bitta tabletkada faol modda ambroksol gidroxlorid – 30 mg; yordamchi moddalari sut shakari (laktoza), kartoshka kraxmalı, kalsiy stearati, aerosil (kremniy dioksidi).

Nafas yo'llarining o'tkir va surunkali kasalliklari, quyuq balg'am ajralishi bilan kechuvchi: - o'tkir va surunkali bronxit; - pnevmoniya; - surunkali obstruktiv o'pka kasalligi; - balg'am ajralishi qiyin bo'lgan bronxial astma; - bronxoektatik kasallik.

Gipersensitivlik, homiladorlik (I trimestr), 12 yoshgacha bo'lgan yosh (12 yoshgacha bo'lgan bolalarga sirop shaklida buyuriladi). Laktaza yetishmovchiligi (glyukoza/galaktoza so'rilishi buzilishi sindromi yoki saxaroza/izomaltaza yetishmovchiligi) bo'lsa, preparat tarkibida laktoza borligini hisobga olish kerak. Ehtiyotkorlik bilan: jigar yetishmovchiligi, buyrak yetishmovchiligi, me'da va o'n ikki barmoqli ichak yara kasalligi, homiladorlik (II-III trimestr), laktatsiya davri.

Og'iz orqali, ovqatdan keyin, ko'p miqdorda suyuqlik bilan ichiladi. Kattalar va 12 yoshdan katta bolalarga – kuniga 3 marta 1 tabletka (30 mg). Zarur bo'lsa, terapevtik ta'sirni kuchaytirish uchun kuniga 2 marta 2 tabletka (60 mg) buyurish mumkin. Kasallik og'ir kechgan hollarda butun davolash kursi davomida doza kamaytirilmaydi. 12 yoshgacha bo'lgan bolalarga sirop shaklida. Shifokor bilan maslahatlashmasdan preparatni 5 kundan ortiq qabul qilish tavsiya etilmaydi.

Allergik reaksiyalar: teri toshmasi, eshakemi, angionevrotik shish, ayrim hollarda – allergik kontakt dermatiti, anafilaktik shok. Kamdan-kam hollarda – umumiy holsizlik, bosh og'rig'i, diareya, dizuriya, ekzantemalar, rinoreya, qabziyat. Yuqori dozalarda uzoq muddat qo'llanganda – gastralgiya, ko'ngil aynishi, qusish.

Mukolitik va balg‘am ko‘chiruvchi vosita. Sekretomotor, sekretolitik va balg‘am ko‘chiruvchi ta’sirga ega. Ambroksol bronxlar shilliq qavati kiprikli epiteliyining harakat faolligini rag‘batlantiradi (mukokinetik yoki sekretomotor ta’sir). Bronx epiteliyining kiprikli (tsiliyar) hujayralari spiral peristaltik qisqarishlari orqali shilliqni bronxial daraxtdan chiqaradi (mukotsiliar transport yoki mukotsiliar klirens). Ambroksol mukotsiliar transportni sezilarli darajada yaxshilaydi. Ambroksol bronxlar shilliq qavati bezlarining seroz hujayralarini rag‘batlantiradi, balg‘amning shilliq komponenti miqdorini oshiradi va seroz hamda shilliq komponentlarining buzilgan nisbatini normallashtiradi. Gidrolizlovchi fermentlarni faollashtirib va Klara hujayralaridan lizosomalar ajralishini kuchaytirib, balg‘amning yopishqoqligi va uning adgeziv xususiyatlarini kamaytiradi (mukolitik yoki sekretolitik ta’sir). Ambroksol alveolalar va bronxlarda sirt faol modda (surfaktant) sintezi va sekretsiyasini oshiradi. Ushbu mexanizmlar natijasida balg‘amning yopishqoqligi sezilarli darajada kamayadi va uning ko‘chishi yaxshilanadi. Og‘iz orqali qabul qilingandan so‘ng ta’siri 30 daqiqadan keyin boshlanadi va 6-12 soat davom etadi.

Eksspektorant ta'sirini qiyinlashtiradigan yo'talga qarshi dori vositalari bilan birga qo'llash tavsiya etilmaydi. Preparatni yaroqlilik muddati tugaganidan keyin qo'llash mumkin emas va uni bolalar uchun yetib bo'lmaydigan joyda saqlash kerak.

Belgilari: ko'ngil aynishi, qusish, diareya, dispepsiya. Davolash: sun'iy qusish chaqirish, preparat qabul qilingandan keyin dastlabki 1-2 soat ichida oshqozonni yuvish; yog'li mahsulotlarni qabul qilish.