faol modda: ambroksol,

1 tabletkada 30 mg ambroksol gidroxlorid mavjud;

yordamchi modda: laktosa monogidrat, makkajo'xori kraxmal, mikrokristallik tsellyuloza, magniy stearat, kremniy dioksidi.

Bronxopulmonal kasalliklarning o'tkir va surunkali shakllarida, bronxial sekretsiya buzilishi va shilliqning harakatlanishi susayishi bilan bog'liq bo'lgan sekretolitik davolash.

Ambroksol, 30 mg tabletkalar, ambroksol gidroxloridiga yoki preparatning boshqa komponentlariga yuqori sezuvchanligi bo'lgan bemorlarga qo'llash mumkin emas.

Ambroksol, 30 mg tabletkalar, dozasi tufayli 6 yoshgacha bo'lgan bolalarda qo'llash uchun mo'ljallanmagan. 6 yoshgacha bo'lgan bolalarga Ambroksol, 15 mg/5 ml sirop qo'llash tavsiya etiladi.

Agar boshqacha buyurilmagan bo‘lsa, Ambroksol preparatining tavsiya etilgan doza miqdori, 30 mg tabletkalar uchun, quyidagicha:

6 yoshdan 12 yoshgacha bo‘lgan bolalar: ½ tabletka kuniga 2−3 marta (bu kuniga 30−45 mg ambroksol gidroxloridiga teng);

Kattalar va 12 yoshdan katta bolalar: dastlabki 2−3 kun davomida 1 tabletka kuniga 3 marta (bu kuniga 90 mg ambroksol gidroxloridiga teng). Davolashni 1 tabletka kuniga 2 marta (bu kuniga 60 mg ambroksol gidroxloridiga teng) davom ettirish kerak.

Zarur bo‘lsa, kattalar va 12 yoshdan katta bolalar uchun terapevtik ta’sir 2 tabletka kuniga 2 marta (bu kuniga 120 mg ambroksol gidroxloridiga teng) qabul qilish orqali kuchaytirilishi mumkin.

Tabletkalarni butun holda yutish, yetarli miqdorda suyuqlik (suv, choy yoki meva sharbati) bilan, ovqatdan keyin qabul qilish kerak.

Ambroksol, 30 mg tabletkalar, shifokor bilan maslahatlashmasdan 4−5 kundan ortiq qo‘llanmasligi kerak.

Sirob yoki inhalatsiya va ichga qabul qilish uchun eritmani qabul qila olmaydigan 6 yoshdan katta bolalarga qo‘llaniladi.

Nojo‘ya ta’sirlar tez-tezligini baholash uchun quyidagi tasnifdan foydalanilgan:

juda tez-tez  >10 %;

tez-tez             >1 % va  <10 %;

kamdan-kam         >0,1 % va <1 %;

noyob            >0,01 % va <0,1 %;

juda noyob  <0,01 %;

noma’lum    mavjud ma’lumotlar asosida baholab bo‘lmaydi.

kamdan-kam − shilliq qavatlar tomonidan reaksiyalar, isitma.

noyob − teri toshmasi, eshakemi;

noma’lum − angionevrotik shish, qichishish, anafilaktik reaksiyalar, shu jumladan anafilaktik shok, boshqa allergik reaksiyalar, eritema, terining og‘ir shikastlanishlari: Stivens − Jonson sindromi va toksik epidermal nekroliz (Layell sindromi).

tez-tez − ko‘ngil aynishi;

kamdan-kam − qusish, dispepsiya, qorin og‘rig‘i, diareya;

juda noyob − so‘lak ajralishi.

noma’lum − nafas qisishi (gipersensitivlik reaksiyasi sifatida).

Doklinik jihatdan isbotlangan, Ambroksolning 30 mg tabletkalaridagi faol modda – ambroksol gidroxlorid – nafas yo‘llari bezlarining sekretsiyasini oshiradi. Ambroksol to‘g‘ridan-to‘g‘ri alveolalardagi II tip pnevmotsitlar va bronxiolalardagi Klara hujayralariga ta’sir qilib, o‘pka surfaktantining ajralishini kuchaytiradi, shuningdek, siliyar faollikni stimulyatsiya qiladi, natijada shilliq ajralishi va uning chiqarilishi (mukosiliyar klirens) osonlashadi. Mukosiliyar klirensning yaxshilanishi kliniko-farmakologik tadqiqotlar davomida isbotlangan.

Suyuqlik sekretsiyasining faollashuvi va mukosiliyar klirensning oshishi shilliqni chiqarishni va yo‘talni yengillashtiradi.

Ambroksol gidroxloridning mahalliy anestezik ta’siri quyon ko‘zi modelida kuzatilgan, bu natriy kanallarini bloklash xususiyatlari bilan izohlanishi mumkin. In vitro tadqiqotlar ambroksol gidroxloridning neyron natriy kanallarini bloklashini ko‘rsatdi; bog‘lanish qaytar va konsentratsiyaga bog‘liq edi.

