1 flakon tarkibida: ta'sir qiluvchi modda: amoksitsillin natriy (amoksitsillinga ekvivalent) - 1000 mg, klavulanat kaliy (klavulan kislotasiga ekvivalent) - 200 mg.

Preparatga sezgir mikroorganizmlar keltirib chiqargan infeksiyalarni davolash: yuqori nafas yo‘llari infeksiyalari (quloq, tomoq va burun infeksiyalari jumladan), masalan, qaytalanuvchi tonzillit, sinusit, o‘rta otit, Streptococcus pneumoniae, Haemophilus influenzae, Moraxella catarrhalis va Streptococcus pyogenes tomonidan chaqirilgan; quyi nafas yo‘llari infeksiyalari (surunkali bronxitning og‘ir zo‘rayishi, lobar pnevmoniya va bronxopnevmoniya, Streptococcus pneumoniae, Haemophilus influenzae va Moraxella catarrhalis tomonidan chaqirilgan); siydik-jinsiy yo‘llar infeksiyalari (tsistit, uretrit, pielonefrit, ayollarning jinsiy a’zolari infeksiyalari, Enterobacteriaceae oilasiga mansub bakteriyalar (asosan Escherichia coli), Staphylococcus saprophyticus va Enterococcus spp. tomonidan chaqirilgan, shuningdek, Neisseria gonorrhoeae tomonidan chaqirilgan gonoreya); terining va yumshoq to‘qimalarning infeksiyalari, Streptococcus aureus, Streptococcus pyogenes va Bacteroides spp. tomonidan chaqirilgan; suyak va bo‘g‘imlar infeksiyalari (osteomiyelit, Streptococcus aureus tomonidan chaqirilgan, uzoq muddatli davolash zarur bo‘lsa); boshqa infeksiyalar (septik abort, tug‘ruqdan keyingi sepsis, septitsemiya, peritonit, intraabdominal sepsis, operatsiyadan keyingi infeksiyalar va ularning profilaktikasi, ular KJTr, tos a’zolari, bosh va bo‘yning, yurak, buyrak, o‘t yo‘llari organlarida keng ko‘lamli jarrohlik aralashuvlari bilan bog‘liq bo‘lishi mumkin, shuningdek, sun’iy bo‘g‘imlarni implantatsiya qilishda).

anamnezda xolestatik sariqlik yoki amoksitsillin/klavulan kislotasi qabul qilinishi natijasida yuzaga kelgan jigar funksiyasi buzilishi; penitsillinlar guruhi antibiotiklariga yuqori sezuvchanlik; amoksitsillin yoki klavulan kislotaga yoki preparatning boshqa komponentlariga yuqori sezuvchanlik.

Preparat tomir ichiga (v/v) yuboriladi. Preparat dozası bemorning yoshi, tana vazni va buyrak funksiyasiga, shuningdek, infeksiya og‘irligiga bog‘liq. Kattalar va 12 yoshdan katta bolalarga 1,2 g (1000 mg + 200 mg) har 8 soatda (og‘ir holatlarda - har 6 soatda), 3 oylikdan 12 yoshgacha bo‘lgan bolalarga 30 mg/kg (butun preparat hisobida) har 8 soatda (og‘ir holatlarda - har 6 soatda), 3 oylikkacha (muddatidan oldin tug‘ilgan va yangi tug‘ilganlarga) 30 mg/kg (butun preparat hisobida) har 12 soatda, 0 dan 3 oygacha - har 8 soatda buyuriladi. Jarrohlik aralashuvlarida profilaktik doza 1,2 g, induksiya narkozida, uzoq davom etadigan operatsiyalarda 1,2 g gacha kuniga 4 martagacha. Buyrak yetishmovchiligi bo‘lgan bemorlarda doza va/yoki preparat yuborish oralig‘i kreatinin klirensiga qarab moslashtirilishi kerak. Birinchi doza - 1,2 g, so‘ngra 600 mg v/v, har 24 soatda Yuborish oralig‘i 48 soat va undan ko‘proqqa uzaytirilishi kerak Preparatning 85 % gemodializ orqali chiqarib yuboriladi, shuning uchun preparat gemodializ tugagandan so‘ng yuboriladi. Peritoneal dializda dozalash tartibini o‘zgartirish talab qilinmaydi. Davolash kursi 5-14 kun. V/v in’eksiya uchun eritmalar tayyorlash va yuborish qoidalari: 1,2 g flakon tarkibini 20 ml in’eksiya uchun suvda eritish kerak. V/v sekin (3-4 daqiqa davomida) yuboriladi. V/v infuziyalar uchun eritmalar tayyorlash va yuborish qoidalari: 1,2 g flakon tarkibini 100 ml infuzion eritmada eritish kerak. Infuziya davomiyligi 30-40 daqiqa.

