faol modda: amoksitsillin; 1 tabletka tarkibida amoksitsillin trigidrati, amoksitsillinga qayta hisoblaganda — 250 mg yoki 500 mg; yordamchi moddalari: natriy kraxmalglikolat (A turi), povidon, kalsiy stearat.

Nafas olish organlari, siydik-jinsiy tizimi, ovqat hazm qilish trakti infeksiyalari (shu jumladan, metronidazol yoki klaritromitsin bilan birga Helicobacter pylori bilan bog‘liq kasalliklarni davolash uchun qo‘llaniladi), teri va yumshoq to‘qimalar infeksiyalari, dori vositasiga sezgir mikroorganizmlar tomonidan chaqirilgan.

Amoksil preparati komponentlariga va/yoki penitsillin guruhiga mansub har qanday antibakterial vositalarga yuqori sezuvchanlik. Boshqa beta-laktam agentlar (jumladan, tsefalosporinlar, karbapenemlar yoki monobaktamlar) qo‘llanilishi bilan bog‘liq bo‘lgan og‘ir gipersezuvchanlik reaksiyalari (jumladan, anafilaksiya) tarixi. Infeksion mononukleoz va limfatik tipdagi leykoemoid reaksiyalar.

Amoxil preparatini qo‘llashda doza diapazoni juda keng. Dozani, qabul qilish tezligini va davolash davomiyligini shifokor individual ravishda belgilaydi. Kattalar va tana vazni 40 kg dan ortiq bo‘lgan bolalarga Amoxil preparatini 250 mg dan 500 mg gacha kuniga 3 marta yoki 500 mg dan 1000 mg gacha kuniga 2 marta qabul qilish tavsiya etiladi. Sinusit, pnevmoniya va boshqa og‘ir infeksiyalarda 500 mg dan 1000 mg gacha kuniga uch marta qabul qilish kerak. Sutkalik doza maksimal 6 g gacha oshirilishi mumkin. Tana vazni 40 kg dan kam bo‘lgan bolalarga asosan Amoxil preparatini 40–90 mg/kg/sut kuniga 3 marta yoki 25 mg dan 45 mg/kg/sut kuniga ikki marta qabul qilish tavsiya etiladi. Bolalar uchun maksimal sutkalik doza tana vazniga 100 mg/kg ni tashkil etadi. Yengil va o‘rta og‘irlikdagi infeksiyalarda preparatni 5–7 kun davomida qabul qilish kerak. Biroq, streptokokklar chaqirgan infeksiyalarda davolash davomiyligi kamida 10 kun bo‘lishi lozim. Surunkali kasalliklarni, mahalliy infeksion shikastlanishlarni, og‘ir kechadigan infeksiyalarni davolashda preparat dozalari kasallikning klinik manzarasini hisobga olgan holda belgilanadi. Preparatni qabul qilish kasallik simptomlari yo‘qolganidan keyin 48 soat davom ettirilishi kerak. Amoxil buyrak yetishmovchiligi bo‘lgan bemorlarga qo‘llanilishi mumkin. Og‘ir buyrak yetishmovchiligida (kreatinin klirensi < 10 ml/min, ya’ni 0,16 ml/s) preparatni qabul qilish oraliqlari 12–24 soatni tashkil etishi, preparat dozasini esa 15–50% ga kamaytirish kerak. Jigar funksiyasi buzilganda doza tuzatish talab etilmaydi. Amoxilni ovqat qabul qilishdan qat’i nazar qabul qilish mumkin. Tabletkani suyuqlik bilan yutib yuborish kerak. Amoxil preparati bilan davolanish vaqtida bemorga odatdagidan ko‘proq suyuqlik ichish tavsiya etiladi.

Amoksitsillin — yarim-sintetik aminopenitsillin antibiotik, keng ta'sir doirasiga ega, og'iz orqali qo'llaniladi. Bakteriyalarning hujayra devori sintezini to'xtatadi. Keng antimikrob ta'sir doirasiga ega. Preparatga quyidagi mikroorganizmlar sezgir: grammusbat aeroblar: Corinebacterium diphteriae, Enterococcus faecalis, Listeria monocytogenes, Streptococcus agalactiae, Streptococcus bovis, Streptococcus pyogenes; grammanfiy aeroblar: Helicobacter pylori; anaeroblar: Peptostreptococci; Boshqalar: Borrelia. Doimiy bo'lmagan sezgirlik (orttirilgan rezistentlik muammo bo'lishi mumkin): Corinebacterium spp., Enterococcus faecium, Streptococcus pneumoniae, Streptococcus viridans, Escherichia coli, Haemophilus influenzae, Haemophilus parainfluenzae, Moraxella catarrhalis, Proteus mirabilis, Prevotella, Fusobacterium spp. Quyidagi turlar rezistent: Staphylococcus aureus, Acinetobacter, Citrobacter, Enterobacter, Klebsiella, Legionella, Morganella morganii, Proteus vulgaris, Providencia, Pseudomonas, Serratia, Bacteroides fragilis, Chlamidia, Mycoplasma, Rickettsia.