Ambroksol gidroxlorid in vitro yallig‘lanishga qarshi ta’sir ko‘rsatdi. Shunday qilib, ambroksol gidroxlorid qon va to‘qimalardagi mononuklear va polimorfonuklear hujayralardan sitokin ajralishini sezilarli darajada kamaytiradi.

Faringit bilan kasallangan bemorlar ishtirokida o‘tkazilgan klinik sinovlar natijasida preparatni qo‘llashda tomoqdagi og‘riq va qizarishning sezilarli kamayishi isbotlangan.

Ambroksolning farmakologik xususiyatlari tufayli yuqori nafas yo‘llari kasalliklarini davolashda og‘riq tezda yengillashgan, bu ambroksolning inhalyatsion shakllarining klinik samaradorligi tadqiqotlarida kuzatilgan.

Ambroksol gidroxloridni qo‘llash antibiotiklarning (amoksitsillin, tsefuroksim, eritromitsin va dokstsiklin) bronx-o‘pka sekreti va balg‘amdagi konsentratsiyasini oshiradi.

Faqat bir nechta xabarlar terining og‘ir shikastlanishlari haqida kelib tushgan: Stivens – Jonson sindromi va toksik epidermal nekroliz (Layell sindromi), bu ambroksol gidroxlorid kabi balg‘am ko‘chiruvchi vositalarni qo‘llash bilan bog‘liq. Asosan, ularni bemorlardagi asosiy kasallikning og‘ir kechishi va boshqa dori vositasini bir vaqtda qo‘llash bilan izohlash mumkin edi.

Shuningdek, Stivens – Jonson sindromi yoki Layell sindromining boshlang‘ich bosqichida bemorlarda gripp boshlanganiga o‘xshash noaniq simptomlar, masalan, isitma, og‘riq, rinit, yo‘tal va tomoq og‘rig‘i bo‘lishi mumkin. Bunday noaniq, gripp boshlanganiga o‘xshash simptomlarda yo‘tal va shamollashga qarshi simptomatik davolash noto‘g‘ri qo‘llanilishi mumkin. Terining yoki shilliq qavatlarning yangi shikastlanishlari paydo bo‘lsa, darhol tibbiy yordamga murojaat qilish va ambroksol gidroxlorid bilan davolashni to‘xtatish kerak.

Ambroksol, 30 mg tabletkalar, maksimal tavsiya etilgan kunlik doza 120 mgda 147 mg laktoza saqlaydi. Galaktozani kamdan-kam uchraydigan irsiy o‘zlashtira olmaslik, Lapp laktaza yetishmovchiligi yoki glyukoza va galaktoza so‘rilishining buzilishi bo‘lgan bemorlarga ushbu preparatni qabul qilish tavsiya etilmaydi.

Ambroksol gidroxlorid shilliq sekretsiyasini kuchaytirishi mumkinligi sababli, Ambroksol, 30 mg tabletkalar, bronxial motorika buzilishi va kuchaygan shilliq sekretsiyasi (masalan, birlamchi siliyar diskinziya kabi kam uchraydigan kasallikda) bo‘lsa, ehtiyotkorlik bilan qo‘llanilishi kerak.

Bubirga, buyrak faoliyati buzilgan yoki jigar yetishmovchiligining og‘ir darajasi bo‘lgan bemorlarga Ambroksol, 30 mg tabletkalar, faqat shifokor bilan maslahatlashgandan so‘ng qabul qilinishi kerak. Ambroksolni, jigar orqali metabolizatsiyalanib, so‘ngra buyraklar orqali chiqariladigan har qanday faol modda kabi qo‘llanganda, og‘ir buyrak yetishmovchiligi bo‘lgan bemorlarda jigarda hosil bo‘ladigan metabolitlar to‘planadi.

Homiladorlik. Ambroksol gidroxlorid platsentar to‘siqdan o‘tadi. Hayvonlarda o‘tkazilgan tadqiqotlar homiladorlikning borishi, embrion/ homila rivojlanishi, tug‘ruq yoki postnatal rivojlanishga to‘g‘ridan-to‘g‘ri yoki bilvosita zararli ta’sirini aniqlamadi.

Preparatni homiladorlikning 28-haftasidan keyin qo‘llash bo‘yicha klinik tadqiqotlar natijasida homilaga zararli ta’siri aniqlanmadi.

Biroq, homiladorlik davrida dori vositalarini qabul qilish bo‘yicha umumiy xavfsizlik choralariga rioya qilish zarur. Xususan, homiladorlikning birinchi trimestrida Ambroksol, 30 mg tabletkalar, qo‘llash tavsiya etilmaydi.

Emizish. Ambroksol gidroxlorid ona sutiga o‘tadi. Ambroksol, 30 mg tabletkalar, emizish davrida qo‘llash tavsiya etilmaydi.

Avtotransport boshqarish yoki boshqa mexanizmlar bilan ishlashda reaksiya tezligiga ta’siri haqida ma’lumot yo‘q. Mos tadqiqotlar o‘tkazilmagan.