1 tabletka tarkibida: faol modda: Amitriptilin gidroxlorid 10 mg, 25 mg yordamchi modda: natriy glikolat kraxmal, laktosa monogidrat, mikrokristallik tsellyuloza kremniy dioksid kolloid, talk, magniy stearat, dixlormetan, izopropil spirti.

Depressiyalarni davolash, ayniqsa endogen depressiyalarni.

Amitriptilinga va/yoki ushbu preparatning har qanday yordamchi moddasiga yuqori sezuvchanlik; o‘tkir miokard infarkti davri; aritmiyalar (ayniqsa yurak blokadasi); 16 yoshgacha bo‘lgan bolalar; MAO ingibitorlari bilan bir vaqtda qo‘llash.

Og'iz orqali qo'llaniladi. Dozalar kasallik simptomlari va bemorning yoshiga qarab tanlanadi, kunlik doza asta-sekin oshiriladi. Ambulator davolashda kunlik doza odatda 75 mg ni tashkil etadi, bu bir necha marta qabul qilinadi (yoki bir marta kechqurun qo'llaniladi). Zarur bo'lsa, doza maksimal darajaga, ya'ni 150 mg ga oshirilishi mumkin. Preparatning kunlik dozasining asosiy qismini kunning ikkinchi yarmida yoki kechqurun qo'llash tavsiya etiladi. Optimal terapevtik ta'sir 30 kun davomida erishiladi. Alternativ davolash usuli – kechasi uxlashdan oldin bir martalik 50-100 mg doza. Bu doza asta-sekin 25 yoki 50 mg ga oshirilishi mumkin, maksimal kunlik doza – 150 mg dan oshmasligi kerak. Statsionarda davolashni kuniga 100 mg dozadan boshlash mumkin, kunlik doza asta-sekin 200 mg gacha oshiriladi. Kamdan-kam hollarda doza kuniga 300 mg gacha oshirilishi mumkin. Bolalarda qo'llanilishi. Amitriptilinning ta'siri o'rganilmagan, shuning uchun depressiyani davolash uchun preparatni faqat 16 yoshdan katta yoshdagilarda qo'llash mumkin. Qariyalar va o'smirlar. Amitriptilinning kunlik doza odatda 10 mg 3 marta va kechasi uxlashdan oldin 20 mg ni tashkil etadi. Qo'llab-quvvatlovchi terapiyada amitriptilinning kunlik doza 50 - 100 mg ni tashkil etadi. Ayrim hollarda u kamroq – 40 mg bo'lishi mumkin. Kunlik doza odatda kechasi uxlashdan oldin qo'llaniladi. Optimal terapevtik ta'sirga erishilgandan so'ng, kunlik doza kasallik simptomlarini bartaraf etuvchi minimal dozaga asta-sekin kamaytiriladi. Qo'llab-quvvatlovchi terapiya 3 oy va undan ko'proq davom etadi. Agar siz navbatdagi dozani qabul qilishni unutgan bo'lsangiz, iloji boricha tezroq dori vositasini qabul qiling. Agar keyingi dori qabul qilish vaqti yaqinlashgan bo'lsa, o'tkazib yuborilgan dozani qabul qilmang. Dori vositasini shifokor tavsiyasiga muvofiq davom ettiring va dozani ikki barobar oshirmang.

Og'iz qurishi, qorachiqning kengayishi, akkomodatsiya buzilishi, siydik tutilishi, uyquchanlik, bosh aylanishi, qo'llarning titrashi, paresteziyalar, allergik reaksiyalar, aritmiyalar. Bunday hollarda preparat dozasini kamaytirish kerak.

Amitriptilin - tritsiklik antidepressantlar guruhiga mansub sedativ ta'sirga ega psixotrop modda hisoblanadi. Preparat monoaminooksidaza (MAO) fermenti faolligiga ta'sir qilmaydi va markaziy asab tizimini (MAT) bevosita stimullamaydi. U noradrenalin va serotoninning MAT adrenergik va serotoninergik sinapslarida qayta bog'lanishini to'xtatadi. Preparatga yaqqol xolinolitik xususiyatlar xos. Amitriptilin asosan endogen depressiyani davolash uchun qo'llaniladi. Preparat ayniqsa qo'zg'algan depressiv holatlarda samarali. U depressiv bemorlarda kayfiyatni yaxshilaydi va bezovtalikni bartaraf etadi, depressiyaning ifodaliligini kamaytiradi, tushkunlik, gallyutsinatsiyalar va stimullovchi ta'sirga ega antidepressantlarga xos boshqa simptomlarni kuchaytirmaydi. Depressiyalardagi ta'sir mexanizmi to'liq aniqlanmagan.

Homiladorlik va laktatsiya davrida qo'llanilishi Amitriptilin platsentar to'siqdan o'tadi. Homiladorlik davrida amitriptilin qabul qilgan onalarning yangi tug'ilgan chaqaloqlarida preparatning MAT, limbik tizimga salbiy ta'siri yoki rivojlanish buzilishlari haqida alohida xabarlar mavjud. Preparatni homiladorlik davrida faqat shifokor ko'rsatmasi bo'yicha favqulodda holatlarda qo'llash mumkin. Amitriptilin qabul qilinayotgan davrda bolani emizishni to'xtatish kerak. Amitriptilin ona suti bilan ajraladi. Kuzatuvlarga ko'ra, amitriptilin 100 mg/kun qabul qilgan va emizayotgan onada preparatning qon plazmasidagi darajasi 83-141 ng/ml, sutda esa 135-151 ng/ml ni tashkil etadi. Yangi tug'ilgan chaqaloqlarning qon plazmasida amitriptilin aniqlanmaydi. Avtomobil va murakkab mexanizmlarni boshqarish qobiliyatiga ta'siri Amitriptilin transport vositalarini boshqarish va mexanizmlarga xizmat ko'rsatish qobiliyatiga ta'sir qilishi mumkin (e'tibor, harakat faolligi va tez tanlash qobiliyatiga qaytar ta'sir ko'rsatadi). Preparatni qabul qilish davrida xavfli, chaqqonlik va tezkor reaksiya talab qiladigan ishlarni bajarishdan saqlanish kerak.

Tritsiklik antidepressantlar bilan zaharlanishni davolash uchun aniq qarshi dori mavjud emas. Bemorlar shifoxonaga yotqizilishi va davolash simptomatik bo'lishi kerak.