi kerak.

Me'da-ichak trakti funksiyasining buzilishi simptomlari: ko'ngil aynishi, qusish, diareya, natijada suv-elektrolit muvozanatining buzilishi mumkin. Davolash: me'dani yuvish, faollashtirilgan ko'mir, tuzli ich ketkazuvchilar buyurish, suv-elektrolit muvozanati buzilganda - tuzli eritmalar infuziyasi.