ta'sir qiluvchi modda: ambroksol gidroxlorid 5 ml siropda 30 mg ambroksol gidroxlorid (100% quruq modda hisobida) yordamchi moddalari: natriy benzoat (E 211), propilenglikol, glitserin, natriy saxarin, sorbit (E 420), gidroksietilsellyuloza, limon kislotasi monogidrat, o'rik aromatizatori, apelsin aromatizatori, mentol, tozalangan suv.

Bronxial sekretsiya buzilishi va balg‘am ajralishi susayishi bilan bog‘liq o‘tkir va surunkali bronx-o‘pka kasalliklarida sekretolitik terapiya.

Ambroksolga yoki preparatning boshqa komponentlariga yuqori sezuvchanlik (allergiya) irsiy fruktozani o‘zlashtira olmaslik.

Kattalar va 12 yoshdan oshgan bolalar uchun - kuniga 2 marta 10 ml (2 dozalovchi qoshiq), bu kuniga 120 mg ambroksol gidroxloridga teng. Preparatni ovqat paytida yoki ovqatdan qat'i nazar qabul qilish mumkin. Ovqat qabul qilish preparat samaradorligiga ta'sir qilmaydi. Nafas yo'llarining o'tkir kasalliklari va surunkali holatlarning boshlang'ich davolash muddati - 14 kungacha. Agar simptomlar 14 kundan ko'proq davom etsa yoki preparat qabul qilinishiga qaramay kuchaysa, shifokor bilan maslahatlashish kerak. Yuqori doza bilan dozani belgilash rejimi boshlang'ich davolashda qo'llanilishi kerak, 14 kunlik davolashdan so'ng doza ikki baravar kamaytirilishi mumkin.

Preparat bemorlar tomonidan yaxshi ko'tariladi. Ovqat hazm qilish tizimi: dispepsiya, qorin qaynashi, ko'ngil aynishi, qusish, qorin og'rig'i, diareya / qabziyat, gipersalivatsiya, og'iz qurishi, og'iz va / yoki halqum shilliq qavatining gipesteziyasi. Nafas olish tizimi: rinoreya, yuqori nafas yo'llari shilliq qavatining qurishi, nafas qisishi (gipersensitivlik reaksiyasi belgisi sifatida). Siydik ajratish tizimi: dizuriya. Asab tizimi: disgevziya (ta'm sezish buzilishi). Immun tizimi, teri va teri osti to'qimalari: qichishish, toshma, eshakemi, angionevrotik shish, anafilaktik reaksiyalar (anafilaktik shokni o'z ichiga oladi), isitma, titroq, boshqa allergik reaksiyalar. Boshqalar: shilliq qavatlar tomonidan reaksiyalar. Juda kam hollarda terining og'ir shikastlanishlari, masalan, Stivens-Djonson sindromi, Layell sindromi yuzaga kelishi mumkin.

Mukolitik vositalar, masalan, ambroksol gidroxlorid qo‘llanilganda, Stivens-Djonson sindromi, Layell sindromi (toksik epidermal nekroliz) kabi terining og‘ir shikastlanishlari bo‘yicha alohida hollarda xabarlar bo‘lgan. Asosan, ularni asosiy kasallikning og‘irligi va / yoki hamroh terapiya bilan izohlash mumkin edi. Bundan tashqari, Stivens-Djonson sindromi yoki Layell sindromining dastlabki bosqichida bemorlarda grippga o‘xshash noaniq prodromal simptomlar, masalan, isitma, tana og‘rig‘i (suyaklar og‘rig‘i), rinit, yo‘tal, tomoq og‘rig‘i kuzatilishi mumkin. Ularni noto‘g‘ri baholash natijasida bemorlar yo‘tal va shamollash simptomatik davolash uchun preparatlar qabul qilgan bo‘lishi mumkin. Shu sababli, ambroksol 30 qo‘llanilganda teri va / yoki shilliq qavatlar shikastlanishi paydo bo‘lsa, preparatni darhol to‘xtatish va tibbiy yordamga murojaat qilish kerak. Preparatni me’da va / yoki o‘n ikki barmoqli ichak yara kasalligi bo‘lgan bemorlarga ehtiyotkorlik bilan qo‘llash kerak. Buyrak funksiyasi buzilgan yoki jigar kasalliklari og‘ir bo‘lgan hollarda Ambroksol 30 faqat shifokor bilan maslahatlashgandan so‘ng qo‘llanilishi kerak, ehtimol qabul qilish oralig‘ini uzaytirish yoki preparat dozasini kamaytirish kerak bo‘ladi. Ambroksol gidroxlorid jigarda metabolizatsiyalanadi va organizmdan buyraklar orqali chiqariladi, shuning uchun og‘ir buyrak yetishmovchiligida ambroksol va / yoki uning metabolitlari jigar to‘qimalarida to‘planishi mumkin. Davolash davomida preparatning mukolitik ta’sirini kuchaytirish uchun yetarli miqdorda suyuqlik (sharbatlar, choy, suv) qabul qilish zarur. Preparat tarkibida sorbit mavjud. Fruktozani o‘zlashtira olmaslikning kam uchraydigan irsiy muammolari bo‘lgan bemorlar ushbu preparatni qabul qilmasliklari kerak. Sorbit, shuningdek, yengil ich ketishiga olib kelishi mumkin. Ambroksol 30 tarkibida shakar yo‘q, shuning uchun uni qandli diabet bilan kasallangan bemorlarga qo‘llash mumkin. Spirtli ichimliklar tarkibida yo‘q. Ambroksol 30 aksariyat yo‘talga qarshi preparatlar qatoridan farqli o‘laroq, yo‘tal kamayganda balg‘am ajralishini buzilishiga olib keladi. Shilliq sekretsiyasi kuchayganida, bronxomotor funksiyalar buzilganida (masalan, bunday kam uchraydigan genetik jihatdan aniqlangan kasallikda, birlamchi siliyar diskinziya kabi) mukolitik vositalarni (shu jumladan ambroksolni) ehtiyotkorlik bilan qo‘llash kerak, chunki ko‘p miqdorda shilliq to‘planish xavfi mavjud. Homiladorlik yoki emizish davrida qo‘llash Preparatni homiladorlikning I trimestrida qo‘llash tavsiya etilmaydi, II va III trimestrlarida preparatni ona uchun foyda va homila uchun mumkin bo‘lgan xavf nisbati sinchiklab baholangandan so‘ng qo‘llash mumkin. Ambroksol ona sutiga o‘tadi, shuning uchun preparatni emizish davrida qo‘llash tavsiya etilmaydi. Avtotransport yoki boshqa mexanizmlarni boshqarishda reaksiya tezligiga ta’sir qilish qobiliyati Tavsiflanmagan.