Gipersensitivlik reaksiyalari. Amoksitsillin bilan davolashni boshlashdan oldin bemorda penitsillinlar, tsefalosporinlar yoki boshqa allergenlarga gipersensitivlik reaksiyalari bo‘lgan-bo‘lmaganini diqqat bilan o‘rganish zarur. Penitsillinlar va tsefalosporinlar o‘rtasida o‘zaro gipersensitivlik va o‘zaro rezistentlik (10–15%) bo‘lishi mumkin. Penitsillin terapiyasida bo‘lgan bemorlarda jiddiy va ba’zan o‘limga olib keluvchi gipersensitivlik reaksiyalari (anafilaktoid reaksiyalar va og‘ir teri nojo‘ya reaksiyalari) kuzatilgan. Bunday reaksiyalar ko‘proq og‘ir allergik reaksiyalar tarixi bo‘lgan bemorlarda uchraydi. Preparat bilan davolashni to‘xtatish va boshqa mos davolashga o‘tish zarur. Anafilaktik reaksiyalar simptomlarini davolash talab qilinishi mumkin, masalan, adrenalin, steroidlar (vena ichiga) va nafas yetishmovchiligini zudlik bilan davolash. Gipersensitivlik reaksiyasi bilan bog‘liq o‘tkir koronar sindrom (Kounis sindromi). Amoksitsillin bilan davolashda kamdan-kam hollarda gipersensitivlik reaksiyasi (gipersensitivlik reaksiyasi bilan bog‘liq o‘tkir koronar sindrom, qarang «Nojo‘ya reaksiyalar» bo‘limi) haqida xabar berilgan; bunday reaksiyalar yuzaga kelganda mos davolashni qo‘llash zarur. Buyrak yetishmovchiligi. Buyrak yetishmovchiligi bo‘lgan bemorlarda amoksitsillinning chiqarilishi buyrak yetishmovchiligi darajasiga qarab kamayishi mumkin. Og‘ir buyrak yetishmovchiligida amoksitsillin bilan davolashni to‘xtatish yoki amoksitsillin dozasini kamaytirish kerak. Tutikmalar. Buyrak funksiyasi buzilgan bemorlarda, shuningdek, yuqori dozalarda preparat qabul qilayotgan yoki moyilligi bo‘lgan (masalan, epilepsiya tarixi, tutqanoq xurujlariga moyillik, epilepsiya, meningit yoki markaziy asab tizimi kasalliklari bilan birga davolashda, qarang «Nojo‘ya reaksiyalar» bo‘limi) bemorlarda tutqanoq xurujlari yuzaga kelishi mumkin. Yarish-Gerkshgeymer reaksiyasi. Laym kasalligini amoksitsillin bilan davolashda Yarish-Gerkshgeymer reaksiyasi (qarang «Nojo‘ya reaksiyalar» bo‘limi) kuzatilishi mumkin, bu amoksitsillinning Laym kasalligi qo‘zg‘atuvchisi — Borrelia burgdorferi spiroxetasiga bakteritsid ta’siri natijasida yuzaga keladi. Bemorlarni bu antibiotiklar bilan Laym kasalligini davolashning keng tarqalgan oqibati ekanligi haqida xabardor qilish zarur; odatda, simptomlar sog‘ayish bilan yo‘qoladi. Kristalluriya. Diurezi kamaygan bemorlarda juda kam hollarda, asosan parenteral terapiyada, kristalluriya kuzatiladi. Yuqori dozalarda preparat qo‘llanganda amoksitsillin sababli yuzaga kelishi mumkin bo‘lgan kristalluriyani oldini olish uchun yetarli miqdorda suyuqlik iste’mol qilish zarur. Siydikda amoksitsillinning yuqori konsentratsiyasi siydik kateterida cho‘kma hosil bo‘lishiga olib kelishi mumkin, shuning uchun uni ma’lum vaqt oralig‘ida vizual tekshirish kerak (qarang «Nojo‘ya reaksiyalar» va «Dozani oshirib yuborish» bo‘limlari). Nozik mikroorganizmlar. Amoksitsillin ayrim infeksiyalarni davolash uchun mo‘ljallanmaganligi sababli, preparatni faqat patogen mikroorganizmlar aniqlanganda yoki ushbu infeksion qo‘zg‘atuvchi amoksitsillinga sezgir bo‘lishi ehtimoli yuqori bo‘lganda (qarang «Farmakologik xususiyatlar» bo‘limi) qo‘llash kerak. Bu, xususan, siydik yo‘llari infeksiyalari va quloq, tomoq va burunning og‘ir infeksiyalari bo‘lgan bemorlarga