faol modda: ambroksol gidroxlorid 30 mg;

yordamchi modda: laktoza (sut shakari), kartoshka kraxmali, kalsiy stearati, aerosil.

O‘tkir va surunkali nafas yo‘llari kasalliklarida, quyuq balg‘am ajralishi bilan kechadigan (o‘tkir va surunkali bronxit, pnevmoniya, obstruktiv bronxit, bronxial astma sekretsiya ajralishi buzilishi bilan, bronxoektatik kasallik, shuningdek, burun-halqum bo‘shlig‘i yallig‘lanishlarida shilliqni suyultirishni yaxshilash uchun) mukolitik terapiya.

Ambroksol yoki preparatning boshqa komponentlariga yuqori sezuvchanlik, homiladorlik davri (I trimestr) va laktatsiya, me’da va 12 barmoqli ichak yara kasalligi, preparatni yo‘talga qarshi preparatlar bilan bir vaqtda qabul qilish.

Tabletkalar og‘iz orqali, ovqatdan keyin, butun holda ko‘p miqdorda suyuqlik bilan qabul qilinadi. Kattalar va 12 yoshdan oshgan bolalarga dastlabki 2-3 kun davomida 30 mg dan kuniga 2-3 marta, so‘ngra 30 mg dan kuniga 2 marta yoki 15 mg dan kuniga 3 marta buyuriladi. 5 yoshdan 12 yoshgacha bo‘lgan bolalarga odatda 15 mg dan kuniga 2-3 marta buyuriladi. Qo‘llash davomiyligi ko‘rsatmalarga va kasallik kechishiga bog‘liq bo‘lib, individual belgilanadi.

Kamdan-kam hollarda holsizlik, bosh og‘rig‘i, ko‘ngil aynishi, qorin og‘rig‘i, qusish, diareya, og‘iz yoki yuqori nafas yo‘llarida qurish, sialoreya, burun oqishi, qabziyat va siyishda qiyinchilik, gipersensitivlik reaksiyalari, masalan, teri va shilliq qavatlarda toshma, yuz shishishi, nafas qisilishi, harorat ko‘tarilishi, titroq va juda kam hollarda anafilaktik shok rivojlanishi. Buyrak yetishmovchiligida ambroksol metabolitlarining jigar to‘qimalarida to‘planish ehtimoli hisobga olinishi kerak.

Mukolitik preparat kuchli balg‘am ko‘chiruvchi ta’sirga ega. Preparat bronxlar shilliq qavati bezlarining seroz hujayralarini stimulyatsiya qilish hisobiga balg‘amni suyuqlashtiradi. Balg‘amning seroz va shilliq komponentlari nisbatini normallashtirib, balg‘amdagi mukopolisaxaridlar orasidagi bog‘larni parchalovchi fermentlarning hosil bo‘lishi va ishlab chiqarilishini, su faktant hosil bo‘lishini stimulyatsiya qiladi. Su faktant ishlab chiqarilishi oshishi natijasida preparat yallig‘lanishga qarshi ta’sir ko‘rsatadi, antioksidant xususiyatlarga ega va mahalliy immunitetni oshiradi.

Buyrak yoki jigar funksiyasi buzilgan, bronxial sekretsiyaning ko‘payishi bilan bog‘liq kasalliklarda (masalan, yomon sifatli kiprikli sindrom) preparatni alohida ehtiyotkorlik bilan buyurish kerak. Bunday hollarda preparatni qabul qilishda shifokor nazorati talab etiladi.

Allergik reaksiyalarning birinchi belgilari paydo bo‘lsa, preparatni qabul qilishni to‘xtatish kerak. Navbatdagi doza qabul qilinmay qolgan taqdirda, keyingi qabulda preparat dozasini oshirmaslik kerak.

Preparat diabet kasalligiga chalingan bemorlarga buyurilganda, 1 tabletka 0,01 XE ga tengligini yodda tutish kerak.