ta'sir qiluvchi moddalari 1 ml eritmada alanin - 6,4 mg arginin gidroxloridi - 6,4 mg valin - 4,9 mg gistidin gidroxlorid monogidrati - 3,2 mg glitsin - 8,0 mg izoleytsin - 4,4 mg leytsin - 9,8 mg lizin gidroxloridi - 11,5 mg metionin - 5,7 mg prolin - 6,4 mg treonin - 4,3 mg triptofan - 1,44 mg fenilalanin - 7,0 mg

Aminokislotalar almashinuvining buzilishi, gipergidratatsiya, qoldiq azot ko‘rsatkichlari oshgan o‘tkir buyrak yetishmovchiligi, jigar funksiyasining og‘ir buzilishlari, metabolik atsidoz, og‘ir qon aylanishi buzilishlari, gipoksiya, dekompensatsiyalangan yurak yetishmovchiligi, fenilketonuriya, preparat komponentlariga yuqori sezuvchanlik.

Preparatga toqatlilik bo‘yicha biologik sinovni o‘tkazish uchun quyidagi sxemadan foydalanish

40 kg gacha bo‘lgan bemorlarga 2 ml preparatni tomir ichiga yuborish;
40 kg dan 60 kg gacha bo‘lgan bemorlarga 3 ml preparatni tomir ichiga oqim bilan yuborish;
60 kg dan yuqori bo‘lgan bemorlarga 5 ml preparatni tomir ichiga oqim bilan yuborish. Preparatga toqatlilik bo‘yicha bemorning reaksiyasini baholash. Sinov o‘tkazilgandan so‘ng 3 daqiqa ichida salbiy reaksiya bo‘lmasa, preparatni Qo‘llash bo‘yicha yo‘riqnoma asosida qo‘llash.
Kattalarga tomir ichiga tomchilab daqiqasiga 15-25 tomchi (soatiga 45-75 ml) tezlikda buyuriladi. Har 100 ml preparatni yuborish uchun kamida 100. Yuborishdan oldin eritmani 35-37 °C gacha isitish kerak.

Qisman parenteral ovqatlantirishda sutkalik doza 400-800 mlni 5 kun davomida, to‘liq parenteral ovqatlantirishda esa 400-1200 mlni har kuni enteral ovqatlantirish tiklangunga qadar tashkil etadi.

Tez yuborilganda yuzning giperemiyasi, haroratning ko‘tarilishi, bosh aylanishi, ko‘ngil aynishi, bosh og‘rig‘i, qusish mumkin. Preparatni periferik venaga yuborish venoz devorlarning tirnashini va tromboflebitni chaqirishi mumkin.

Aminol 13 ta aminokislotadan iborat muvozanatli aralashma bo‘lib, ulardan 8 tasi almashtirib bo‘lmaydigan, sekin yuborilganda organizm tomonidan oson o‘zlashtiriladi. Energetik ehtiyojlar ta'minlanganda aminokislotalar oqsillar biosinteziga qo‘shiladi, musbat azot balansiga yordam beradi va oqsil yetishmovchiligini bartaraf etadi.

Faqat shaffof eritmani butun butilkadan qo'llash kerak.

Tavsiya etilgan infuziya tezligining oshirilishi aminokislotalarning to'liq o'zlashtirilmasligiga va preparatning siydik bilan yo'qolishiga olib keladi. Aminokislotalarning to'liqroq o'zlashtirilishini ta'minlash uchun preparatni kiritishni uglevodlar (glyukoza), B 1 , B 6 , S vitaminlari eritmalari bilan bir vaqtda yuborish tavsiya etiladi.

Yurak faoliyati dekompensatsiyasi, buyrak yoki jigar yetishmovchiligi bo'lgan bemorlarga Aminol buyurilishi zarur bo'lsa, preparat ehtiyotkorlik bilan, kamaytirilgan dozalarda, diurez va qondagi biokimyoviy ko'rsatkichlar nazorati ostida, miya qon quyilishi mavjud bo'lsa - umumiy yuborilgan suyuqlik hajmi sutkada 2 l dan oshmasligi bo'yicha tavsiyalarni hisobga olgan holda buyuriladi.

Aminol uzoq muddat buyurilganda har kuni plazma osmolyerligini, siydikdagi azot miqdorini, elektrolitlar, mochevina va qondagi kislota-ishqor muvozanatini nazorat qilish zarur.

Periferik vena orqali har qanday infuziya tomir devorlarining tirnash xususiyati va tromboflebitga olib kelishi mumkin. Shuning uchun kateter o'rnatilgan joyni har kuni ko'zdan kechirish tavsiya etiladi. Agar bemorga yog'li emulsiya ham buyurilgan bo'lsa, uni imkon qadar Aminol bilan bir vaqtda yuborish kerak, bu flebit rivojlanish xavfini kamaytiradi. Aseptika qoidalariga, ayniqsa markaziy venaga kateter o'rnatishda, qat'iy rioya qilish zarur.

Preparatni qo'llashda quyidagilarga rioya qilish kerak:

preparat butilka ochilgandan so'ng darhol ishlatilishi kerak;
preparat faqat bir martalik qo'llash uchun mo'ljallangan;
yaroqlilik muddati tugagan preparatni ishlatmaslik kerak;
butilkada qolgan ishlatilmagan eritma va infuziyadan so'ng qolgan butun aralashma yo'q qilinishi kerak.
HOMILADORLIK YOKI EMIZISH DAVRIDA QO'LLANISHI

Homiladorlik va emizish davrida ayollarni davolash uchun ehtiyotkorlik bilan, faqat aniq ko'rsatmalar mavjud bo'lsa va preparatning mumkin bo'lgan xavfi va kutilayotgan samarasi nisbati baholangandan so'ng qo'llash kerak.

AVTOTRANSPORT YOKI BOSHQA MEXANIZMLARNI BOSHQARISHDA REAKSIYA TEZLIGIGA TA'SIR QILISH QOBILIYATI
Preparat faqat statsionar sharoitda qo'llaniladi.