taalluqlidir. Rezistentlik. Preparatni uzoq muddat qo‘llash nozik mikroorganizmlar yoki xamirturushlarning ortiqcha o‘sishiga olib kelishi mumkin. Superinfeksiya yuzaga kelishi mumkin, bu esa bunday bemorlarni diqqat bilan kuzatishni talab qiladi. Psevdomembranoz kolit. Amoksitsillin hamda deyarli barcha antibakterial preparatlarni qo‘llashda antibiotik bilan bog‘liq kolitning yengil darajasidan hayot uchun xavfli darajasigacha rivojlanishi haqida xabar berilgan. Psevdomebranli kolitga xos bo‘lgan og‘ir diareya (aksariyat hollarda Clostridium difficile sababli) yuzaga kelganda preparatni qo‘llashni to‘xtatish va mos choralarni ko‘rish tavsiya etiladi. Bunday hollarda peristaltikani susaytiruvchi dori vositalari kontrendikatsiyalangan. Gemorragik kolit yoki gipersensitivlik reaksiyalari yuzaga kelganda ham zarur choralarni ko‘rish kerak. Og‘ir ovqat hazm qilish buzilishlari, diareya va qusish bilan kechadigan bemorlarga amoksitsillinning peroral shakllarini qo‘llash tavsiya etilmaydi, chunki so‘rilish kamayishi xavfi mavjud. Bolalarda amoksitsillin tish emalini rangini o‘zgartirishi mumkin, shuning uchun bemor tomonidan og‘iz bo‘shlig‘i gigiyenasiga qat’iy rioya qilish zarur. Infeksion mononukleoz. Infeksion mononukleoz yoki limfatik tipdagi leykomoid reaksiyalari bo‘lgan bemorlarda ekzantema tez-tez kuzatiladi, bu penitsillinga gipersensitivlik natijasi emas. Shuning uchun preparatni mononukleozli bemorlarga qo‘llash tavsiya etilmaydi. Amoksitsillinni o‘tkir limfoleykoz yoki infeksion mononukleozli bemorlarni davolash uchun qo‘llash tavsiya etilmaydi, chunki terida eritematoz toshmalar paydo bo‘lish xavfi yuqori. Yuqori dozalarda davolash vaqtida qon ko‘rsatkichlarini muntazam nazorat qilish kerak. Teri reaksiyalari. Davolash boshida isitma va pustulalar bilan kechadigan umumiy eritema paydo bo‘lishi o‘tkir umumiy ekzematoz pustulyoz rivojlanayotganidan dalolat berishi mumkin, bu amoksitsillin bilan davolashni to‘xtatishni talab qiladi. Keyinchalik amoksitsillinni qo‘llash kontrendikatsiyalangan. Uzoq muddatli davolashda organizm tizimlari, jumladan, buyrak, jigar va gemopoetik tizim funksiyasini vaqti-vaqti bilan baholash tavsiya etiladi. Yuqori dozalarda davolash vaqtida qon ko‘rsatkichlarini muntazam nazorat qilish kerak. Jigar fermentlari darajasining oshishi va qon hujayralari sonining o‘zgarishi haqida xabar berilgan (qarang «Nojo‘ya reaksiyalar» bo‘limi). Antikoagulyantlar. Amoksitsillin qabul qilgan bemorlarda protrombin vaqti uzayishi kamdan-kam hollarda qayd etilgan. Antikoagulyantlarni bir vaqtda qo‘llashda tegishli monitoring zarur. Qon ivishining istalgan darajasini saqlash uchun peroral antikoagulyantlar dozasini moslashtirish talab qilinishi mumkin (qarang «Boshqa dori vositalari bilan o‘zaro ta’siri va boshqa o‘zaro ta’sir turlari» va «Nojo‘ya reaksiyalar» bo‘limlari). Helicobacter pylori ni eradikatsiya qilish uchun kombinasiyalangan terapiya tarkibida preparat qo‘llanganda, kombinasiyalangan terapiyaning boshqa dori vositalari bo‘yicha qo‘llanma bilan tanishib chiqish zarur. Amoksil dori vositasi, tabletkalar, tarkibida natriy mavjud (250 mg tabletkada natriy miqdori 3,311 mg/tabletkadan 4,967 mg/tabletkagacha; 500 mg tabletkada – 6,622 mg/tabletkadan 9,933 mg/tabletkagacha), bu natriy nazorat qilinadigan dietada bo‘lgan bemorlarni davolashda hisobga olinishi kerak.