Allergik reaksiyalar: angionevrotik shish, anafilaksiya, zardob kasalligiga o‘xshash sindrom, allergik vaskulit; ba'zan - eshakemi yoki teri toshmasi, teri qichishishi; kamdan-kam hollarda - ko‘p shaklli eritema, Stivens-Djonson sindromi, toksik epidermal nekroliz, bullezli eksfoliativ dermatit, o‘tkir generalizatsiyalashgan ekzantematoz pustulez. Ovqat hazm qilish tizimi tomonidan: diareya, ko‘ngil aynishi, qusish; kamdan-kam hollarda - teri va shilliq qavatlarning kandidozi, antibiotiklar qabul qilinishi bilan bog‘liq kolit (shu jumladan soxta parda hosil qiluvchi va gemorragik kolit). ACT va/yoki ALT faolligining o‘rtacha oshishi mumkin (klinik ahamiyati noma'lum); kamdan-kam hollarda - gepatit, xolestatik sariqlik. Qon yaratilish tizimi tomonidan: kamdan-kam hollarda - tranzitor leykopeniya (shu jumladan neyropeniya va agranulositoz), qaytariluvchi trombotsitopeniya va gemolitik anemiya. Qon ivish tizimi tomonidan: ba'zan - qon ketish vaqti va protrombin vaqti uzayishi. Markaziy asab tizimi tomonidan: juda kam hollarda - bosh aylanishi, bosh og‘rig‘i, tutqanoq, qaytariluvchi giperkativlik. Siydik ajratish tizimi tomonidan: kamdan-kam hollarda - interstitsial nefrite; juda kam hollarda - kristalluriya. Mahalliy reaksiyalar: in'ektsiya joyida tromboflebit bo‘lishi mumkin.

Keng ta'sir doirasiga ega bo‘lgan, S-laktamaz ta'siriga chidamli, amoksitsillin va klavulan kislotani o‘z ichiga olgan kombinatsiyalangan antibiotik. Amoksitsillin - yarim sintetik aminopenitsillin, beta-laktam antibiotiklar guruhiga mansub, ko‘plab gram-musbat va gram-manfiy mikroorganizmlarga nisbatan keng antibakterial faollikka ega. Ta'kidlash joizki, amoksitsillin laktamazlar ta'sirida parchalanadi va ularni ishlab chiqaradigan mikroorganizmlarga ta'sir qilmaydi. Klavulan kislotasi - laktam birikmasi, keng doiradagi laktamazlarni inaktivatsiya qilish xususiyatiga ega. Klavulan kislotasining turli dori shakllarida mavjudligi amoksitsillinni laktamazlarning buzuvchi ta'siridan himoya qiladi va uning faollik doirasini samarali kengaytiradi. Preparat, umuman olganda, bakteritsid ta'sir ko‘rsatadi. Gram-musbat aeroblarga nisbatan faol: Streptococcus pneumoniae, S.pyogenes, S.viridans, S.bovis, Staphylococcus aureus, S.epidermidis, Listeria spp., Enterococcus spp. Gram-manfiy aeroblarga: Bordetella pertussis, Brucella spp., Campylobacter jejuni, E.coli, Gardnerella vaginalis, H.influenzae, H.ducreyi, Klebsiella spp., Moraxella catarrhalis, N.gonorrhoeae, N.meningitidis, Pasteurella multocida, Proteus spp., Salmonella spp., Shigella spp., Vibrio cholerae, Yersinia enterocolitica. Anaeroblarga: Peptococcus spp., Peptostreptococcus spp., Clostridium spp., Bacteroides spp., Actinomyces israelii.

Preparatni kursli qo‘llashda qon yaratish organlari, jigar, buyraklar funksiyasini nazorat qilish zarur. Buyrak funksiyasining og‘ir buzilishlari bo‘lgan bemorlarga preparat dozasini yetarli darajada tuzatish yoki preparatni qo‘llash oralig‘ini oshirish talab etiladi. Ko‘plab infeksion mononukleoz va limfoleykoz bilan kasallangan, ampisillin olgan bemorlarda eritematoz toshma paydo bo‘lishi kuzatilganligi sababli, bunday bemorlarda penisillinlar guruhi antibiotiklarini qo‘llash tavsiya etilmaydi. Preparat kaliy saqlaydi. Natriy miqdorini cheklovchi dietaga rioya qilayotgan bemorlar har bir 1,2 g flakonda 59,3 mg natriy borligini hisobga olishlari kerak. Maksimal kunlik doza tarkibidagi natriy miqdori 200 mg dan oshadi. Preparat yuqori dozalarda qo‘llanganda, Benedikt reaktivi yoki Felling eritmasidan foydalangan holda siydikda glyukoza darajasini aniqlashda soxta musbat reaksiya bo‘lishi mumkin. Ehtiyotkorlik bilan: preparat tsefalosporin qatoridagi antibiotiklarga ma’lum yuqori sezuvchanligi bo‘lgan, anamnezida soxta membranoz kolit, jigar yetishmovchiligi, buyrak funksiyasining og‘ir buzilishlari bo‘lgan bemorlarga buyuriladi. Homiladorlik va laktatsiya davrida qo‘llanishi Preparatni homiladorlikda faqat aniq ko‘rsatmalar mavjud bo‘lsa buyurish mumkin. Amoksitsillin va klavulan kislotasi kichik miqdorlarda ona suti bilan ajraladi. Transport vositasini yoki potensial xavfli mexanizmlarni boshqarish qobiliyatiga ta’siri Tavsiya etilgan dozalarda preparatning avtomobil boshqarish va mexanizmlarni boshqarish qobiliyatiga salbiy ta’siri haqida ma’lumotlar yo‘q.